2 Corinthiendjé 7:2 - Mbede Lə Luba Kone Gə Sigi

² Ar-je mə-si uy dɔ sijee ang. Sijee ja mbɔlɛ ne lə dəw ang, ja tuji ne lə dəw ang nəm ɓa j-ula mbə dɔ dəw gə kara ang nəm tɔ.

Testament ke Siki 1960 (Kabba Laka)

² Aridjédjè loou mèsè té, djèdjè nda madjang ke doou kada ang, djèdjè ntoudjou doou kada ang, djèdjè ntaa né lo doou ke boukou ang.

2 Corinthiendjé 7:2 ပူးပေါင်းရင်းမြစ်များ

Matiye 10:14

Cibi logə ɓo dəw uwa-si mba ang nəm ngaɓa o tar lə-si ang nəm ɗaa ꞌceje mə kəy gə ose mə ɓebo gə nee le ɗaa, ꞌkundaje kuru gə gɔl si gə

Matiye 10:40

Dəw gə uwa-si gə rɔ-ɛ gə nama ꞌma ja uwa-m gə rɔ-ɛ gə əng, a ɓo dəw gə uwa-m gə rɔ-ɛ gə nama uwa Luba gə njekula-m gə rɔ-ɛ gə tɔ.

Lugu 10:8

Logə andəje mə ɓe gə, a ɓo d-a kuwa-si gə rɔ-je nama, usaje ne gə d-a kar-si.

Koula 20:33

M-ɗa ɓo lar ose maa ose kubu lə dəw ang.

Romaindjé 16:18

Mba dəwje gə to gə be le ꞌɗa kula lə Kirisi Mbayɓe lə-sijee ang, ngaa d-aw ɗa kula mba mə-je ja baa; ɗaa gə go tarje gə may-may gə ta-je gə ngaɓa gə mba kərə ne dəwje gə kəji lə-je uru ang.

2 Corinthiendjé 1:12

Mba gəl ne gə sijee j-unda ne kar-si le, to gə tar naji gə mə kəji lə-si gə to nee: sijee ja nja pa nja gə horo dəwje gə dɔ nangə gə nee, ngaɓa horo-sisəy gə ja dɔ ngɔ, gə kɔsə rɔ ang, ngaɓa gə karə ngadə gə ḭ rɔ Luba gə; ɗaa mənuji lə Luba ɓa ɔr no-si ɓo kəm karə gə darɔ gə ang

2 Corinthiendjé 11:16

M-təl m-pa ja cibi, may kar dəw kara ja o-m gə mbə ang; ɓo be ang nama, may kar ḭya̰je ɗəw ar-mje ndoo mbə ja tɔ mba kar ꞌma ja kara m-inga ɗəw m-ɔsə ne rɔ-m ɓəəl.

2 Corinthiendjé 11:9

mba logə m-ga̰ ɓə lə-sisəy le, ndoo neje to-m ja ngaa m-ta ne kara ji dəw gə ang, ngaa ngan ko̰-sijee gə d-ḭ Masedowan ɓa d-ar-m neje gə ndoo-e to-m. Ɔji dɔ neje tɔ̰y le, m-njigi mba to nekodo dɔ sisəy gə ang, ngaɓa m-ɔgə rɔ-m mba to nekodo dɔ si gə ja saar gə no.

2 Corinthiendjé 4:2

Ngaa, neje tɔ̰y gə to lokiya gə ngaɓa to nerɔkul lə-sijee le, j-ɔsə ngərəng, sijee j-a tula pa nja-si naa gə ang ngaɓa ja buguru dɔ tar lə Luba ang tɔ. Ngaa, ja kila dɔ tar gə tɔgərɔ gə ɗaga, ja ɗa ne tar naji lə-sijee kar kəji lə dəwje to ne dɔ sijee gə ngadə no Luba gə.

Philippiendjé 2:29

Uwa-aje gə rɔ-si gə gə rɔləl lə Mbayɓe ja tɔ̰y ngaɓa dəwje gə to gə be le ilaje kuji dɔ-je gə;

Colossiendjé 4:10

Arisətarəkə gə d-uwa-a sə-m pa na m-o-si m-ar ꞌne, ngaɓa Marəke gə njenuji lə Barənabas kara nəm. ꞌNe le ꞌpa tar lə-a d-ar-si kede nam a ɓo n-ce dɔ-si gə nama uwa-aje gə maj-ɛ gə rɔ-si gə.

1 Thessaloniciendjé 2:10

Sisəy ꞌtoje nje tar naj-ɛje ngaɓa Luba nəm, to gə pa nja sijee to gə losang-ɛ, gə dɔ gɔl-ɛ ngaɓa gə bar-ɛ yaw horo-sisəy njetakagəje gə.

Pilimo 1:12

M-təl m-ula-a gə ɓə lə-i, ꞌne gə to dəbə rɔ-m ꞌma ja.

Pilimo 1:17

To gə ɓo, o-m gə nje baa kula lə-i nama uwa Onejim gə rɔ-i gə to gə ꞌma ja be tɔ.

2 Jean 1:10

To gə ɓo dəw ɗe ɓə lə-si gə nendo nee le ang nama, ꞌuwaje gə rɔ-si gə ang nəm ngaɓa ꞌɗa-ɛje m-o-i ɓa ang nəm tɔ.