2 Corinthiendjé 5:14 - Mbede Lə Luba Kone Gə Sigi

¹⁴ Mba njigi lə Kirisi o̰ dɔ sijee, sijee ja gərə to gə dəw kara baa uy mba dəwje tɔ̰y ɗaa, dəwje tɔ̰y d-uy sə-a ɗəw kara baa;

Testament ke Siki 1960 (Kabba Laka)

¹⁴ Mbata ndiki lo Christ waadjè, mbata djèdjè ngeré kada woei mbata dooudjé toï, tokou ban toï woei mbä.

2 Corinthiendjé 5:14 ပူးပေါင်းရင်းမြစ်များ

Matiye 20:28

Be ɓa ꞌma gə Ngon lə dəw m-ɗe mba kar ꞌɗa kula d-ar-m ang, ngaa mba to ngon njekula, gə kun təbə lə-m gə nekuga dɔ dəwje bula.

Lugu 15:24

mba ngon-m gə nee le to dəw gə uy ɓa təl ndol, ꞌne gə n-igi ɓa m-təl m-inga-a. Ɗaa d-uma kudu ɗa rɔləl.

Lugu 15:32

Ngaa ngon ko̰-i gə nee le, nay to gə dəw gə uy ɓa ndol, n-igi ɓa m-inga-a nee le ja, may ɗa ndam ɗa ne rɔləl ɔji dɔ-ɛ ja.

Lugu 24:29

Ɗaa, ngan njenendoje gə joo le ꞌgang-ɛ nangə ꞌpa na: Isi gə si nee mba kar a kaw kandə, ngaɓa lo a kaw ndul ngaa. Be ɓa n-gangə n-aw gə je, mba kisi gə je.

Jean 1:29

Lokar-ɛ ɗaa, Ja̰ o Jeju aw ɗe gə ɓə lə-a ɗaa, pa na: Oje Ngon badəm lə Luba gə a kɔr neɗa gə kṵra̰y lə dəwje gə dɔ nangə gə nee.

Jean 11:25

Jeju pa ar-ɛ na: ꞌMa ja m-to gə kuy ɓa ndol gə kisi kəm baa nəm tɔ: Dəw gə ta kagə-m le, uy gə kuy ja kara, a kaw kəm baa.

Jean 5:25

Tar gə tɔgərɔ ja, m-pa m-ar-si, kar-ɛ ɗe, ɗaa to kar-ɛ ja ɓisine, logə nje gə d-uy d-a ko ndu Ngon lə Luba, ngaɓa nje gə d-a ko ndu-e le d-a kisi kəm baa.

Koula 18:5

Logə Silas je gə Timoce d-ɔdə d-aw ɓeko̰ gə Masedowan ngaa Pɔl ila rɔ-ɛ kula kila mbərə, gə pa tar naji ar Jiibije to gə Jeju ja to Kirisi.

Romaindjé 2:2

Ngaa, ja gərə to gə gangə tar lə Luba dɔ nje ɗa neje gə to gə bənəng gə le, to gə go tar gə tɔgərɔ.

Romaindjé 5:15

Ngaa, ne mənuji gə d-ar baa le asə naa gə kal tar ang, mba to gə ɓo kal tar lə dəw kara baa ɓa dəwje d-uy ne nama mənuji lə Luba bo unda kal tar, ngaɓa nekarə baa gə ɗe ɗəw gə lə dəw kara baa, Jeju Kirisi mba dəwje bula le to ɓəəl ya̰ ja cibi.

Romaindjé 6:13

Uwaje bar kəm rɔ-sijee ꞌɗa-je ne neɗa gə kṵra̰y ang, gə ne ɗɔ gə kar neɗa gə dɔ buguru ang; ngaa unje darɔ-sisəy ja ar-je Luba, to gə nje gə d-uy ɓa ꞌtəl d-isi kəm baa be, unje bar kəm rɔ-sijee ar-je Luba, gə ne ɗɔ kar neɗa gə gadə-gadə.

Romaindjé 6:6

j-a gərə-je to gə pa nja lə-si gə ləw le ꞌɓər-e sə-a kagə dəsə gə, mba kar darɔ gə neɗa gə kṵra̰y kəne nee le tuji ne ngaɓa mba kar j-a to ne ɓərəje lə neɗa gə kṵra̰y ang ngaa;

1 Corinthiendjé 16:22

Dəw gə ɓo njigi Mbayɓe ang nama may kar ndɔɔl uwa dɔ-ɛ! Maranata, m-e na Mbayɓe, ꞌɗe.

