2 Corinthiendjé 7:1 - Mbede Lə Luba Kone Gə Sigi

¹ Sisəy gə m-njigi-si ya̰, mba d-uwa dɔ gɔl neje gə to gə be d-ar-si naa gə kara baa le ɗaa, ar-je si ja togoje ne gə mina gə darɔ-si gə, gə mə njil gə mba kar sangə rɔ aw nee ɗɔ-ɛ gə kede-kede tɔl ne t-ɛ bugum dan ɓəəl Luba gə.

Testament ke Siki 1960 (Kabba Laka)

¹ Mbata djèdjè djéh ke tar ke Allah to ta da tokou ban, ngakömdjé ke mam ndikisè nya, ase karedjè ntoko né yèdo toï lo da rò ke lo ndii, aredjè nda ta kare mèdjè madji toï ke bel Allah.

2 Corinthiendjé 7:1 ပူးပေါင်းရင်းမြစ်များ

Matiye 12:33

Jeju un tar to gə ɗangə pa na: Kagə gə may le kand-e a may tɔ, a ɓo kagə gə kṵra̰y nama kand-e a kṵra̰y tɔ, mba kandə kagə ɓa d-a gərə ne kagə.

Matiye 5:48

To gə Bɔ-sijee gə isi mə dara gə may pɛdə-pɛdə le, sisəy kara ꞌmay-je pɛdə-pɛdə tɔ.

Matiye 5:8

Nokarə to mba nje gə mə-je arə ngadə, Mba d-a ko kəm Luba!

Koula 9:31

Mbo̰ naa lə njetakagəje gə Jude tɔ̰y, gə Galile gə Samari le dɔ-ɛ to ləl pɛ, inga singa, gə n-nja dan ɓəəl Mbayɓe gə ngaɓa uji mar-ɛ gə kede-kede ɗəw gə lə Njil Njerɔsangə.

Romaindjé 5:20

Torondu ce mba kar kal tar ba̰y ne gə kede, ngaa lo gə neɗa gə kṵra̰y ba̰y kəne nama mənuji bula kəne al dɔ lo.

1 Corinthiendjé 6:20

Mba ꞌndogo-si gə ne ndogo gə gad-e al dɔ lo. Ɗaa may kar unje darɔ-si ulaje ne rɔnduba dɔ Luba gə.

2 Corinthiendjé 1:20

Neje tɔ̰y gə Luba uwa dɔ gɔl-ɛ le to oyo ɗəw gə lə-a. Ngaɓa, ɗəw gə lə-a ɓa j-a ɗa ne Luba oyo j-ila ne riɓar dɔ-ɛ gə.

Ephésiendjé 2:3

Sijee tɔ̰y kara, ja to to gə ꞌjejee be tɔ, ɗaa kede le ja nja gə go kəm kə̰y gə darɔ-si ɓa ɔji, ja ɗa ne mə njigi lə darɔ-si gə tar kəjije lə-si, ar-si ja to ne gə dəwje gə d-uwa dɔ gɔl si d-ɔji ne dɔ wungu, gə ne gə d-uji-si ne gə kuji, to gə nje gə kɛm be tɔ.

1 Thessaloniciendjé 3:13

may kar n-ula jingaw mə-si gə mba kar tar uwa dɔ-si ɔji dɔ sangə rɔ lə-si no gɔl Luba gə ang, dɔ ndɔ gə Mbayɓe lə-si Jeju a ɗe nee gə njerɔsangəje tɔ̰y. Oyo.

1 Thessaloniciendjé 4:7

Mba Luba ɓar-si mba kar j-a to dəwje gə mina ang ngaa kar j-a to gə losang-ɛ.

1 Thessaloniciendjé 5:23

May kar Luba gə nje gəl ɗɛgɛgɛ gə darɔ-ɛ ja unda-si gə losang-ɛ, may kar lo kunda rɔ lə-si tɔ̰y, gə njil-si, kəm gə darɔ le ꞌto gə lo-e mɔgɔgɔ kar tar uwa ne dɔ-je ndɔ ɗe gə lə Mbayɓe lə-si Jeju Kirisi ang!

