2 Thessaloniciendjé 2:3 - Mbede Lə Luba Kone Gə Sigi

³ Ar-je dəw inga ɗew kara kara ərə si gə tar gə baa ang. Mba kar nam ɓa kar ndɔ-ɛ gə əng le ɗe ɗaa, dəwje bula d-a kuba ɗəw lə Luba kḭya̰, ngaɓa dəw gə njeneɗa gə dɔ buguru a kila rɔ-ɛ gə ɗaga, ꞌne ngon gə nje kuba tuji.

Testament ke Siki 1960 (Kabba Laka)

³ Ase kare doou kada eresè mare deo té kada ang, mbata ndò nèn a dé ang tokou tar mbeténa dé dongor ang bai, ke doou ke madjang téh daka mbä, nè ke nto ngon ke a kwoei loou kem pourou té.

2 Thessaloniciendjé 2:3 ပူးပေါင်းရင်းမြစ်များ

Jean 17:12

Logə m-ga̰ gə je le, ri-i gə unda dɔ-m gə le ja ɓa m-ngom neje; m-a dɔ-je kər-kər ɗaa dəw kara kara igi horo-je ang, ngaa ngon lə nje tuji ja gə kar-ɛ baa, mba kar tar lə Luba gə Mbede gə le, aw ne lo-e gə ja yɛrɛrɛ.

1 Corinthiendjé 6:9

ꞌGərəje ang baa wa? Nje ɗa ne dɔ buguruje le d-a kuwa ɓeko̰ lə Luba gə nenduba ang. Ərəje rɔ-si dɔ-ɛ gə ang: njekayaje nəm, nje polo magəje nəm, nje ɓogo lo toje nəm, njetəl rɔ-je gə jeneje nəm, jingawje gə njeto gə naaje nəm,

Ephésiendjé 5:6

May kar dəw kara kara ərə si gə tar paje gə baa gə nangə əng ang; mba neje gə to gə be le ja ɓa wungu lə Luba ɗe ne dɔ nganje lə njekal tarje gə.

1 Jean 2:18

Ngan-m gə gɔgɔ, oje, j-isi dɔbo̰ ndɔ gə, to gə sisəy oje tar-ɛ na nje kəm tar lə Kirisi aw ɗe; ngaɓa ɓogəne ne kara nje kəm tarje lə Kirisi bula ꞌga̰ nee, gəl-e gə nee ɓa sijee ja gərə ne to gə dɔbo̰ ndɔ ɗe nam.

1 Jean 4:3

ngaa ɓo njil gə ɗa-ɗa gə gərə Jeju ang nama, to njil lə Luba ang, ɗaa to njil lə nje kəm tar lə Kirisi, to gə oje tar ɗe lə-a le, ɗaa ɓisine n-ga̰ dɔ nangə gə nee nam ngaa.

Apocalypse 17:11

Ngaɓa da gə ga̰ kede ɓa təl godo magə le, ye ja to gə mbay gə njekum gə ji nay joo. N-to kara lə nje gə siri le, ɗaa ꞌne n-aw gə lo tuji gə lə-a.

Apocalypse 17:8

Da gə o-e le ga̰, n-ga̰ kede, ngaa n-godo ngaa. N-a kɔsə lo ce mə buwa wəl gə sṵra̰ godo gə mba kaw lo tuji gə. Ɗaa dəwje gə d-isi dɔ nangə nee, gə un kud-e lo kunda dɔ nangə gə ja, gə ꞌɗa ri-je mə mbede kaji gə ang le, lo gə d-a ko da le nama, lo tar a kigi-je sɛl, mba n-ga̰ kede, n-godo magə, ngaa n-a təl ɗe.