2 Corinthiendjé 8:1 - Mbede Lə Luba Kone Gə Sigi

¹ Sisəy ngan ko̰-mje, j-a njigi kar-si ꞌgərəje mənuji lə Luba gə tɔji rɔ-ɛ gə ɗaga horo Mbo̰ naaje lə njetakagəje gə Masedowan.

Testament ke Siki 1960 (Kabba Laka)

¹ Djèdjè ndikisè ta geré, ngakömdjé, mbata tokou mè madji lo Allah ke da ke kei Allah ke Macédoine té.

2 Corinthiendjé 8:1 ပူးပေါင်းရင်းမြစ်များ

Matiye 25:22

Ngon njekula gə nje kinga mbɛl gə kula joo le ɗe tɔ ɗaa pa na: ꞌƁəə-mje, ar-m mbɛl kula joo, a m-inga mar-ɛ kula joo m-um kəne nee.

Koula 11:23

Logə n-ce Antiyos gə to gə n-o mənuji lə Luba ɗaa n-ɗa rɔləl ngaɓa n-ula jingaw mə-je gə mba kar d-um mə-je dɔ Mbayɓe gə.

Koula 16:9

Mə cil-e gə əng ja Pɔl o ne lokiya gə ɗaa dəw pa na: Dəw gə Masedowan ar taar gə ngal-ɛ ɗa kɔgərɔ na, aw mə ɓeko̰ gə Masedowan aw la gə si.

Koula 24:17

Go ɓalje gə nday bula ɗaa m-təl m-ɗe gəl kuji gə lə-m, m-un ne m-ar njenekɔyje ngaɓa m-ar nenuji tɔ.

Romaindjé 15:26

Mba nje gə Masedowan gə Akayi ꞌnjigi gə maj-ɛ ja mba mbo̰ ne la ne gə njendooje gə horo njerɔsangəje gə d-isi Jerujalɛm.

1 Corinthiendjé 15:10

Ngaa gə go mənuji lə Luba ɓa m-to ne ne gə m-to ɓogəne, ngaɓa mənuji gə m-inga le to ne gə baa ang, m-ɗa kula m-unda-je tɔ̰y, gə go singa-m ꞌma ang ngaa gə go mənuji gə Luba ɓa nay sə-m.

2 Corinthiendjé 11:9

mba logə m-ga̰ ɓə lə-sisəy le, ndoo neje to-m ja ngaa m-ta ne kara ji dəw gə ang, ngaa ngan ko̰-sijee gə d-ḭ Masedowan ɓa d-ar-m neje gə ndoo-e to-m. Ɔji dɔ neje tɔ̰y le, m-njigi mba to nekodo dɔ sisəy gə ang, ngaɓa m-ɔgə rɔ-m mba to nekodo dɔ si gə ja saar gə no.

2 Corinthiendjé 9:12

Mba kula nembo̰ nee le la gə njerɔsangəje gə kar-je baa ang, ngaa ɗa ar dəwje d-ar ne oyo Luba ya̰.

2 Corinthiendjé 9:2

Mba m-gərə ɓo ɗa kula gə to mə-si gə, ye ɓa m-unda ne kar-m no dəwje gə Masedowan na: Nje gə Akayi ꞌgɔl rɔ-je to gə kaal baa ngaɓa kɔsə rɔ ɓad lə-si ndol dəwje bula.

2 Corinthiendjé 9:4

M-ɓəəl ang mba to gə ɓo, nje gə Masedowan d-aw sə-m ɓa d-o to gə sisəy uwaje dɔ gɔl rɔ-si ang nama, to rɔ kul gə a kuwa sijee ja, ngaa a kuwa sisəy nəm tɔ.

Ephésiendjé 3:8

ꞌMa gə m-to gə dəw gə m-to gə ne ang baa horo njerɔsangəje gə le, d-ar-m m-inga mənuji gə nee le m-ila ne mbərə nebaw lə Kirisi gə gar-ɛ godo, m-ar nje gə ꞌto gə Jiibije ang,

Colossiendjé 1:29

Mba ye gə nee ɓa m-ɗa ne kula, m-ɗɔ ne gə singa-a gə ɗa kula rɔ-m gə gə mong-e.

1 Thessaloniciendjé 4:10

Ɗaa to ne gə nee le ja tɔ ɓa ꞌɗaje gə ngan ko̰-si gə gə Masedowan tɔ̰y. Be ja kara j-ula jingaw mə-si gə kar ꞌɗaje ya̰ gə kede ja cibi,