2 Corinthiendjé 5:20 - Mbede Lə Luba Kone Gə Sigi

²⁰ Be ɓa, sijee le ja to dəwje gə nje pa tarje ta ne toro Kirisi, ɗəw lə-sijee ɓa Luba ɓar-si ne. Gə ri Kirisi, j-oso kul no-si gə: Umje naa gə gə Luba.

Testament ke Siki 1960 (Kabba Laka)

²⁰ Tokou ban djèdjè nda koula to ndjè kouladjé mbata Christ, to Allah ke pa deo té lodjè. Djèdjè ndoudjousè nya ke ri Christ, aridjé mèsè woul pè ke Allah.

2 Corinthiendjé 5:20 ပူးပေါင်းရင်းမြစ်များ

Lugu 10:16

Jeju təl pa na: Dəw gə o tar lə-si nama, ꞌma ja nj-ɛ o tar ta-m gə əng; dəw gə mbadə si nama, ꞌma ja nj-ɛ mbadə-m, ngaɓa dəw gə mbadə-m nama, nj-ɛ mbadə dəw gə ula-m tɔ.

Lugu 14:23

Njekəy le pa ar ngon njekula le na: Un kila ɗəwje gə mə ndɔje gə, ɔsə dəwje ꞌɗe gə je mba kar mə ndogo lə-m ɗusu tubu.

Jean 20:21

Be ɓa, Jeju pa to ɗangə ar-je ja cibi na: Ɗɛgɛgɛ nay gə si! To gə Bɔ dəwje ula-m le, ꞌma kara m-ula-si tɔ.

Romaindjé 5:10

Mba to gə ɓo, j-a to njeba̰a̰je lə Luba ɓa ɓo j-a təl j-um sə-a naa gə ɗəw kuy gə lə Ngon-e nama, ɗəw gə j-um ne sə-a naa gə le ja tɔ j-a kinga ne kaji ɗəw təbə gə lə-a.

2 Corinthiendjé 12:10

Gəl-e gə nee ɓa rɔ-m lələ-m dɔ tɔgə godo gə, dɔ tajije gə, dɔ ndoo neje gə to-m gə, dɔ kula kəm ndoo gə, dɔ nekəmandooje gə gə ɔji dɔ Kirisi, mba logə tɔgə-m godo ja ɓa m-uba singa ɓi.

2 Corinthiendjé 3:6

Luba ja təl sijee gə dəwje gə d-asə to ngan njekulaje lə kone gə sigi, ɗəw torondu gə mə mbede gə ꞌɗa ang, ngaa ɗəw Njil gə; mba torondu gə mə mbede gə le to gə yo, ngaa Njil ɓa ar dəw kisi gə təbə.

2 Corinthiendjé 5:11

Gəl-e gə nee ɓa, sijee ja gərə ɗəw kila kuji dɔ Mbayɓe gə ɗaa, ja sangə mba kar dəwje d-aw ne go tar gə tɔgərɔ lə-a. Luba gərə gəl-si gə maj-ɛ, m-unda mə-m to gə sisəy kara ꞌgərəje sijee mə kəji gə lə-si tɔ.

2 Corinthiendjé 6:1

Mba sijee ja ɗa kula naa gə kara baa gə Luba, ja ndəji-si mba mənuji lə Luba gə ingaje le, kar oje gə ne gə baa ang.

Ephésiendjé 6:20

Tar gə May gə nee, gə m-to gə njekila mbər-e le ɓa ꞌtɔ-m ne gə kula lar; may kar-m m-pa tar-ɛ gə ɓəəl ang, ngaɓa gə go ɗəb-e gə may kar-m m-pa ne le ja tɔ.

Colossiendjé 1:20

ngaɓa mba n-gɔl neje tɔ̰y n-ar um sə-a ꞌne ja naa gə, neje gə dɔ nangə nee gə neje gə mə dara gə, kar ɗɛgɛgɛ ɗe ne ɗəw gə lə-a gə ɗəw məs-e gə kagə dəsə gə.

1 Thessaloniciendjé 4:8

Be ɓa dəw gə mbadə nduje gə nee le, to gə dəw ɓa nj-ɛ mbadə tar t-ɛ gə ang ngaa Luba gə nje kar-si Njil Njerɔsangə ɓa nj-ɛ mbad-e.