2 Piyɛr 3:15 - Mbede Lə Luba Kone Gə Sigi

¹⁵ To gə ngon ko̰-si gə m-njig-e ya̰, Pɔl ɗa ne mbede gə go kəm karə gə d-ar-ɛ le, may kar oje kila mə dɔ mar-ɛ gə lə Mbayɓe le gə ɗəw kaji lə-si.

Testament ke Siki 1960 (Kabba Laka)

¹⁵ Woidjé kourè wour lo Mbaibé Seigneur tokou kadji. Deo kadaba tokou ngoködjè Paul ke djèdjè ndikè nya da maketourou aresè, deo kemkarè té ke darè.

2 Piyɛr 3:15 ပူးပေါင်းရင်းမြစ်များ

Lugu 21:15

Mba ꞌma ja m-a kar-si tar gə a paje gə kəm karə gə dəw kara horo nje kəm tarje gə lə-si a kasə mba cila ne kəm tar lə-si ose gə mba kar ne gədərə no-si gə ang.

Koula 15:25

Be ɓa logə ndu-si asə naa ɗaa j-a tɔr dəwje j-um-je dɔ Barənabas je gə Pɔl gə ja njigi ya̰ gə mba kula-je ɓe lə-si, ye ɓa j-o gə ne gə may.

Koula 7:10

Ɗaa ɔr-ɛ dan neməko̰je gə tɔ̰y, ɗaa ar-ɛ mənuji gə kəm karə ar-ɛ n-ta kəm Parawo̰ gə to mbay gə Ejipətə, ar Parawo̰ unda dɔ ɓeko̰ gə Ejipətə gə dɔ kəy gə lə-a tɔ̰y.

Koula 9:17

Be ɓa Ananiyas ɔdə aw ngaɓa logə ce mə kəy gə le ɗaa ila ji-a dɔ Sɔl gə le ngaɓa pa na: Ngon ko̰-m Sɔl, ɗe lə-i le Mbayɓe Jeju ce dɔ-i gə dɔ ɗəw gə aw ɗe ne gə le, n-ula-m mba kar kəm-i təl o lo ngaɓa kar Njil Njerɔsangə ɗusu mə-i tɔ.

Romaindjé 2:4

Ose məmay lə-a gə boy, gə kila mə dɔ mar-ɛ gə lə-a ngaɓa kore ur lə-a le ꞌi o gə neje gə baa, lal kar-i ꞌgərə to gə məmay lə Luba ɔs-i ngug-ngug kar-i ꞌturu ne kəji lə-i wa?

1 Corinthiendjé 12:8

Njil ar dəw gə kara tar kəm karə; ar dəw gə kən gusutar gərə ne, gə go Njil gə kara baa nee le ja;

1 Corinthiendjé 2:13

Ngaɓa sijee kara j-a pa tar neje gə nee le gə ɗəw tar kəm karə gə dəwje ꞌtɔji ang, ngaa gə ɗəw gə Njil tɔji sijee, ja tɔji ne neje gə kar Njil j-ar nje gə Njil Luba to mə-je gə.

1 Corinthiendjé 3:10

Gə go mənuji lə Luba gə m-inga le ɗaa, m-ɔsə gɔl kəy le to to gə njegusu kunda kəy gə kəm-e arə be, ngaɓa dəw gə ɗangə ɗe unda kəy dɔ-ɛ gə. Ngaa may kar na-na kara pa kunda gə unda ne le o gə maj-ɛ ɓa.

Ephésiendjé 3:3

Ɗaa to gə ne gə to lo kiya-a gə, gə ꞌkila dɔ-ɛ d-ar-m m-gərə le ɓa m-ɗa tar-ɛ ɗɔgəsɔ be mə mbede gə nee.

1 Timoce 1:16

Ngaa Ye gə be ɓa, Luba ɗa sə-m məmay mba kar ꞌma gə to dəw gə dɔngɔr le, Jeju Kirisi tɔji kore mə ndəng lə-a dɔ-m gə. Ye ɓa a to ne kɔji mar-ɛ kar nje gə d-a ta kag-ɛ mba kinga nee təbə gə gə ndɔ gə ndɔ.

Jacques 1:5

Ngaa, to gə ɓo kəm karə lal dəw kara horo-si gə nama, may kar-ɛ dəji Luba gə nje kar ne dəwje tɔ̰y gə go məmay lə-a lal dəji ndu-je le nama, n-a kar-ɛ ja tɔ.

Jacques 3:17

Ngaa, kəm karə gə ḭ dara le, kede dɔngɔr, to arə ngadə, ngaɓa kul lom, aw yururu, gɔl nuji, kəmtondoo ɗusu m-e, ngaɓa kandə neje gə may gə ɔr kəm dəw ang nəm, pa tar mula ang nəm tɔ.

1 Piyɛr 3:20

nje gə ꞌɗa dɔ ngang gə Luba kede ləw, ngaa Luba ila m-e dɔ mar-ɛ gə, dɔ ndɔ gə Nowe ɗa ne to gə boy, ar dəwje njɛɓərɛ baa ja d-al, dəwje ji nay joo gə man uwa-je ang.

2 Piyɛr 3:2

mba kar mə-si ole ne dɔ tarje gə pajambərəje gə to gə losang-ɛ ꞌpa kede, ngaɓa gə dɔ ndu gə Mbayɓe gə Njekaji-si un ar njeka̰ykulaje lə-si.

2 Piyɛr 3:9

To ngə̰y ɓa Mbayɓe ngə̰y dɔ tar təl gə lə-a le to to gə nje gə kɛm d-əji ne ang. Ngaa n-ila m-e dɔ mar-ɛ gə ɔji dɔ sisəy ja, mba n-njigi kar dəw kara horo-si gə uba tuji ang, ngaa kar dəwje tɔ̰y ja ꞌturu kəji lə-je.