1 Corinthiendjé 2:14

Ngaa dəw gə kəji lə-a to kəji gə darɔ gə le njigi neje gə ɗe ɗəw Njil lə Luba ang, mba n-o gə ne mbə baa ta kəm-e gə; n-asə gərə ang mba ɗəw Njil gə lə ɓa dəw a kɔr kəm ne neje gə nee le.

2 Corinthiendjé 3:7

Ngaa, to gə ɓo kula ɗa yo gə d-unja mbed-e mə bəgərə ər baa ɓi ɓa ndogo ar ngan Ijirayɛlje d-asə kun kəm-je ko ne ngo no Moyiji ang, mba ndogo lə-a, gə kur-e əw ang baa nee,

2 Corinthiendjé 3:9

Mba kula gangə tar ɓa, to gə ɓo inga riɓar nama, kula neɗa gə dana gadə a kinga riɓar gə a to ɓəəl kal dɔ lo ang wa?

Galatedjé 2:20

m-aw kəm ja baa ngaa to ꞌma ɓa m-aw kəm baa ang, ɗaa Kirisi ɓa isi kəm baa mə-m gə. Kaw kəm baa lə-m ɗəw darɔ gə ɓogəne le m-aw kəm baa ɗəw takagə ngon lə Luba gə njigi-m ngaɓa ila rɔ-ɛ kɔrɔ mba-m.

Ephésiendjé 6:24

May kar mənuji nay gə dəwje tɔ̰y gə ꞌnjigi Mbayɓe lə-sijee Jeju Kirisi gə pa njigi gə unda nangə ang.

Colossiendjé 2:13

Sisəy le uyje mbudugu ɗəw neɗaje gə gə dɔ gɔl-ɛ ang gə lə-si ngaɓa mba unjaje bərə-si ɗəw darɔ gə ang, n-ar-si ꞌtəl isije sə-a kəm baa, n-ɔr ne tar neɗaje gə kṵra̰y lə-si tɔ̰y dɔ-si gə;

Colossiendjé 3:3

Mba uyje ɗaa təbə lə-si iya rɔ-ɛ gə Kirisi rɔ Luba gə.

1 Timoce 2:6

gə iya̰ rɔ-ɛ to nekuga dɔ dəwje. Ye ɓa to tar naji gə Luba tɔji dɔ kar gə Luba ɔji.

1 Timoce 5:6

Ngaa, jene nduba gə un rɔ-ɛ ar ne rɔləl gə dɔ nangə nee le, isi kəm baa ja kara, nay to gə dəw gə uy.

Tite 3:3

Mba kede ləw le sijee ja kara j-a gərə ne kara ang. J-a mbadə koso kul no Luba gə nəm, j-a ndəəm nəm, j-a to ɓərəje lə ɓoje gə darɔ gə gə mal neje dang-dang. Ja to gə njeməngo̰yje, gə nje ɗa məje, kəm njigi-si ang ngaɓa ja njigi naa ang gə yo gə nee tɔ.

Ebərəje 2:9

Ngaa nje koso kul no anjije gə kur-e əw ɓəəl baa le, Jeju gə j-o rɔnduba gə d-ula dɔ gə, gə ɗɔy gə ꞌɗɔy-ɛ, mba ꞌməsərə yo gə n-o, be ɓa gə go mənuji lə Luba ɓa n-o ne yo gə rɔ-ɛ mba-si tɔ̰y.

Ebərəje 6:10

Mba Luba to njebuguru ɓa m-e a kuy dɔ kula ɗa si ang nəm, gə nuji gə uwaje gə ri-a ɗəw məmay gə ꞌɗaje gə njerɔsangəje ngaɓa aw ꞌɗaje saar ɓisine.

1 Piyɛr 1:8

O-eje ang ja ꞌnjigi-eje. O-eje ang ja ꞌtaje kag-ɛ ngaɓa ꞌɗaje rɔləl gə asə pa ang ngaɓa to ne rɔnduba.

1 Jean 5:19

Sijee j-a gərə to gə j-a to kar Luba, ɗaa dɔ nangə nee tɔ̰y to gəl njeməkṵra̰y gə.