2 Corinthiendjé 6:8 - Mbede Lə Luba Kone Gə Sigi

⁸ dan riɓar gə gə rɔ kul gə, ꞌpa tarje gə kṵra̰y gə yə je gə may dɔ-si gə, ja pa tar gə tɔgərɔ ja ngaa d-o si gə njetar gə ɗəgərəje.

Testament ke Siki 1960 (Kabba Laka)

⁸ Mè piti té ke mè ròkoul té, mè tar té ke madjang ke mè tar té ke madji. Dodjè tokou ndjè kere ngem, a djèdjè nto dooudjé ke tokoro.

2 Corinthiendjé 6:8 ပူးပေါင်းရင်းမြစ်များ

Matiye 10:25

Ne gə kəm kar ngon njenendo ɗa, ɗaa ndəji kəm njenetɔji, ngaɓa ngon njekula ɗaa ndəji kəm ɓəə-eje tɔ. D-unda ri njekəy na to Bɛləjebul, gə to mbay lə njilje gə kṵra̰y ngaa kandə ɓa nje gə kəy lə-a d-a kunda ri-je to gə be ang wa?

Matiye 22:16

D-ula ngan njenendoje lə-je gə nje koso gəl Erɔdə gə je ɓə lə Jeju na: Njenetɔji, j-a gərə to gə ꞌto nje pa tar gə tɔgərɔ nəm, ꞌtɔji dəwje ɗəw lə Luba gə tɔgərɔ, ꞌɓəəl ne kəm dəw ang, mba ꞌi o pa kun darɔ lə dəwje gə ɗaga baa ang.

Matiye 27:63

ɗaa ꞌpa na: Mbay, mə-si ole dɔ tar gə nje kərə dəwje le pa, logə isi ne gə təbə baa ɓi na: To gə ɓo ndɔ munda go kuy gə lə ne nama, n-a kɔsə lo ce buwa yo gə.

Marəke 12:14

ꞌƊe ꞌpa d-ar-ɛ na: Njenetɔji, j-a gərə to gə ꞌto nje pa tar gə tɔgərɔ nəm, ꞌɓəəl ne kəm dəw ang; mba ꞌi o pa kun darɔ lə dəwje gə ɗaga baa ang nəm, ꞌtɔji dəwje pa nja gə ta kəm Luba nəm tɔ. Ɗəw to kar dəw uga lar gədə ɓe lə Sejar wa? J-a kuga ose j-a kuga ang wa?

Jean 7:12

Dan bula dəwje gə le, ꞌma̰y naa tar ya̰ ɔji dɔ-ɛ; nje gə kɛm ꞌpa na: N-to gə dəw gə may. Ngaa nje gə ɗangə tɔ ɗaa ꞌpa ꞌcila ne kəm nje gə ɓe kara na: N-to nje kərə bula dəwje kar-je ꞌndəm.

Koula 10:22

D-ila-a kəne na: Kɔrənəy njekɔr no njeɗɔje gə tɔl, gə to dəw gə gadə gə ɓəəl Luba ngaɓa gəl kuji Jiibije tɔ̰y kara ꞌtura-a gə dəw gə gadə-gadə. Ɗaa anji gə njerɔsangə ɗe pa ar-ɛ na kar n-ɓar-i n-ar-i aw kəy lə-a aw pa tar neje nee le ar-ɛ n-o.

Koula 16:39

Be ɓa ꞌɗe ꞌgɔl mə-je ngaɓa d-ḭya̰-je ɗaa ꞌtəl ɗaje kɔgərɔ mba kar d-ɔdə mə ɓebo gə nee le.

Koula 22:12

Dəw kara ri-a na Ananiyas, to dəw gə ila kuji dɔ ne gə lə Luba gə ɗəw torondu ngaɓa Jiibije gə Damasə kara ꞌpa tar naji lə-a may ya̰ tɔ,

Koula 24:5

J-inga dəw gə ar nee le gə dəw gə kṵra̰y gə nje kɔsə gəl ɓɛlɛ horo Jiibije gə tɔ̰y gə dɔ nangə nee, njekɔr no dəwje gə d-unda rɔ-je gangə gə ꞌɓar-je gə dəwje gə Najarɛd,

Koula 28:22

Ngaa j-a njigi ko tar gə ɔji dɔ kəji lə-i, mba j-a gərə to gə mbo̰ naa lə njekunda rɔ-je gangə-je gə nee le d-ila kagə no-ɛ gə gə lo tɔ̰y ja.

