2 Corinthiendjé 8:9 - Mbede Lə Luba Kone Gə Sigi

⁹ Be ɓa, sisəy ꞌgərə-je mənuji lə Mbayɓe lə-sijee Jeju Kirisi, gə to baw ja ngaa, ɗa rɔ-ɛ gə njendoo mba kar ɗəw ndoo gə lə-a ɗaa sisəy a toje nebawje.

Testament ke Siki 1960 (Kabba Laka)

⁹ Mbata sésè egeridjé tòkou mè madji lo Mbaibé Jésus Christ, lé tokou nè nto ndjè né kinga, nè nda rè dangeté mbata losè, baa ta kare ingaidjé né kinga deo dangeté té la.

2 Corinthiendjé 8:9 ပူးပေါင်းရင်းမြစ်များ

Matiye 17:27

Gəl-e gə nee ɓa mba kar j-a tuji mə lar gədə ɓeje le ang ɗaa, ɔdə aw ta man bo gə, aw ila kuwi, ɗaa kənji gə a kuwa dɔngɔr ja, cɛ̰ t-ɛ ɗaa a kinga sulay kəne kara. Ɗaa un ɗe uga ne dɔ ꞌma gə ꞌi.

Matiye 20:28

Be ɓa ꞌma gə Ngon lə dəw m-ɗe mba kar ꞌɗa kula d-ar-m ang, ngaa mba to ngon njekula, gə kun təbə lə-m gə nekuga dɔ dəwje bula.

Matiye 8:20

Jeju pa ar-ɛ na: Njaje gə ꞌto daje baa kara buja lə-je ga̰, ngaɓa əlje gə d-aw dara əng kara kinga lə-je ga̰, ngaa ꞌma gə Ngon lə dəw ja baa ɓa lo kula dɔ-m godo.

Marəke 6:3

ꞌNe le ɓa n-to njekunja kagə, gə ngon lə Məri, gə n-to ngon ko̰ Jagə, gə Jose, gə Jude gə Simo le ang wa? Ngaɓa ko̰ nan-ɛje kara ꞌga̰ horo-si gə nee ang wa? Ɗaa n-təl n-to jigi tuga koso no-je gə.

Lugu 16:11

Ngaa to gə ɓo ꞌtoje ngon kuji dɔ nekinga gə dɔ buguru gə dɔ nangə nee ang nama naa ɓa a kum nekinga gə tɔgərɔ mə ji-si gə wa?

Lugu 2:7

ɗaa n-uji ngon dər-e gə jingaw. N-ɓiri-e gə ta kubu ngaɓa n-ila-a mə bəgərə kusa ne gə lə mangəje mba lo to godo mə kəy to mbaje gə.

Lugu 8:3

Jəni, jene lə Kuja, njegəm ne lə Erɔdə, gə Sujan je gə jeneje gə kɛm bula gə ꞌɗe d-un nekingaje lə-je la ne gə je ꞌga̰ tɔ.

Lugu 9:58

Jeju ila-a kəne na: Njaje gə ꞌto daje baa kara buja lə-je ga̰, ngaɓa əlje gə d-aw dara əng kara kinga lə-je ga̰, ngaa ꞌma gə Ngon lə dəw ja baa ɓa lo kula dɔ-m godo.

Jean 1:10

Tar le ga̰ dɔ nangə gə nee, ngaɓa dɔ nangə le to gə nekunda lə-a, ngaa dəwje gə dɔ nangə nee ꞌtəl gər-e ang magə.

Jean 1:14

Tar le təl rɔ-ɛ gə dəw, cibi ɓa isi horo-si gə mənuji gə tar gə tɔgərɔ ɗusu m-e tub-tub, ngaɓa sijee j-o rɔnduba lə-a, to to gə rɔnduba kar Ngon kara gə inga rɔ Bɔ-ɛje gə.

Jean 1:17

mba Luba ar torondu-e ɗe gə ɗəw gə lə Moyiji, ngaa tar gə tɔgərɔ gə mənuji ɗaa ɗe ɗəw gə lə Jeju Kirisi.

Jean 12:30

Jeju təl pa cibi na: Mba tar lə-m ꞌma ɓa ndu nee le ɓar ne ar d-o ang, ngaa mba tar lə-sisəy.

Jean 16:15

Neje lə Bɔ dəwje tɔ̰y to kar-m ꞌma; Gəl-e gə nee ɓa m-pa ne to gə tar gə n-a ko ta-m ꞌma gə ja ɓa n-a pa kar-si ɓi.

Jean 17:19

ꞌMa ja gə dɔ-m kara, m-sangə rɔ-m mba tar lə-je, mba kar ꞌjejee ja kara, d-unda-je gə losang-ɛ ɗəw tar gə tɔgərɔ gə.

