2 Corinthiendjé 8:10 - Mbede Lə Luba Kone Gə Sigi

¹⁰ To tar kəji ɓa m-ila dɔ mar-ɛ gə m-ar-si, to tar gə ɔji dɔ-si, mba mə ɓal gə nday gə əng le, sisəy ja ꞌtoje dəwje gə dɔngɔr gə gɔl mə-je gə mba mbo̰ ne baa ang, ngaa dəwje gə dɔngɔr gə ꞌnjigi mbo̰ ne.

Testament ke Siki 1960 (Kabba Laka)

¹⁰ Yèn to tar ke mam ntòdjou dò tar té nèn, to madji wota mbata losè ta da toï loshénè, né ke ounidjé kotè ta da bal té ke dongor, ke ta da ba ang a ta ndiki ta da.

2 Corinthiendjé 8:10 ပူးပေါင်းရင်းမြစ်များ

Matiye 10:42

Dəw gə ɗa-ɗa ja ɓa ɔr man gə kul gə ngon ngo ar ngon kara horo nganje gə nee ay mba to ngon njenendo lə-m nama, tar gə tɔgərɔ ja m-pa m-ar-si, nekuga dɔ ji lə-a a koso nangə ɓɛdə ang.

Jean 11:50

Ngaɓa to ne gə may ar-sisəy mba kar dəw kara ɓa uy ta ne dɔ dəw mə ɓeje tɔ̰y ngaɓa kar gəl kuji ja kərəng tuji ne ang tɔ.

Jean 16:7

Ngaa ꞌma le, m-pa tar gə tɔgərɔ ja m-ar-si: To may lə-si mba kar ꞌma m-ɔdə m-aw; mba to gə ɓo m-ɔdə m-aw ang nama Njekuul mə-si a ɗe kinga-si ang; ngaa to gə ɓo m-ɔdə m-aw nama, m-a kula-a kar n-ɗe n-inga-si.

Jean 18:14

ꞌNe gə Kayip gə nee le ja ɓa n-ar Jiibije tar ndəji gə nee na: To may ya̰ kar dəw gə gə kar-ɛ baa uy mba dəw mə ɓeje.

1 Corinthiendjé 10:23

D-un ɗəw kar ꞌɗa ne tɔ̰y ja, ngaa ne tɔ̰y to ne gə may ang baa; d-un ɗəw kar ꞌɗa ne tɔ̰y ja, ngaa ne tɔ̰y ar dəw singa ang baa.

1 Corinthiendjé 16:2

May kar na-na ja kara horo-sisəy gə, dɔngɔr ndɔ gə mə dɔmasi gə ja, un ne asə dɔ singa mə kəy gə lə-a ila gə lo-e, mba kar ꞌngina ndɔ ɗe lə-m ɓa ꞌmbo̰ ne ang.

1 Corinthiendjé 6:12

Ɗəw to kar m-ɗa neje tɔ̰y ja, ngaa ne tɔ̰y may ang baa; ɗəw to kar m-ɗa ne tɔ̰y ja ngaa ꞌma m-a kḭya̰ ɗəw kar ne kara kara uwa-m ɓərə gə ang.

1 Corinthiendjé 7:25

Tar gə ɔji dɔ ngaw baje le, ꞌma m-inga ndu gə Mbayɓe un ar-m ɔji dɔ-ɛ ang; ngaa gə go ɗəw gə Mbayɓe o ne kəmtondoo lə-m, ɓa turu-m ne gə dəw gə gadə-gadə le ɗaa, kəji lə-m ɓa nee.

1 Corinthiendjé 7:40

Be ɓa, gə go kəji lə-m ɗaa, to gə ɓo n-isi lo kisi-e gə nama n-a kisi gə rɔləl ya̰. Mba ꞌma ja kara m-əji to gə Njil Luba isi mə-m gə tɔ.

2 Corinthiendjé 12:1

Kəm kɔsə rɔ ja wa? Tɔgərɔ ja, may lə-a godo. Ngaa m-a pa tar neje gə m-o lokiya gə gə neje gə Mbayɓe kila gəl-e ar-m.

2 Corinthiendjé 8:6

Be ɓa, j-ula jingaw mə Titə gə mba kar tɔl ta kula mənuji ɓə lə-si, to gə n-uma ne kud-e le.

2 Corinthiendjé 8:8

M-pa tar gə nee le m-un ne gə ndu ɓa m-ar-si ang, ngaa m-pa tar ndəbə sər lə nje gə kɛm gə ne kɔji mar-ɛ mba kar-sisəy tɔjije ne njigi lə-si gə tɔgərɔ.

2 Corinthiendjé 9:2

Mba m-gərə ɓo ɗa kula gə to mə-si gə, ye ɓa m-unda ne kar-m no dəwje gə Masedowan na: Nje gə Akayi ꞌgɔl rɔ-je to gə kaal baa ngaɓa kɔsə rɔ ɓad lə-si ndol dəwje bula.

Philippiendjé 4:17

To gə nekarə baa ɓa m-sangə ang, ngaa m-sangə nduji kula lə-si gə ɔsə dɔ mar-ɛ.

Ebərəje 13:16

Be ɓa ar-je mə-si uy dɔ ɗa may gə gə la gə dəwje ang, mba nepoloje gə to gə be le ɓa ləl Luba.