2 Piyɛr 1:16 - Mbede Lə Luba Kone Gə Sigi

¹⁶ Logə j-ila mbərə ɗe gə Mbayɓe lə-si Jeju Kirisi a ɗe gə singamongə j-ar-si le, to gə ꞌsu gə dəwje d-ɔr gə kəm karə lə-je ɓa j-ɔr j-ar-si ang, ngaa sijee ja j-o-e lo kunda rɔ-ɛ gə to ɓəəl gə kəm-si nda̰-nda̰;

Testament ke Siki 1960 (Kabba Laka)

¹⁶ Mbata djèdjè djoun go tar kòrou sou ang, ke mpa ke gousou tokou djèdjè nda ta kare sésè egeridjé singa ke téh lo Mbaibé lodjè Jésus Christ, a djèdjè nto ndjè tar nadji ke djo bo la ke kemdjè ndja.

2 Piyɛr 1:16 ပူးပေါင်းရင်းမြစ်များ

Matiye 16:27

Mba ꞌMa gə Ngon lə dəw m-a ɗe dan rɔnduba gə lə Bɔ-mje gə anjije lə-a, ɗaa m-a kuga dɔ ji dəwje kara kara tɔ̰y gə go kula ɗa-je.

Matiye 16:28

Tɔgərɔ, m-pa m-ar-si, nje gə kɛm gə d-ar horo-si gə nee d-a kuy ang saar d-a ko-m ꞌma gə Ngon lə dəw gə m-a ɗe gə Mbay gə boy gə kəm-je.

Matiye 17:1

Ndɔ misa̰ go-e gə ɗaa, Jeju ɔr Piyɛr je gə Jagə, gə Ja̰ gə ngon ko̰ Jagə n-aw gə je nganga̰ dɔ ər gə ndəw gə.

Matiye 24:27

Be ɓa, ɗe lə-m ꞌma gə Ngon lə dəw le a to to gə təl lə nji gə ndogo lo ce gə lə kar aw saar lo kuru nangə gə lə-a be.

Matiye 24:3

Jeju isi dɔ wuri gə kagəje gə ꞌɓar-ɛ Olibiyeje ar kəne, ɗaa ngan njenendoje lə-a ꞌɗe rɔ-ɛ gə kar-ɛ baa ꞌdəji-e na: ꞌPa ar-si j-o, ndɔ gə ɗa ɓa neje nee le a ɗe ne wa? Ngaɓa ɗi ɓa to ne gə tɔji ndɔ ɗe lə-i gə ndɔ gə ɗudu le wa?

Matiye 28:18

Jeju ɗəm gə rɔ-je gə pa ar-je na: M-inga singa ko̰ dɔ neje mə dara gə gə dɔ nangə nee tɔ̰y.

Marəke 13:26

Be ɓa, d-a ko-m ꞌma gə Ngon lə dəw gə m-a ɗe mə kil gə lə nji gə singamongə gə boy ngaɓa dan rɔnduba gə.

Marəke 14:62

Jeju ila kəne na: To ꞌma ja. Ɗaa a ko-mje ꞌma gə Ngon lə dəw gə m-isi dɔ ji kɔl Njesingamongə gə, m-a ɗe dan kil lə nji gə dara.

Lugu 1:2

ɗəw kara baa to gə nje gə d-ar lo kuma kud-e gə d-o gə kəm-je pa nee tar-ɛ d-ar-sijee, ngaɓa təl to nee nje ɗa kul-ɛje tɔ.

Lugu 9:43

Dəwje tɔ̰y ja lo tar igi-je sɛl ɗaa ꞌpa na: Luba to njesingamongə ja. Ne gə Jeju ɗa le ta kəm dəwje tɔ̰y ja. N-pa n-ar ngan njenendoje na:

Jean 1:14

Tar le təl rɔ-ɛ gə dəw, cibi ɓa isi horo-si gə mənuji gə tar gə tɔgərɔ ɗusu m-e tub-tub, ngaɓa sijee j-o rɔnduba lə-a, to to gə rɔnduba kar Ngon kara gə inga rɔ Bɔ-ɛje gə.

Jean 17:2

To gə ꞌI ar-ɛ singamongə ko̰ dɔ dəwje gə tɔ̰y le ɗaa, dəwje tɔ̰y gə um-je mə ji-a gə le, n-ar-je təbə gə to gə ndɔ gə ndɔ le tɔ.

Romaindjé 1:4

ngaɓa, ꞌɓar-ɛ Ngon lə Luba ɗəw singamongə gə lə Njil Njerɔsangə Jeju Kirisi to Mbayɓe lə-sijee go kuy gə uy ɓa ndol horo nje gə d-uy gə;

1 Corinthiendjé 1:17

Mba Kirisi ula-m mba kar m-ɗa batɛm ang ngaa mba kar m-ila mbərə Tar gə May; mba kar m-pa tar kəm karə ang na kagə dəsə lə Kirisi a to ne gə baa.

1 Corinthiendjé 1:23

Ngaa sijee le, Kirisi gə ꞌɓər-e kagə dəsə gə ɓa j-ila mbər-e, ye ja to gəl koso lə Jiibije ngaɓa dəwje gə ꞌto Jiibije ang gə d-o gə tar mbə.