Romaindjé 11:12

Ngaɓa to gə ɓo koso lə-je to nebaw lə dɔ nangə nee, ngaɓa kɔr rɔ gə gugu lə-je to may lə dəwje gə ꞌto Jiibije ang nama, ɗi ɓa a may kunda təl gə d-a təl gə kar ꞌjejee d-inga kaji barang tɔ wa?

Romaindjé 15:3

Mba Kirisi sangə ne gə ləl-e ang baa, ngaa to gə ꞌɗa ne mə mbede gə na: Taji kil lə nje taji-i je le oso dɔ-m gə.

Romaindjé 5:8

Ngaa, ɗəb-e gə nee ɓa Luba tɔji ne njigi gə n-njigi sijee, logə j-a to njeneɗaje gə kṵra̰y baa ɓi ja, Kirisi uy mba-si.

Romaindjé 8:32

ꞌNe gə Ngon-e ja ɓi ɓa n-ɔr kəm-e ang, ngaa n-un-e mba dəwje tɔ̰y nee le ja n-a kasə kar-si ne tɔ̰y sə-a ɗəw mənuji gə ang wa?

1 Corinthiendjé 1:4

M-ɗa Luba lə-m oyo taar-taar ɔji dɔ-si mba mənuji lə-a gə ingaje ɗəw lə Kirisi Jeju;

1 Corinthiendjé 15:47

Dɔngɔr dəw gə d-ɔr-ɛ nangə le, to dəw gə nangə nee. Njekum gə joo le ḭ dara.

2 Corinthiendjé 6:10

d-ula wungu mə-si gə, ngaa rɔ-si ləl-si gə ndooje tɔ̰y, j-unda dəwje dan may gə ja ngaa d-o si gə njendooje, d-o si to gə dəwje gə ne lə-je godo, ngaa ja to bawje.

Ephésiendjé 2:7

mba kar dɔ ndɔ gə bara nama, tɔji ne gadə mənuji lə-a gə unda kubu ɗəw məmay gə lə-a ɔji dɔ sijee gəl Kirisi Jeju gə.

Ephésiendjé 3:19

Ngaɓa gə mba kar ꞌgərəje ne njigi lə Kirisi gə tɔy negərə əw le, kar Luba ɗa ne ɓe mə-si gə dana badagə ta ne rɔ-si yal tɔ.

Ephésiendjé 3:8

ꞌMa gə m-to gə dəw gə m-to gə ne ang baa horo njerɔsangəje gə le, d-ar-m m-inga mənuji gə nee le m-ila ne mbərə nebaw lə Kirisi gə gar-ɛ godo, m-ar nje gə ꞌto gə Jiibije ang,

Colossiendjé 1:24

Ɓisine ɗaa m-ɗa rɔləl dan ꞌməsərə gə m-o ɔji dɔ-si ngaɓa ɗəw darɔ-m gə ɗaa m-tɔl ta kɛsə ꞌməsərə gə Kirisi o ɔji dɔ darɔ-ɛ gə to Mbo̰ naa lə njetakagəje.

1 Timoce 6:18

Ula-je mba kar-je ꞌɗa may, mba kar ꞌto baw neɗaje gə may. D-un ne d-ar gə məmay ngaɓa d-a to gə njekay ne dəwje pə-pə.

Ebərəje 1:2

ngaa dɔ ɗudu ndɔje gə nee ɗaa n-pa gə si tar gə ndu ngon-e. N-unda-a gə njekuwa nduba neje tɔ̰y, ngaɓa n-unda neje tɔ̰y ɗəw gə lə-a.

Jacques 2:5

Ngan ko̰-mje gə m-njigi-si ya̰, ꞌtugaje mbi-si oje: Se Luba ja ɓa mbərə nje gə ꞌto gə njendooje kəm dəwje gə dɔ nangə nee ɓa mba kar ꞌtəl to gə bawje ɗəw takagə, ngaɓa gə nje kuwa nendubaje gə mə ɓeko̰ gə lə-a, gə n-uwa dɔ gɔl-ɛ n-ngəbə nje gə ꞌnjigi-e le ang wa?

Apocalypse 2:9

M-gərə ne ur ti lə-i gə ndoo lə-i, ngaa ꞌto njenekinga, ɗaa tar paje gə kṵra̰y lə nje gə ꞌɗa rɔ-je gə Jiibije ngaa ꞌto Jiibije ang baa, ꞌto kəy nendo lə ꞌSu.

Apocalypse 21:7

Dəw gə cɛdə ɗɔ nama a kinga nenduba gə nee le, ɗaa m-a to gə Luba lə-a, ɗaa ye a to gə ngon-m.

Apocalypse 3:18

M-ndəj-i mba kar-i ꞌndogo sə-m maa gə d-ula-a ndubu pədə d-ar ar yororo mba kar-i ꞌtəl ꞌto ne njenekinga, gə kubuje gə nda mba kar-i ula rɔ-i gə on ne lo rɔ kul lə-i, gə kam ngogula ila kəm-i gə mba kar-i o ne lo.