2 Piyɛr 2:2 - Mbede Lə Luba Kone Gə Sigi

² Dəwje bula d-a kum mə-je naa gə dɔ neɗa dɔ godo gə lə-je, ɗaa mba sijee ja, d-a taji ne ɗəw tar gə tɔgərɔ.

Testament ke Siki 1960 (Kabba Laka)

² Maredjé nya a kao godè té deo boo té ke madjang lodè, da pa tar tadji dò deo tar té ke tokoro mbata lodè.

2 Piyɛr 2:2 ပူးပေါင်းရင်းမြစ်များ

Matiye 22:16

D-ula ngan njenendoje lə-je gə nje koso gəl Erɔdə gə je ɓə lə Jeju na: Njenetɔji, j-a gərə to gə ꞌto nje pa tar gə tɔgərɔ nəm, ꞌtɔji dəwje ɗəw lə Luba gə tɔgərɔ, ꞌɓəəl ne kəm dəw ang, mba ꞌi o pa kun darɔ lə dəwje gə ɗaga baa ang.

Matiye 24:24

Mba kirisije gə gə mbɔr-ɛ baa gə Pajambərəje gə gə mbɔr-ɛ baa d-a ɗe ɗa netɔjije gə to ɓəəl to ɓəəl, gə neje dang-dang gə kəm dəw o ndɔ kara ang, mba kar ɗəw to nama kərə ne dəwje gə Luba mbərə-je ja kara nəm.

Matiye 7:14

Ngaa ta ɗəw kəy gə məm gə ɗəw gə to njondəro̰ le ɓa aw ce lo kisi kəm baa gə, ngaa dəwje bula d-andə ne ang.

Marəke 12:14

ꞌƊe ꞌpa d-ar-ɛ na: Njenetɔji, j-a gərə to gə ꞌto nje pa tar gə tɔgərɔ nəm, ꞌɓəəl ne kəm dəw ang; mba ꞌi o pa kun darɔ lə dəwje gə ɗaga baa ang nəm, ꞌtɔji dəwje pa nja gə ta kəm Luba nəm tɔ. Ɗəw to kar dəw uga lar gədə ɓe lə Sejar wa? J-a kuga ose j-a kuga ang wa?

Marəke 13:22

Mba kirisije gə gə mbɔr-ɛ baa gə pajambərəje gə gə mbɔr-ɛ baa d-a ɗe ɗa netɔjije gə neje dang-dang gə kəm dəw o ndɔ kara ang, mba kar ɗəw to nama kərə ne dəwje gə ꞌmbərə-je.

Jean 14:6

Jeju pa ar-ɛ na: ꞌMa ja m-to gə ɗəw, gə Tar gə tɔgərɔ gə təbə. Dəw kara kara a kasə kaw rɔ Bɔy gə lal ce gə ɗəw gə ɓe lə-m ꞌma ang.

Koula 13:10

ngaɓa pa na: ꞋI gə tar kərə gə məngo̰y ɗusu mə-i njḭ, ngon lə ꞌSɛ̰ngərɛ̰, njeba̰a̰ lə neɗa gə gadə-gadə tɔ̰y, kuwa tar gə tɔgərɔ lə Mbayɓe ndṵrḭ le a kunda ngang-ɛ ang gə no ja wa?

Koula 14:2

Ngaa Jiibije gə to nje məkədərəje ꞌsula dəwje gə ꞌgərə Luba ang d-ar d-aw gə kəji gə kṵra̰y baa ja dɔ ngan ko̰ naa gə.

Koula 16:17

N-dole go si gə Pɔl naa gə ngaɓa n-uru ꞌkuwi na: Dəwje gə d-aw nee le ꞌto njekulaje lə Luba gə nje kisi sam dara gə ngaɓa d-aw d-ila mbərə ɗəw kaji.

Koula 18:26

ꞌNe nee le n-pa tar kəm ngon gə jingaw mə kəy nendo gə lə Jiibije. Logə Pirisika je gə Akilas d-o ɗaa d-uwa-a gə rɔ-je gə ꞌtəl tɔj-ɛ ɗəw lə Luba bɛrɛ-bɛrɛ ja cibi.

Koula 19:9

Ngaa nje gə kɛm mə-je kədərə al dɔ lo ɗaa ꞌpa tarje gə kṵra̰y ɔji dɔ ɗəw lə Mbayɓe be ɓa n-ɔr kəm ngan njenendoje ɗədə n-aw gə je kəy nendo gə lə dəw gə ri-a na Tiranus ɗaa gə ndɔ-ndɔ ja n-to̰ gə je tam.

Koula 22:4

M-ula kəm nje gə d-un ɗəw nee le ndoo asə yo ngaɓa m-tɔ jingawje gə jeneje m-um-je kəy kula gə.

Koula 24:14

M-pa gə ɗaga no-i gə: M-aw m-polo Luba lə ka-sijee gə ɗəw gə ꞌɓar-ɛ na dəwje gə d-unda rɔ-je ꞌgangə, m-ta kagə torondu tɔ̰y gə tarje tɔ̰y gə Pajambərəje ꞌɗa mə mbede gə,

Romaindjé 2:24

Mba ꞌtaji ri Luba horo dəwje gə ꞌgərə Luba ang gə mba sisəy, to to gə ɗa ne mə mbede gə.

1 Timoce 5:14

Gəl-e nee ɓa, m-njigi kar jene ndubaje gə ꞌnay mandə ɓi ꞌta ngaw, d-uji nganje, ꞌngom-je mə kəy lə-je mba kar njeba̰a̰ inga ɗəw tuji ri-je ang.