Koula 4:21

ꞌTəl ꞌɗa singa dɔ-je gə to gə ɗangə ngaɓa d-ḭya̰-je mba d-inga ɗəw kila tar dɔ-je gə ang, mba dəw mə ɓeje nəm, ngaɓa tɔ̰y ja d-ɔsə gaji Luba mba ne gə ce dɔ njerɔko̰ gə nee le.

Koula 5:13

Ngaa dəw gə ɗangə kara kara ɗe oso dɔ-je ang ngaa dəw mə ɓeje d-ɔsə gaji-je to ɓəəl.

Koula 6:3

Gəl-e gə nee ɓa, ngan ko̰-mje, ꞌmbərə-je jingawje siri horo-si gə, nje gə ꞌpa tar naji lə-je gə maj-ɛ, gə Njil kəm karə ɗusu mə-je mba kar-si j-um kula nekay nee le mə ji-je gə.

Romaindjé 3:8

Ngaɓa, to gə nje gə kɛm ꞌgangə tar d-unda ta-sijee gə na: Mba ɗi ɓa j-a kṵra̰y j-ar ne gə may aw ne gə kede ang wa ɗaa, dəwje gə to gə be le, kəm kar tar uwa dɔ-je.

2 Corinthiendjé 1:18

No Luba gə njeneɗa gə dana gadə le, tar gə sijee ja pa j-ar-si le to gə oyo ngaɓa ə̰ə̰ə̰ ang baa.

2 Corinthiendjé 11:21

M-pa gə rɔ kul, to to gə sijee j-a tɔji tɔgə godo lə-sijee ja. Ne tɔ̰y gə dəw asə ɗa le, m-pa gə tar mbə, ꞌma kara m-asə ɗa ja tɔ!

2 Corinthiendjé 12:16

Tɔgərɔ ja, m-to nekodo dɔ-si gə ang, ngaa, na m-to ꞌbaburu ɗaa m-unda gusu baa m-ula ne mbə dɔ-si gə!

2 Corinthiendjé 4:2

Ngaa, neje tɔ̰y gə to lokiya gə ngaɓa to nerɔkul lə-sijee le, j-ɔsə ngərəng, sijee j-a tula pa nja-si naa gə ang ngaɓa ja buguru dɔ tar lə Luba ang tɔ. Ngaa, ja kila dɔ tar gə tɔgərɔ gə ɗaga, ja ɗa ne tar naji lə-sijee kar kəji lə dəwje to ne dɔ sijee gə ngadə no Luba gə.

1 Thessaloniciendjé 2:3

Tar ndəjije lə-sijee le, j-ar gə mbɔr-ɛ baa ang nəm, gə kəji gə mina ang nəm ɓa j-a ɗa gə gusu baa ang nəm tɔ;

1 Timoce 3:7

May kar dəwje gə to njetakagəje ang ja kara pa tar naji lə-a gə maj-ɛ ɓa, gə mba kar n-oso mə bandə gə le ꞌSɛ̰ngərɛ̰ ang tɔ.

1 Timoce 4:10

to gə ɓo ja ɗaje kula gə singa-si cibi ja ɗɔje mba j-unda mə-si dɔ Luba gə nje kisi kəm baa gə nama, ꞌne gə n-to Njekaji dəwje tɔ̰y, ngaa njetakagəje ja ɓa.

Ebərəje 13:13

Be ɓa ar-si j-a ceje j-aw j-inga-aje gir ɓe gə ɗaga, j-ar d-ila rɔ kul dɔ-si gə to to gə ꞌne be tɔ.

1 Piyɛr 4:14

To gə ɓo ꞌtaji-si mba ri Kirisi nama, ꞌtoje njenokarəje, mba Njil rɔnduba gə to Njil lə Luba nay gə si.

3 Jean 1:12

Dəwje tɔy ja ngaɓa tar gə tɔgərɔ gə dɔ-ɛ ja kara pa tar naji lə Demetəriyus; sijee kara ja pa tar naji lə-a nəm tɔ, ngaɓa ꞌi ja kara ꞌgərə to gə tar naji lə-si to ne gə tɔgərɔ.

Apocalypse 3:9

A o, m-ar-i dəwje gə kəy nendo gə lə ꞌSu, dəwje gə ꞌɗa rɔ-je gə Jiibije, ngaa ꞌto Jiibije ang baa, ꞌto nje pa tar gə ɗəgərəje. O, m-a kar-je ꞌɗe d-um məkəji-je nangə no gɔl-i gə, ngaɓa d-a gərə to gə m-ɓol-i.