2 Corinthiendjé 7:10 - Mbede Lə Luba Kone Gə Sigi

¹⁰ Mba kəm gə to ndoo gə may ta kəm Luba gə le, ɗe gə turu kəji gə ce dɔ kaji gə ngaɓa jɔgə dəw ang, ngaa kəmtondoo gə dɔ nangə gə nee le uji yo.

Testament ke Siki 1960 (Kabba Laka)

¹⁰ Mbata ongou ke da ase kem Allah té an kedji mbeté né ke madjang, ke ao ke deo kinga kadji té ke tél are ongou ang, a ongou ke nange nèn an yo.

2 Corinthiendjé 7:10 ပူးပေါင်းရင်းမြစ်များ

Matiye 26:75

Be ɓa mə Piyɛr ole dɔ tar gə Jeju pa kede ar-ɛ na: Nam ɓa kar kura̰ ila mbərə ɗaa a ma̰y tar gɔl munda na ꞌgərə-m ang. N-ɔsə lo n-ce ɗaga ngaɓa n-no ɓəgəgə-ɓəgəgə.

Lugu 15:10

Ɗəw kara baa, m-pa m-ar-si, logə njeneɗa gə kṵra̰y turu kəji lə-a nama, rɔ anjije lə Luba ləl-je.

Lugu 18:13

Njembo̰ lar gədə ɓe, ye ar ngərəng ngaɓa dɔ-ɛ kara ɔr gə taar ang nəm, ngaa unda kar-ɛ jab-jab na: Luba lə-m, o kəmtondoo lə-m ꞌma gə m-to gə njeneɗa gə kṵra̰y.

Koula 11:18

Logə d-o-je tar le to gə be ɗaa məko̰ lə-jə unda nangə bɛm ar d-ɔsə gaji Luba na: Be ɓa dəwje gə ꞌgərə Luba ang kara Luba ar-je ɗəw mbəl kəji mba kar d-inga ne təbə tɔ.

Koula 3:19

Be ɓa ꞌturuje kəji lə-si gə ꞌmbəlje mə-si ɓo ar-je Luba bɔrə ne neɗa gə kṵra̰y lə-si gə kɔrɔ.

2 Corinthiendjé 12:21

M-ɓəəl mba logə m-a ce ɓə lə-si nama Luba a kḭ kila rɔ kul dɔ-m gə mba sisəy, kar man no a ndogo-m ɔji dəwje bula gə kede ꞌto nje gə ɗa neɗaje gə kṵra̰y, ɗaa ꞌturu kəji lə-je dɔ ne gə mina gə ang nəm, gə dɔ kaya gə ang nəm ngaɓa dɔ to bula njagəda gə ang nəm tɔ.

2 Corinthiendjé 7:9

Ɓisine ɗaa m-ɗa rɔləl, mba kəm-sisəy gə ɗa ndoo ang ngaa mba ɗa gə ɗa ar ꞌturu-je ne kəji lə-si. Mba kəm-sisəy gə to ndoo le ɗe gə go mə njigi lə Luba, be ɓa sijee j-a ɗa gə sisəy ne gə kṵra̰y kara be ang.

Ebərəje 12:17

ꞌGərəje to gə go-e gə ngaɓa njigi kinga ndu tɔr ɗaa lo-e godo, n-sangə gə man no ja ngaa n-inga ɗəw gə n-a təl ne gə bɔ-ɛje kar turu ne ndu-e ang ngaa.