Tite 2:5

kar d-a gərə kila ubu dɔ tar gə, kar d-ar ne ngadə, kar d-a to jeneje gə may gə ɗəw gərə ɗa ne kula mə kəy gə lə-je, ngaɓa kar d-ula ne dɔ-je ngulum no ngaw-jeje gə nəm, be ɓa dəwje d-a ndɔl ne tar lə Luba ang.

Tite 2:8

tar gə gadə-gadə ɓa ar-ɛ ce ta-i gə, gə dəw a kasə ma̰y ang mba kar rɔ kul uwa ne nje kəm tarje lə-si ngaɓa kar d-inga ne ɗəw kara gə d-a pa ne tar gə kṵra̰y dɔ-si gə ang.

1 Piyɛr 2:12

Ar-je pa nja-si to gə maj-ɛ horo dəwje gə ꞌgərə Luba ang gə, mba kar logə ꞌpa na ꞌɗaje ne gə kṵra̰y kəne nama, kula ɗa si gə may ɓa d-o kəne ngaɓa kar d-ɔsə ne gaji Luba dɔ ndɔ ɗe gə lə-a.

2 Piyɛr 2:12

Ngaa ꞌjejee nee le, ꞌto to gə gə daje gə kəji lə-je godo be, gə ꞌto kar tuwa-je gə tɔl-je, be ɓa ꞌtaji ne ne gə ꞌgərə ang, ɗaa d-a busu to gə daje busu ne be tɔ,

2 Piyɛr 2:15

Logə d-uba ɗəw gə dana gadə-gadə d-ḭya̰ gə tɔg-ɛ baa ɗaa, ꞌndəəm-je d-un ɗəw go dəw gə nje njigi kuga gə gə dɔ buguru, ri-a na Balam, ngon lə Bosor,

2 Piyɛr 2:18

ꞌPa tarje gə baa ja d-ɔsə ne rɔ-je ngaɓa gə go ɓo neje gə darɔ gə d-ərə ne nje gə kar be ɓi ɓa ꞌkɔdɛ rɔ-je d-ɔr ji njendəəmje gə;

2 Piyɛr 2:21

Mba kar ꞌgərə ɗəw gə may nee kede ang le ja, may ya̰ unda ye kar ꞌgərə nam ɓa ꞌtəl d-uba ndu gə to gə losang-ɛ gə d-ar-je d-ḭya̰.

2 Piyɛr 2:7

ngaa to gə ɓo Lɔd gə to dəw gə gadə-gadə, gə kəji lə-a turu buguju dɔ pa nja gə kṵra̰y gə lə nje tɔl dəwje gə nee le, n-ɔr-ɛ n-ce sə-a

Jude 1:10

Ngaa dəwje gə kən le, ne gə ꞌgərə ang kara ꞌtaji nəm, ngaɓa ꞌdole go kəji lə-je to gə daje gə mu gə kore dɔ-je godo be, ꞌtuji ne rɔ-je pugudu.

Jude 1:15

mba gangə ne tar dɔ dəwje gə tɔ̰y ngaɓa gə mba kila ne tar dɔ dəwje gə ꞌgərə Luba ang ɗəw kula ɗaje gə may ang gə nəm, gə tarje gə baa-baa gə njeneɗaje gə kṵra̰y nee le ꞌpa dɔ Luba gə.

Jude 1:4

Be ɓa, dəwje gə kɛm d-andə horo-si gə go ngə̰y baa, ꞌto dəwje gə ꞌpa tar gangə tar gə uwa dɔ-je ləw baa mə mbede gə. Dəwje gə kṵra̰y gə mbəl mənuji lə Luba lə-si ꞌta ne toro kaya, ngaɓa ꞌmbadə ꞌɓəə-sijee gə kara baa gə Mbayɓe Jeju Kirisi.

Jude 1:7

Ɗəw kara baa, dəwje gə Sɔdom gə nje gə Gɔmɔr gə ɓeje gə to mbɔr-je gə dəb, d-un rɔ-je ꞌɗa ne kaya, cibi ꞌɗaje nekɔbə, ꞌgangə tar dɔ-je gə kar to ne kɔji mar-ɛ, d-ar pər gə ndɔ gə ndɔ gə a kṵy ang ja o̰-je.

Apocalypse 12:9

D-ɔs-ɛ d-ila-a dɔ nangə gə nee, da kɔb gə boy, gə to li gə kede ləw, ꞌne gə d-unda ri-a na ꞌSɛ̰ngərɛ̰ gə ꞌSu, ꞌne gə n-ɗa n-ar dəwje gə d-isi dɔ nangə tɔ̰y ꞌndəəm, d-ɔs-e d-ila-a nangə, ngaɓa anjije lə-a kara d-ɔsə-je d-umje sə-a tɔ.

Apocalypse 13:14

N-ərə dəwje gə d-isi dɔ nangə nee gə n-ɗa netɔjije ta kəm da kɔr gə le n-sula neje n-ar ꞌɗa ndaji da kɔr gə inga do kiya bayi ɓa təl isi kəm baa le.

Apocalypse 13:8

Dəwje tɔ̰y gə d-isi dɔ nangə gə nee, gə ri-je godo mə mbede təbə gə lə ngon badəm gə d-uja-a gə ne məsə, un kud-e lo kunda gəl nangə gə ja, d-a pol-e ꞌne gə da le.