2 Corinthiendjé 5:11 - Mbede Lə Luba Kone Gə Sigi

¹¹ Gəl-e gə nee ɓa, sijee ja gərə ɗəw kila kuji dɔ Mbayɓe gə ɗaa, ja sangə mba kar dəwje d-aw ne go tar gə tɔgərɔ lə-a. Luba gərə gəl-si gə maj-ɛ, m-unda mə-m to gə sisəy kara ꞌgərəje sijee mə kəji gə lə-si tɔ.

Testament ke Siki 1960 (Kabba Laka)

¹¹ Tokou ban, mbata djèdjè ngeré bel ke djase kéh né mbata Mbaibé Seigneur, djèdjè nsange ta ndedji dooudjé, a Allah gerédjè djèdjè nto to di wa, ke ma medji mè kedji té losè sésè egeridjé tò.

2 Corinthiendjé 5:11 ပူးပေါင်းရင်းမြစ်များ

Matiye 10:28

Nje gə tɔl darɔ baa ɓo d-asə tɔl kəm ang le, ꞌɓəəlje-je ang. May kar-si ꞌɓəəlje Luba gə asə mba tuji darɔ gə kəm joo tɔ̰y kəm pər gə.

Matiye 25:46

Be ɓa njeməndulje nee le a kaw kəm pər gə a to gə no gə, ngaa dəwje gə gadə-gadə a kinga təbə gə a to gə ndɔ gə ndɔ.

Lugu 12:5

M-a tɔji-si dəw gə a ꞌɓəəl-eje. ꞌƁəəlje Luba gə tɔl si nama a kaw singa mba kila-si kəm pər gə. Tɔgərɔ, m-pa m-ar-si, ꞌne ɓa kəm kar-si ꞌɓəəl-eje.

Lugu 16:31

Abəraham pa ar-ɛ na: To gə ɓo d-o torondu lə Moyiji ang nəm, gə pajambərəje ang nama, to gə ɓo dəw ḭ jabaw nee ja ɓa aw pa ar-je kara d-a turu kəji lə-je ang.

Koula 13:43

ngaa logə mbo̰ naa unda ngang-ɛ ɗaa Jiibije bula gə njetəl Jiibije njekila kuji dɔ ne gə lə Lubaje ꞌndole go Pɔl je gə Barənabas, ꞌto̰ gə je tam ngaɓa d-ula jingaw mə-je gə mba kar d-uwa tar mənuji lə Luba gədərə.

Koula 18:13

ꞌpa na: Dəw gə ar nee le tɔji dəwje ɗəw polo Luba gə to dang gə ye gə mə torondu gə.

Koula 18:4

Gə ndɔ kuwa kɔrje tɔ̰y ja Pɔl aw ma̰y tar gə Jiibije nəm gə dəwje gə ꞌgərə Luba ang nəm kəy nendo gə lə Jiibije mba cɛdə ne singa-je.

Koula 19:26

Ngaɓa oje gə kəm-si nəm gə mbi-si nəm, Epɛs nee baa ang ngaa gə dɔ nangə gə Aji ja tɔ̰y, ꞌne gə Pɔl nee le, n-pa na: Magəje gə dəwje ꞌɗa gə ji-je le ꞌto magəje ang, n-bɛ̰ ne ta bula dəwje ngaɓa n-turu ne kəji lə-je nəm.

Koula 26:26

Mbay kara ꞌtɔj-ɛ neje gə nee le tɔ, ɗaa m-pa tar-ɛ gə ɓəəl ang ja m-ar-ɛ, mba m-gərə to gə ne kara kara igi-e ang mba ne gə nee le nday lokiya gə ang.

Koula 28:23

Go-e gə ɗaa d-ila ndɔ d-ar-ɛ ngaɓa ꞌɗe bula d-inga-a lo to-e gə. Logə n-ɔr gəl tar lə-a le ɗaa n-ɗa tar naji gə ɔji ɓeko̰ lə Luba ngaɓa n-sangə ɗəw torondu gə lə Moyiji ngaɓa gə mbede lə Pajambərəje, mba cɛdə ne singa-je ɔji dɔ Jeju, un kud-e gə ndɔɔ ja saar ce kar kumatagə.

2 Corinthiendjé 2:17

Mba sijee le ja to to gə nje gə kɛm bula gə d-un tar lə Luba gə nekinga ne lə-je baa ne ang; sijee ɗaa, tar gə tɔgərɔ gə ḭ rɔ Luba gə ɓa ja pa, j-ar ne no Luba gə mə Kirisi gə.

2 Corinthiendjé 5:20

Be ɓa, sijee le ja to dəwje gə nje pa tarje ta ne toro Kirisi, ɗəw lə-sijee ɓa Luba ɓar-si ne. Gə ri Kirisi, j-oso kul no-si gə: Umje naa gə gə Luba.

2 Corinthiendjé 6:1

Mba sijee ja ɗa kula naa gə kara baa gə Luba, ja ndəji-si mba mənuji lə Luba gə ingaje le, kar oje gə ne gə baa ang.

Galatedjé 1:10

Ɗaa ɓisine, se əjije to gə m-aw sangə kar dəwje ɓa d-ila tar kudu-m gə ose Luba wa? Se dəwje ɓa m-sangə mba may ta kəm-je gə wa? Kara be ang! To gə ɓo m-sangə mba may ta kəm dəwje gə nama m-a to ɓərə lə Kirisi ang.

Ephésiendjé 5:21

ꞌƁəəlje Kirisi, osoje kul no naa gə yo gə nee mba ɓəəl gə ꞌɓəəlje Kirisi.

Ebərəje 10:31

To ɓəəl ya̰ kar dəw oso mə ji Luba gə nje kisi kəm baa gə!

Ebərəje 12:29

Mba Luba lə-si kara to pər gə o̰ bilim-bilim.

Jude 1:23

nje gə kɛm ɗaa, ꞌnarəje-je kəm pər gə, cibi oje kəmtondoo lə nje gə kɛm gə ɓəəl mə-si gə. May kar aje rɔ-si dɔ kubu gə d-ula ꞌɗa ne kaya.

Apocalypse 20:15

Na-na ɓa ꞌɗa ri-a mə mbede təbə gə ang ɗaa, d-ɔs-e d-ila-a dang pər gə.