Ebərəje 12:23

andəje lo mbo̰ naa gə lə ngan dərje gə d-unda rije mə dara gə, ar-je rɔ Luba gə nje gangə tar dɔ dəwje gə tɔ̰y, gə dɔ njil dəwje gə Luba oje gadə-gadə gə ꞌɗe gə dəwje gə may pɛdə.

Ebərəje 12:28

Gəl-e gə nee ɓa mba j-ingaje ɓeko̰ gə a yə ang le ɗaa j-a ɗaje Luba oyo, gə ɓəəl gə kila kuji ngaɓa j-a polo-eje ne.

Ebərəje 4:1

Ar-si j-a ɓəəlje ɓa, mba dɔ gɔl lo kuwa kɔr lə-a gə n-uwa le to kɔb ɓi ɗaa, may kar dəw kara horo-si gə əji to gə n-lal ɗɔdə ang.

Ebərəje 6:9

Ngan ko̰-si gə j-a njigi-si ya̰, le j-a pa tar to gə be ja kara, ye gə ɔji dɔ sisəy le j-a gərə gə maj-ɛ to gə unje ɗəw gə may, ɗəw gə a ce gə si lo kaji gə.

Jacques 4:8

ꞌƊəmje gə rɔ Luba gə nama Luba kara a ɗəm gə rɔ-si gə tɔ. Njeneɗaje gə kṵra̰y, ꞌtogoje ji-si ngaɓa ar-je dɔ ɓəngərə-si arə ngadə tɔ, sisəy gə ꞌtoje gə ꞌpandəmje.

1 Piyɛr 1:15

ngaa, ɗəw kara baa to gə nje ɓar-si le to gə njerɔsangə ɗaa sisəy kara may kar ꞌsangəje rɔ-si dɔ pa nja-si gə tɔ̰y,

1 Piyɛr 1:17

To gə ɓo nje kɔr kəm dəwje ang, gə gangə tar dɔ na-na gə kara gə go kula ɗ-ɛje le, ꞌɓar-ɛje Bɔ nama, may kar dɔ ndɔ kisi kəm baa gə lə-si dɔ nangə nee ja ꞌɓəəl-eje ɗəw pa nja-si gə.

1 Piyɛr 1:22

Mba ꞌtogoje mə-si ɗəw kila kuji dɔ tar gə tɔgərɔ gə, ɓa mba kar ꞌnjigije naa gə maj-ɛ gə ngan ko̰ naaje le ɗaa, may kar uwaje ji njigi naa lə-si nee le kɛgə, gə mə gə arə ngadə,

1 Piyɛr 2:11

Ngan ko̰-m gə m-njigi-si ya̰, may kar-si ꞌgərəje to gə ꞌtoje nje kaw taarje ngaɓa gə mbaje dɔ nangə nee, ɗaa aje rɔ-si dɔ ɓo neje gə darɔ gə, gə d-aw ɗɔ gə si le.

1 Piyɛr 5:10

Luba gə nje ɗa mayje dang-dang, gə ɓar-si ɗəw gə lə Kirisi, kar-si isije sə-a dan rɔnduba gə a to saar gə no le, logə oje ꞌməsərə kor-e əw ɓəəl nama, ye ja a təl gɔl rɔ-si, a kula jingaw mə-si gə, a kar-si singa, a kar ngira-si uwa nangə baa-baa.

1 Jean 1:7

Ngaa to gə ɓo j-a njaje dan lokarə gə, to gə ꞌne kara n-to lokarə, nama j-a ɗa mə kara gə naa gə yo gə nee, ngaɓa məsə Jeju togo neɗa gə kṵra̰y lə-si tɔ̰y.

1 Jean 1:9

To gə ɓo j-a ce gə gəl rɔ-si dɔ neɗaje gə kṵra̰y gə lə-si nama, n-to njekila kuji dɔ ndu-e gə nəm ngaɓa n-to dəw gə gadə-gadə, n-a kɔr tar neɗa gə kṵra̰y dɔ-si gə ngaɓa n-a togo neje gə may ang gə to mə-sijee gə.

1 Jean 3:3

Dəw gə ɗa-ɗa ɓa unda m-e dɔ-ɛ gə nama a karə ngadə to gə ꞌne n-arə ngadə bənəng tɔ.