2 Corinthiendjé 5:12 - Mbede Lə Luba Kone Gə Sigi

¹² Sijee le, j-a təl tɔji rɔ-si to gə ɗangə ang ngaa, ngaa j-un ɗəw j-ar-si mba kar-si undaje kar-si ɔji dɔ sijee ngaɓa gə mba kar ꞌtəl-je ne gə tar ar-je dəwje gə nje kɔsə gaji rɔje-je ja baa, ɓogəne gə to mə-je gə ang baa.

Testament ke Siki 1960 (Kabba Laka)

¹² Djèdjè ntél mpa tar ke madji lodjè ndja to ke siki djaresè ang, a djèdjè ndiki ta karesè ingaidjé piti deo té lodjè, ta kare sésè asidjé tél ke tar kare ndjè ke ndiki kinga piti rò té ke daka, a yéh ke to mè té ang.

2 Corinthiendjé 5:12 ပူးပေါင်းရင်းမြစ်များ

2 Corinthiendjé 1:14

to gə sisəy ꞌgərəje tar gə ɔji dɔ sijee njɛ̰ ɗɔdə le, sijee ja to gə ne kunda kar lə-sisəy ɗəw kara baa to gə sisəy kara ꞌtoje ne kar-sijee dɔ ndɔ gə lə Mbayɓe Jeju.

2 Corinthiendjé 10:12

Tɔgərɔ ja, dəwje gə d-o rɔ-je to ɓəəl ta kəm darɔ-je gə le, sijee j-a kḭ mba kasə gə je naa ose gə mba kun rɔ-sijee kɔji ne mar-ɛ lə-je ang. Ngaa logə d-un darɔ-jeje ja gə ngo kɔji ne ɓa d-ɔji ne darɔ-je ngaɓa d-uwa darɔ-jeje ja gə ne kɔji mar-ɛ le ɗaa tɔji to gə dɔ-je godo.

2 Corinthiendjé 10:18

Mba dəw gə nje kɔsə gaji darɔ-ɛ ye ja ɓa to gə ne ang ngaa dəw gə Mbayɓe ja ɔsə gaji-ɛ ɓa to gə ne.

2 Corinthiendjé 10:7

May kar-si ɔr-je kəm neje gə maj-ɛ! To gə ɓo dəw ja gərə gə darɔ-ɛ to gə ꞌne n-to kar Kirisi nama, may kar gərə ne gə to nee: To gə ɓo n-to nje kar Kirisi nama sijee kara ja to nje kar Kirisije ja tɔ.

2 Corinthiendjé 10:8

Ngaɓa, le m-unda kar-m ya̰ ɓəəl ɔji dɔ singa gə Mbayɓe ar-sijee kar j-ula ne jingaw mə-sisəy kara rɔ kul uwa-m ang, singa gə n-ar-sijee mba kar mbo̰ naa lə-sisəy aw ne gə kede ɓo mba tuji ne sisəy ang.

2 Corinthiendjé 12:11

M-pa tar to gə dəw gə təl mbə be, sisəy ja ɓa ɔsə-mje ila-mje kəne. Mba sisəy le ja ɓa a paje tar taje ne dɔ-m ang wa? M-to ne ang tɔgərɔ ja, ngaa ne kara ja gə njeka̰ykulaje gə d-o rɔ-je gə dəwje gə to ɓəəl ya̰ nee le nday-m ne godo.

2 Corinthiendjé 3:1

Se sijee ja cibi j-a təl ɗa tar naji lə-sijee to gə ɗangə ɓi wa? Ose sijee ja njinga rɔ-si gə mba kaw ɓe lə-sisəy gə mbede tar naji gə ɔji dɔ sijee to gə nje gə kɛm be, ose gə mba kar-sijee ja ta ji sisəy gə wa?

2 Corinthiendjé 6:4

Ngaa sijee ja tɔji rɔ-si mə neje tɔ̰y to gə ngan njekulaje lə Luba ɗəw kuwa gədərə gə dan neməko̰je gə, dan nekəmandoo gə, dan neje mongə si kang, dan neje gə ar mə-si gangə man,

Philippiendjé 1:26

Təl gə m-a təl kaw ɓə lə-si a təl to ne riɓar lə-si gə boy ɔji dɔ-m ɗəw gə lə Kirisi Jeju.