2 Corinthiendjé 8:4 - Mbede Lə Luba Kone Gə Sigi

⁴ ꞌDəjije-si ɗəw ngɔɔgɔ-ngɔɔgɔ mba kar j-ḭya̰ ɗəw j-ar-je ꞌmbo̰ ne ne mənuji ꞌla ne gə njerɔsangəje gə Jerujalɛm.

Testament ke Siki 1960 (Kabba Laka)

⁴ Dèdè ndoudjoudjè nya ta karedè deo ta kouma ndjè ko mè tédjé ke né lodè.

2 Corinthiendjé 8:4 ပူးပေါင်းရင်းမြစ်များ

Matiye 10:42

Dəw gə ɗa-ɗa ja ɓa ɔr man gə kul gə ngon ngo ar ngon kara horo nganje gə nee ay mba to ngon njenendo lə-m nama, tar gə tɔgərɔ ja m-pa m-ar-si, nekuga dɔ ji lə-a a koso nangə ɓɛdə ang.

Matiye 12:50

Mba, dəw gə ɗa-ɗa gə ɗa mə njigi lə Bɔ-mje gə isi mə dara gə nama, nj-ɛ nee ɓa to ngon ko̰-m, ko̰ nan-m gə ko̰-mje.

Matiye 25:40

Ɗaa Mbay le a təl kila-je kəne na: Tɔgərɔ ja, m-pa m-ar-si, lo gə ɗa gə ja ɓa ꞌɗaje məmay gə dəw kara baa ja horo ngan ko̰-mje gə nee ɗaa, to ꞌma ja ɓa ꞌɗaje sə-m kən.

Marəke 14:7

mba njendooje le ꞌga̰ gə si nee gə ndɔje tɔ̰y, ɗaa ndɔ gə mə-si njigi ja asəje mba ɗa gə je may, ngaa ꞌma le m-a ga̰ gə si gə ndɔje tɔ̰y ang baa.

Koula 11:29

Be ɓa ngan njenendoje d-unda ndu-je mba kar na-na kara ar ne gə to ji-a gə mba kar d-ula ꞌla ne gə ngan ko̰ naaje gə d-isi dɔ nangə gə Jude.

Koula 16:15

Logə ꞌɗ-ɛ batɛm gə njeməkəyje lə-a ɗaa n-ɗa-si kɔgərɔ na: To gə ɓo o-mje gə njetakagə Mbayɓe to gə tɔgərɔ nama ꞌɗe andəje kəy lə-m isije kəne. Ɗaa n-ɗa n-ar j-a njigi go-e.

Koula 24:17

Go ɓalje gə nday bula ɗaa m-təl m-ɗe gəl kuji gə lə-m, m-un ne m-ar njenekɔyje ngaɓa m-ar nenuji tɔ.

Romaindjé 15:31

mba kar-m m-ce ne ta nje məkədərəje gə Jude, ngaɓa kar nekarə baaje gə m-aw Jerujalɛm nee le, njerɔsangəje ꞌta ji-m gə gə maj-ɛ,

1 Corinthiendjé 16:1

Tar gə ɔji dɔ nembo̰ mba la ne gə njerɔsangəje le, sisəy kara, ꞌɗaje to to gə m-un ne ndu-m m-ar Mbo̰ naaje lə njetakagəje gə Galasi be.

1 Corinthiendjé 16:15

Ngan ko̰-mje, m-un ndu m-ar-si ja cibi. ꞌGərəje to gə nje gə mə kəy gə lə Sətepanas ꞌto dɔngɔr njetakagəje gə Akayi, ngaɓa d-un rɔ-je ꞌɗa ne kula d-ar njerɔsangəje.

2 Corinthiendjé 9:1

Tar gə ɔji dɔ kula la gə njerɔsangəje gə Jerujalɛm le, to kəm kar-m m-ɗa mbede m-ar-si ang ngaa.

Galatedjé 2:10

Ne kara baa gə ꞌdəji kar j-a ɗa ɗaa, kar mə-si to dɔ la gə njendooje ja baa, ɗaa to ne gə uwa mə-m kar-m m-ɗa ja tɔ.

Galatedjé 6:10

Gəl-e gə nee ɓa, ɗəw to kar j-a ɗaje may gə dəwje tɔ̰y, ngaa to may kar j-a ɗa gə njetakagəje ja ɓa.

1 Timoce 5:10

may kar neɗaje lə-a gə may to ɗaga pay-pay kəm dəwje gə: ɗəw siri ngan-ɛ gə gə maj-ɛ, ɗəw kuwa mbaje gə, ɗəw togo gɔl njetakagəje, ɗəw la gə nje gə d-isi dan nekəmtondoo gə, ɗəw ɗa ne gə may gə lo-e lo-e.

Ebərəje 6:10

Mba Luba to njebuguru ɓa m-e a kuy dɔ kula ɗa si ang nəm, gə nuji gə uwaje gə ri-a ɗəw məmay gə ꞌɗaje gə njerɔsangəje ngaɓa aw ꞌɗaje saar ɓisine.