2 Corinthiendjé 8:7 - Mbede Lə Luba Kone Gə Sigi

⁷ Ɗəw kara baa, to gə sisəy ꞌtoje baw dɔ neje gə tɔ̰y nee: takagə nəm, tar pa nəm, negərə nəm, ndəbə sər dɔ neje gə gə loe-loe ngaɓa njigi gə njigi-je sijee nəm, may kar ꞌɗaje kula mənuji gə nee le ar-je uru gada.

Testament ke Siki 1960 (Kabba Laka)

⁷ Tokou ban deo kadaba tokou tar lodè bar nya mè né té toï, deo ko mè té, deo pa tar té, deo kemkarè té, deo boo da né té toï, ke deo ndiki té losè mbata lodjè, edaidjé ta kare tar losè bar deo koula ndiki té nèn to.

2 Corinthiendjé 8:7 ပူးပေါင်းရင်းမြစ်များ

Matiye 25:22

Ngon njekula gə nje kinga mbɛl gə kula joo le ɗe tɔ ɗaa pa na: ꞌƁəə-mje, ar-m mbɛl kula joo, a m-inga mar-ɛ kula joo m-um kəne nee.

Romaindjé 15:14

Ngan ko̰-mje, tar gə ɔji dɔ sisəy le ɗaa, ꞌma ja kara m-gərə gə maj-ɛ to gə məmay ɗusu mə-si, negərə ɗusu mə-si ngaɓa asəje mba ndəji-je naa gə yo gə nee.

1 Corinthiendjé 1:5

mba ɗəw gə lə-a ja d-unda ne si dan may gə ɔji dɔ ne tɔ̰y, ɔji dɔ tar tɔ̰y ngaɓa gə negərə tɔ̰y nəm,

1 Corinthiendjé 12:13

Mba mə Njil gə kara ɗəgədə nee ja sijee tɔ̰y gə ja to darɔ gə kara baa le, ꞌɗa-si batɛm tɔ̰y kəne, Jiibije, gə nje gə to Jiibije ang, gə ɓərəje, gə nje dɔ-je to doy, ngaɓa Njil gə kara nee le ja tɔl kunda lə-si tɔ̰y.

1 Corinthiendjé 12:8

Njil ar dəw gə kara tar kəm karə; ar dəw gə kən gusutar gərə ne, gə go Njil gə kara baa nee le ja;

1 Corinthiendjé 13:2

Ngaɓa to gə ɓo m-pa tar gə pajambərə, m-gərə gəl neje tɔ̰y gə to lokiya gə ngaɓa gərə ne tɔ̰y, to gə ɓo m-ta kagə gə mə-m tɔ̰y, ar asə kar m-ngɛsə ne dɔ ərje ɓa, to gə ɓo njigi godo mə-m gə nama m-to ne gə baa.

1 Corinthiendjé 13:8

Njigi to saar-saar gə no. Be ɓa tarje gə pajambərə pa, a kunda nangə, ndo̰ tarje a kunda nangə, gərə ne a kunda nangə.

1 Corinthiendjé 14:12

Ɗəw kara baa to gə sisəy kara, tar neje gə kar Njil oso ur-si le, ar-je kəji ne gərə lə-si tɔ naa gə gə njil, ngaa mba kula ne jingaw mə mbo̰ naa lə njetakagəje gə ɓa.

1 Corinthiendjé 4:7

Mba, ɗi ɓa to ne gə unda-i ɓədə wa? Ɗi ja ɓa ꞌi inga gə kinga ang wa? Ngaɓa to gə ɓo inga gə kinga baa ɗaa, mba ɗi ɓa ꞌi unda ne kar-i to to gə ne gə ꞌi inga gə singa-i ja be wa?

