2 Corinthiendjé 7:4 - Mbede Lə Luba Kone Gə Sigi

⁴ M-ḭya̰ mə-m yag m-ar-si, rɔ-m ndɔɔ ya̰ dɔ si gə, mə-m oso nangə pɔ̰, rɔləl ɗusu mə-m dan ꞌməsərəje gə j-o gə.

Testament ke Siki 1960 (Kabba Laka)

⁴ Mem oso pon kesè, ma mpitisè nya, mam ndousou mbata ongou lom ke òrou, mam ndousou ke rònèl wota mè né ndoo té lodjè toï.

2 Corinthiendjé 7:4 ပူးပေါင်းရင်းမြစ်များ

Koula 5:41

Njeka̰ykulaje nee le d-ɔdə no ngɔ gangə tar gə lə Jiibije nee le gə rɔləl mba ko gə Luba oje to gə d-asə kar ꞌɗa-je məyɛr mba ri Mbayɓe.

Romaindjé 5:3

Cibi ɓa, le dan ꞌməsərəje gə ja kara sijee j-a ɗa rɔləl, mba j-a gərə to gə ꞌməsərə uji kuwa gədərə,

1 Corinthiendjé 1:4

M-ɗa Luba lə-m oyo taar-taar ɔji dɔ-si mba mənuji lə-a gə ingaje ɗəw lə Kirisi Jeju;

2 Corinthiendjé 1:14

to gə sisəy ꞌgərəje tar gə ɔji dɔ sijee njɛ̰ ɗɔdə le, sijee ja to gə ne kunda kar lə-sisəy ɗəw kara baa to gə sisəy kara ꞌtoje ne kar-sijee dɔ ndɔ gə lə Mbayɓe Jeju.

2 Corinthiendjé 1:4

ꞌNe gə n-kul mə-sijee dan ꞌməsərəje gə lə-sijee tɔ̰y, mba kar nekul məje gə sijee j-inga rɔ Luba gə le, sijee kara j-asə kul ne mə dəwje gə d-isi dan ꞌməsərəje gə dang-dang!

2 Corinthiendjé 10:8

Ngaɓa, le m-unda kar-m ya̰ ɓəəl ɔji dɔ singa gə Mbayɓe ar-sijee kar j-ula ne jingaw mə-sisəy kara rɔ kul uwa-m ang, singa gə n-ar-sijee mba kar mbo̰ naa lə-sisəy aw ne gə kede ɓo mba tuji ne sisəy ang.

2 Corinthiendjé 11:21

M-pa gə rɔ kul, to to gə sijee j-a tɔji tɔgə godo lə-sijee ja. Ne tɔ̰y gə dəw asə ɗa le, m-pa gə tar mbə, ꞌma kara m-asə ɗa ja tɔ!

2 Corinthiendjé 2:14

Oyo ar Luba gə ar-sijee ja cɛdə ɗɔ mə Kirisi gə gə ndɔje tɔ̰y, ngaɓa ɗəw gə lə-sijee ɗaa, ba̰y kəndə mambo̰ negərə lə Kirisi sagə pə-pə gə lo tɔ̰y.

2 Corinthiendjé 3:12

Be ɓa, sijee j-inga ne kunda mə gə gar-ɛ godo ɗaa ja ɓəəl ang.

2 Corinthiendjé 7:14

Kɔsə gə m-ɔsə gaji rɔ-m ɓəəl no Titə gə ɔji dɔ-si, rɔ kul uwa-m ang. Ngaa to gə sijee ja pa ne tar gə tɔgərɔ j-ar-si gə ndɔje tɔ̰y le, ɓo j-ɔsə gaji rɔ-sijee no Titə gə nama, to tar gə tɔgərɔ ja,

2 Corinthiendjé 8:24

ꞌTɔjije-je to gə ꞌnjigije-je tɔgərɔ jaa, mba kar Mbo̰ naaje lə njetakagəje ꞌgərə, ngaɓa ꞌtɔji-je gəl kɔsə gə j-ɔsə gaji rɔ-sijee ɔji dɔ sisəy no ꞌjeje gə tɔ.

Philippiendjé 1:14

Ngaɓa, kuwa gə d-uwa-m d-ila-m kəy kula gə nee le, ɗa ar ngan ko̰-mje bula d-inga ne singa dɔ mar-ɛ gə ɗəw gə lə Mbayɓe, mba kila ne mbərə gə ɓəəl ang.

Philippiendjé 1:20

gə go ne gə m-aw ngina ngaɓa gə go kunda mə lə-m ɗaa rɔ kul kara kara a kuwa-m ang. Ngaa ɓisine saar gə kede le d-a pidi Kirisi ɗəw gə lə-m gə ɓəəl ang, uji ne kuy lə-m ose kisi gə təbə lə-m;

Philippiendjé 1:26

Təl gə m-a təl kaw ɓə lə-si a təl to ne riɓar lə-si gə boy ɔji dɔ-m ɗəw gə lə Kirisi Jeju.

Philippiendjé 2:17

Ngaa, le to gə m-nuga rɔ-m kadə m-ɔsə ne dɔ kar-sisəy gə dɔ kula takagə lə-si gə to nepolo gə nenuji kara, m-ɗa rɔləl-e ngaɓa m-təl m-ɗa gə sisəy tɔ̰y;

Colossiendjé 1:24

Ɓisine ɗaa m-ɗa rɔləl dan ꞌməsərə gə m-o ɔji dɔ-si ngaɓa ɗəw darɔ-m gə ɗaa m-tɔl ta kɛsə ꞌməsərə gə Kirisi o ɔji dɔ darɔ-ɛ gə to Mbo̰ naa lə njetakagəje.

1 Thessaloniciendjé 2:19

Ɗi ja ɓa to ne kunda mə lə-sijee wa? Sisəy ja ꞌtoje rɔləl lə-sijee, gə jɔgə ne riɓar lə-sijee gə dɔ ndɔ təl gə lə Mbayɓe lə-si Jeju.

1 Thessaloniciendjé 2:2

Ngaa, go ꞌməsərə gə j-o ngaɓa kəm-si gə d-ula ndoo mə ɓe gə Pilipi gə to gə oje ne tar-ɛ le ja kara, Luba ula jingaw mə-sijee gə ar j-ila mbərə Tar gə May lə-a j-ar-sisəy dan nejɔgəje gə bula.

2 Thessaloniciendjé 1:4

Be ɓa, rɔ-si ləl-si dɔ sisəy gə horo Mbo̰ naaje lə njetakagəje le Luba, mba uwaje gədərə gə takagə lə-si dan nekəmandooje gə, gə dan ꞌməsərəje gə ce dɔ-si gə.

Pilimo 1:7

Be ɓa rɔ-m ləl-m ya̰ ngaɓa singa-m oso dɔ mar-ɛ gə ɔji dɔ njigi lə-i, ngon ko̰-m, mba ɗəw gə lə-i ɓa mə njerɔsangəje oso nee nangə po̰.

Jacques 1:2

Ngan ko̰-mje, oje nenaje ɓədə-ɓədə gə ce dɔ-si gə le gə ne rɔləl