2 Corinthiendjé 5:18 - Mbede Lə Luba Kone Gə Sigi

¹⁸ Neje gə nee le ḭ rɔ Luba gə, ꞌne gə n-um naa gə gə sijee ɗəw gə lə Kirisi, ngaɓa n-ar-sijee kula kum dəwje naa gə.

Testament ke Siki 1960 (Kabba Laka)

¹⁸ Né nèn toï ï ke rò Allah té, nè ke nare mèdjè woul pè sa deo té lo Christ ke naredjè koula mè woul pè.

2 Corinthiendjé 5:18 ပူးပေါင်းရင်းမြစ်များ

Lugu 10:5

Mə kəy gə ɗa-ɗa gə andəje kəne nama, dɔngɔr kede ɗaa, ꞌpaje na: May kar ɗɛgɛgɛ to mə kəy gə nee.

Lugu 24:47

Ɗaa, d-a kila mbərə turu kəji gə kar kɔr tar neɗa gə kṵra̰y gə ri-a dɔ gəl kuji dəwje gə tɔ̰y, a kun kud-e mə ɓe gə Jerujalɛm gə.

Jean 3:16

Mba Luba njigi dəwje gə dɔ nangə gə nee ya̰ ɓa un ngon-e gə kara ɗəgədə ula-a mba kar dəw gə ɗa-ɗa ɓa ta kag-ɛ nama, a kuy ang magə, ngaa a kinga təbə gə gə ndɔ gə ndɔ.

Jean 3:27

Ja̰ təl ila-je kəne na: To gə ɓo dara ar dəw ne ang nama, nj-ɛ a kasə kinga ne kara be gə dɔ rɔ-ɛ baa ang.

Koula 10:36

Luba ula Jeju Kirisi gə to Mbayɓe lə dəwje tɔ̰y ar-ɛ ila mbərə Tar gə May gə kar kinga ne ɗɛgɛgɛ ɗəw gə lə-a ar ngan Ijirayɛlje.

Romaindjé 11:36

Ne tɔ̰y ḭ mə ji-a gə, ne tɔ̰y ɗe ɗəw gə lə-a ngaɓa to mb-ɛ ꞌne ja! Rɔnduba to k-ɛ ja gə ɓal-ɓal. Oyo!

Romaindjé 5:1

Mba ꞌtura si gə dəwje gə gadə-gadə ɗəw takagə gə le ɗaa, ɗɛgɛgɛ to horo-sijee gə gə Luba ɗəw gə lə Mbayɓe lə-si Jeju Kirisi;

1 Corinthiendjé 1:30

Ngaa to gə ꞌne ja ɓa n-um ne sisəy ne naa gə gə Kirisi Jeju, gə to kəm karə lə-sijee gə ḭ rɔ Luba gə, ngaɓa Kirisi təl-si gə dəwje gə gadə-gadə, unda-si gə losang-ɛ ngaɓa ɔr ne tar neɗa gə kṵra̰y dɔ-si gə.

1 Corinthiendjé 11:12

Mba ɗəw kara baa to gə d-ɔr ne jene rɔ ngab-ɛje gə le ɗaa, ɗəw kara baa ja tɔ jingaw kara jene ɓa uji-e, ngaɓa ne tɔ̰y ḭ rɔ Luba gə.

1 Corinthiendjé 12:6

Ji ɗa kulaje to dang-dang ja, ngaa Luba gə kara ɗəgədə ja ar ji ɗa ne tɔ̰y gə lo dang-dang.

1 Corinthiendjé 3:5

Apolos ɓa to gə ɗi wa? Pɔl ɓa to gə ɗi wa? ꞌTo gə njekulaje gə ɗəw gə lə-je ɓa ꞌta-je ne kagə, gə go ɗəw gə Mbayɓe ar-je ne ne kara kara.

1 Corinthiendjé 8:6

be ja kara kar-sijee le, Luba kara baa ɗəgədə, Bɔ dəwje, gə neje tɔ̰y ḭ rɔ-ɛ gə ngaɓa j-a to njeka-ɛje, ngaɓa Mbayɓe kara baa, Jeju Kirisi gə ne tɔ̰y ɗe ɗəw gə lə-a ngaɓa mbɔr dɔ-ɛ ɓa j-aw ne kəm baa.

Colossiendjé 1:22

ngaa ɓisine n-um gə si naa gə ɗəw kuy gə lə darɔ-ɛ, mba kar ꞌceje ar-je ne no-ɛ gə gə njerɔsangəje gə may pɛdə ngaɓa tar uwa dɔ-si ang;

Ebərəje 2:17

Cibi ɓa ɗəw neje gə tɔ̰y ja n-a təl ta naa gə ngan ko̰-ɛ kəne ɓa gə mba təl to buba njekapolo gə nje ɗa məmay, gə dəw gə gadə-gadə, ɗəw kula gə lə Luba kɔr ne tar neɗa gə kṵra̰y dɔ dəw mə ɓeje gə.

Jacques 1:17

Nekarə nuji gə may unda mar-ɛje tɔ̰y gə nekarə baa gə may ɔr sṵra̰ le ḭ dara rɔ bɔ-sijee gə nje gəl lokarə gə mbəl rɔ-ɛ ang ose ne gə tɔji mbəl rɔ lə-a godo.

1 Jean 2:2

Ɗaa ꞌne n-un rɔ-ɛ gə nepolo n-uga nee dɔ neɗa gə kṵra̰y dɔ-si gə, dɔ-sijee gə ɓa gə kar-si baa ang, ngaa dɔ dəwje tɔ̰y gə dɔ nangə nee.

1 Jean 4:10

Ɗəw njigi gə Luba njigi-si le, to gə sijee ɓa j-a njigi-e kede ang baa, ngaa ꞌne ja ɓa n-njigi-si dɔngɔr ngaɓa n-ula Ngon-e to gə nekuga dɔ neɗa gə kṵra̰y lə-si.