2 Corinthiendjé 7:7

ɗe lə Titə baa ɓa ula jingaw mə-sijee gə ang, ngaa to jingaw gə sisəy ula-je m-e ꞌne gə ɓa ar-sijee singa tɔ. Titə ɔr gəl mal ko sijee gə ɗa sisəy, tar man no gə ɗe kəm-si gə ɔji dɔ sijee, mə-si gə to dɔ-m gə. Neje nee le ar-m rɔləl gə al dɔ lo cibi.

2 Corinthiendjé 8:6

Be ɓa, j-ula jingaw mə Titə gə mba kar tɔl ta kula mənuji ɓə lə-si, to gə n-uma ne kud-e le.

2 Corinthiendjé 9:14

ꞌƊəji Luba mba tar lə-sisəy, ꞌtɔji njigi lə-je ɔji dɔ mənuji lə Luba gə uru dɔ mar-ɛ, gə to dɔ-si gə.

2 Corinthiendjé 9:8

Luba asə kar-si nemayje dang-dang, mba kar ingaje ne ne gə ndɔje tɔ̰y gə a la gə rɔ-si, ngaɓa ye gə nay ji-si gə ya̰ le a kuwaje ne nuji tɔ,

Ephésiendjé 4:29

May kar tar gə ha̰rə̰w ce ta-si gə ang, ngaa to gə ɓo ɗəw to nama, ꞌpaje Tar gə May gə a kula jingaw mə naa gə nəm, ngaɓa dəwje d-o nama d-inga mənuji kəne tɔ.

Philippiendjé 1:11

May kar pa nja gə may gə ingaje ɗəw gə lə Jeju Kirisi le, ila riɓar gə dɔ Luba gə, gə ɔsə gaji-ɛ.

Philippiendjé 1:9

Ngaɓa m-dəji Luba mba kar njigi lə-si ɔsə dɔ mar-ɛ gə kede-kede, kar kəm-si unja ar ꞌgərəje ne ne gə may ngaɓa kar ɔrəje ne kəm ne gə may gə ne gə kṵra̰y.

2 Thessaloniciendjé 1:3

Ngan ko̰-mje, j-ar oyo Luba jaga-jaga ɔji dɔ-si. To lo-e ja kar j-a ɗa be, mba takagə le sisəy ɔsə dɔ mar-ɛ gə kede-kede, njigi naa gə horo-si gə yo gə ne kara uru dɔ mar-ɛ gə ya̰ tɔ.

2 Timoce 2:1

Be ɓa ꞋI gə to ngon-m le, mənuji lə Kirisi Jeju to gəl kuba singa lə-i.

Ebərəje 12:28

Gəl-e gə nee ɓa mba j-ingaje ɓeko̰ gə a yə ang le ɗaa j-a ɗaje Luba oyo, gə ɓəəl gə kila kuji ngaɓa j-a polo-eje ne.

1 Piyɛr 1:22

Mba ꞌtogoje mə-si ɗəw kila kuji dɔ tar gə tɔgərɔ gə, ɓa mba kar ꞌnjigije naa gə maj-ɛ gə ngan ko̰ naaje le ɗaa, may kar uwaje ji njigi naa lə-si nee le kɛgə, gə mə gə arə ngadə,

2 Piyɛr 3:18

ngaa may kar-si ꞌtɔgəje dɔ mənuji gə gə dɔ gərə Mbayɓe gə Njekaji-si Jeju Kirisi gə gə kede-kede. May kar riɓar to k-ɛ, ɓisine ngaɓa saar-saar gə no! Oyo.

Apocalypse 3:17

Mba ꞌpa na: M-to njenekinga, m-isi dan nekinga gə dana badagə ɗaa m-aw ndoo ne kara ang, cibi ngaɓa ꞌgərə to gə ꞌto gə njendoo ang nəm, gə njekəmtondoo ang nəm, gə nje ko məsərə ang nəm, gə njekəmandoo ang nəm, gə nje kəm tɔ ang nəm, gə nje kaw kudu dum ang nəm tɔ.