2 Jean 1:10 - Mbede Lə Luba Kone Gə Sigi

¹⁰ To gə ɓo dəw ɗe ɓə lə-si gə nendo nee le ang nama, ꞌuwaje gə rɔ-si gə ang nəm ngaɓa ꞌɗa-ɛje m-o-i ɓa ang nəm tɔ.

Testament ke Siki 1960 (Kabba Laka)

¹⁰ Tokou doou dé ròsè té ke tòdjousè tar nèn ang, etèèdjé ke kei ang, aséh edèidjé laphia ang.

2 Jean 1:10 ပူးပေါင်းရင်းမြစ်များ

Koula 15:23

ꞌƊa mbede to gə be d-ar-je na: Ngan ko̰-si, njeka̰ykulaje gə ngatɔgəje ꞌɗa mbede d-ar-sisəy ngan ko̰ naaje gə to Jiibije ang gə gə d-isi Antiyos, gə dɔ nangə gə Siiri gə Silisi. J-o si ɓa.

1 Corinthiendjé 16:22

Dəw gə ɓo njigi Mbayɓe ang nama may kar ndɔɔl uwa dɔ-ɛ! Maranata, m-e na Mbayɓe, ꞌɗe.

1 Corinthiendjé 5:11

Ngaa ɓisine ɗaa, mbede gə m-ɗa m-ar-si nee le, mba kar dəw gə ɗa rɔ-ɛ gə ngon ko̰-si, ɓa un rɔ-ɛ gə njeɗa kaya, nje kəm kə̰y, nje polo magə, njetaji kil, mbə kodo ose njekunda ne bagəra le, uwaje sə-a ba-ɛ ang ngaɓa kar dəw gə to gə bənəng le ne ja kara usaje sə-a ang.

2 Thessaloniciendjé 3:14

To gə ɓo dəw ila kuji dɔ tar gə ja ɗa mə mbede gə nee le ang nama, ꞌtən-eje oje gə maj-ɛ, ɗaa ɔs-ɛje ngərəng mba kar rɔ kul uwa-a.

2 Thessaloniciendjé 3:6

Ngan ko̰-mje, ja dəji-si gə ri Mbayɓe lə-si Jeju Kirisi, kar-si ꞌsaje rɔ-si rɔ ngon ko̰-si gə ɗa-ɗa gə to njedabə, ngaɓa neɗa lə-a to ɓədə gə netɔji gə ja tɔji-si kede.

Tite 3:10

Dəw gə ɓo aw ɗe gə tar kay naa horo njetakagə kirisije gə a ɓo n-ndəji-e gɔl kara, gɔl joo ɓa ɓo o ang nama ɔs-ɛ ngərəng gə ɗangə,

2 Jean 1:11

Be ɓa dəw gə ɗ-ɛ m-o-i ɓa ɗaa nj-ɛ ɗa sə-a mə kara dɔ neɗa-ɛje gə kṵra̰y.

3 Jean 1:10

Gəl-e gə nee ɓa, to gə ɓo, m-ce horo-si gə nama, m-a təl pa tar kula ɗ-ɛje, gə tarje gə kṵra̰y gə n-pa n-tuji ne ri-si gə lo-lo, ye gə kən ja kara as-ɛ ang ja dɔro ɓi ɗaa, n-mbadə mba kuwa ngan ko̰ naaje mba, ngaɓa nje gə ꞌnjigi mba ɗa kul-ɛ kara n-ɔgə je nəm, n-tɔɓə-je lo Mbo̰ naa lə njetakagəje gə nəm tɔ.