1 Corinthiendjé 1:7

Be ɓa ne kara gə ɔji dɔ mənuji lal-si ang, aw nginaje ne ndɔ gə Mbayɓe lə-si Jeju Kirisi a kila ne rɔ-ɛ gə ɗaga.

1 Corinthiendjé 2:1

Ngan ko̰-mje, ꞌma le ɗaa, logə m-ɗe ɓə lə-si le, m-ɗe mba pa tar gə to ɓəəl ose kəm karə ɓa m-ila ne mbərə ne lə Luba gə to lokiya gə m-ar-si ang.

1 Corinthiendjé 2:4

Tar lə-m gə m-pa gə ne gə m-tɔji le, to tar kəm karə gə mba cɛdə ne gɛngərɛ̰-si ang baa; ngaa to gə Njil ɓa ce ne ngaɓa to gə singamongə.

1 Corinthiendjé 5:4

Mba, gə ri Mbayɓe Jeju ɗaa, njil-m a kum gə sisəy naa gə kara baa, gə go singamongə lə Mbayɓe lə-sijee Jeju ɗaa,

2 Corinthiendjé 2:17

Mba sijee le ja to to gə nje gə kɛm bula gə d-un tar lə Luba gə nekinga ne lə-je baa ne ang; sijee ɗaa, tar gə tɔgərɔ gə ḭ rɔ Luba gə ɓa ja pa, j-ar ne no Luba gə mə Kirisi gə.

2 Corinthiendjé 4:2

Ngaa, neje tɔ̰y gə to lokiya gə ngaɓa to nerɔkul lə-sijee le, j-ɔsə ngərəng, sijee j-a tula pa nja-si naa gə ang ngaɓa ja buguru dɔ tar lə Luba ang tɔ. Ngaa, ja kila dɔ tar gə tɔgərɔ gə ɗaga, ja ɗa ne tar naji lə-sijee kar kəji lə dəwje to ne dɔ sijee gə ngadə no Luba gə.

Ephésiendjé 4:14

Mba kar-sijee j-a to ne gə nganje gə kasə ang ngaa, mba nganje gə kasə le, ꞌpagəm ləngə-je ngaɓa ꞌbil-je aw gə je yo gə nee ɔji dɔ netɔjije ɓədə-ɓədə gə d-ula-je ne gore, d-ar-je ꞌndəm ɗəw nekərə gə, gə ɗəw kula ɗaje gə lə dəwje;

Philippiendjé 3:21

gə a mbəl darɔ gə a kuy nee le kar ta naa gə darɔ-ɛ gə a kuy ang gə go singamongə lə-a gə dum ne dɔ neje tɔ̰y.

1 Thessaloniciendjé 2:19

Ɗi ja ɓa to ne kunda mə lə-sijee wa? Sisəy ja ꞌtoje rɔləl lə-sijee, gə jɔgə ne riɓar lə-sijee gə dɔ ndɔ təl gə lə Mbayɓe lə-si Jeju.

2 Thessaloniciendjé 2:9

Njeneɗa gə dɔ buguru le a ɗe gə ɗəw kula ɗa gə lə ꞌSu. N-a ɗa neje dang-dang gə kəm dəw o ndɔ kara ang, netɔjije, ngaɓa neje gə to ɓəəl to ɓəəl baa gə nangə əng,

1 Timoce 1:4

Ulaje ar d-ḭya̰ kɔr suje ose gə tura gəl kuji dəwje mba to ne gə a ɗe gə tar ma̰y ja baa horo-je gə ɓo a kɔsə kudu kula lə Luba gə go ɗəw takagə ang baa.

1 Timoce 4:7

Əw rɔ-i kunda mə-i dɔ tar gə baa gə gə ɓuga jeneje d-aw tura rad-rad. May kar ꞌi ja ila kuji dɔ ne gə lə Luba.

Tite 1:14

cibi ɓa gə mba kar d-ɔsəje tar gə baa lə Jiibije ngərəng nəm ɓa mba kar d-udu ne mbi-je jigi dɔ torondu dəwje gə ꞌmbadə tar gə tɔgərɔ.

2 Piyɛr 2:3

Gə go ɓo lar gə uwa-je ɓərə gə ja, d-a kərə ne si gə tar gə ta-je gə, mba kinga ne neje ji-si gə, ngaa tar uwa dɔ-je ləw baa ngaɓa d-a kuba tuji ɓisine baa.

1 Jean 4:14

Cibi sijee le, j-o ngaɓa j-a pa tar naji to gə Bɔ dəwje ula Ngon gə to Njekaji dəwje dɔ nangə nee.

Jude 1:14

Cibi, Enɔgə gə to gəl ka Adam gə njekum gə siri pa ne ɔji dɔ dəwje nee na: Oje, Mbayɓe a ɗe gə njerɔsangəje lə-a bula-bula,

Apocalypse 1:7

Oje Jeju ar dɔ kil gə lə nji gə tar aw ɗe. Dəwje tɔ̰y d-a ko-e, nje gə d-ɔsə mbo kar-ɛ gə ninga ꞌmbudu ja kara d-a ko-e gə kəm-je, ngaɓa gəl kuji dəwje tɔ̰y gə dɔ nangə nee d-a no rɔ-je mba tar lə-a. Oyo!