2 Corinthiendjé 5:1 - Mbede Lə Luba Kone Gə Sigi

¹ Be ɓa, sijee j-a gərə gə maj-ɛ to gə darɔ-si gə to kəy kisi gə dɔ nangə gə nee le, to kəy lo gə d-a tḭ, sijee j-aw gə kəy gə Luba ɓa unda gəl-e mə dara gə, to kəy kisi gə a to gə ndɔ gə ndɔ, ɗaa kəy gə nee le ji dəw ɓa ɗa ang baa.

Testament ke Siki 1960 (Kabba Laka)

¹ Mbata djèdjè ngeré tokou kei ke da rò té ke djèdjè djisi kendé toudjou, djèdjè djéh ke kei ke Allah da, ke dji doou da ang, loou kisi ke dara ke ndò ke ndò.

2 Corinthiendjé 5:1 ပူးပေါင်းရင်းမြစ်များ

Marəke 14:58

J-o tar t-ɛ gə n-pa na: M-a tuji kəy gə lə Luba gə dəwje ɗa nee ɗaa ndɔ munda ja m-a kunda ye gə ɗangə gə ji dəw a ɗa ang.

Koula 7:48

Be ja kara Nje kisi sam dara gə le a kisi mə kəy gə dəw ɗa gə ji-a ang, to to gə pajambərə pa nena:

1 Corinthiendjé 3:9

Mba j-a to nje baa kulaje lə Luba. Sisəy ꞌtoje ndɔ lə Luba, ꞌtoje kəy lə Luba.

2 Corinthiendjé 4:7

Ngaa nebaw gə nee le, sijee j-odo darɔ-si gə to jo anji gə mba kar singamongə gə asə kuwa kɔji ne mar-ɛ ang nee le to ne kar Luba ɓo to singamongə lə-sijee ang baa.

2 Corinthiendjé 5:4

Logə j-isi mə kəy lo gə to dɔ nangə gə nee le ɗaa, ja suum to gə dəw gə odo nekodo gə wɔy be, tɔgərɔ, sijee ja njigi kuba darɔ-si kḭya̰ ang. Ngaa sijee ja njinga rɔ-si mba kula kubu gə dara dɔ-ɛ gə mba kar təbə mbəl ne ye gə a kuy.

Colossiendjé 2:11

Mba um-je sə-a naa gə le ɓa d-uja si bərə gə ji dəwje ɓa unja ang, gə to gə d-unja ndaar rɔ-si d-ɔr gə ɗangə le ang; ngaa to kunja bərə gə ḭ rɔ Kirisi gə.

2 Timoce 1:12

Ngaɓa gəl-e gə nee ja tɔ ɓa m-o ne ꞌməsərə ngaa rɔ kul uwa-m ang, mba m-ta kagə Kirisi Jeju. Ngaɓa m-gərə gə maj-ɛ to gə n-asə ngom ne gə n-um ji-m gə le saar ndɔ gə n-a təl ne.

Ebərəje 11:10

Mba n-ngina ɓe gə ngira-a uwa nangə rig-rig, ye gə Luba ja to njekunda gəl-e.

Ebərəje 9:11

Ngaa Kirisi ɗe gə buba njekapolo ɔji dɔ neɗa may bula gə a ɗe, n-andə mə kəy kubu gə boy gə may pɛdə-pɛdə gə ji dəw ɓa ɗa ang, ꞌpa na to nekunda gə nangə nee ang;

Ebərəje 9:24

Mba no kɔgə gə ji dəw ɗa, gə to ndaji ye gə tɔgərɔ ɓa Kirisi andə kəne ang ngaa, ꞌye gə dara ja, mba kar ne no Luba gə ɓisine mba-si.

1 Piyɛr 1:4

gə dɔ nenduba gə a ndusu ang nəm, a mina ang nəm, gə a to kəm-kəm, ne gə d-uwa dɔ gɔl-ɛ ꞌngina-si mə dara gə,

2 Piyɛr 3:11

Mba neje nee tɔ̰y d-a kaw kunda nangə to gə be le ɗaa, may kar pa nja-si to gə losang-ɛ gə kila kuji dɔ ne gə lə Luba.

1 Jean 3:14

Sijee j-a gərə to gə j-a ce mə ji yo gə j-aw lo təbə gə, mba sijee ja njigi ngan ko̰-sijee. Dəw gə njigi ngon ko̰-ɛ ang le nay mə ji yo gə baa ɓi.

1 Jean 3:19

Be ɓa, j-a gərə to gə j-ar dɔ tar gə tɔgərɔ, ɗaa j-a kila nee mə-si dɔ mar-ɛ po̰ no-ɛ gə,

1 Jean 3:2

Sisəy ngan ko̰-mje gə m-njigi-si ya̰, ɓisine j-a toje nganje lə Luba, ɗaa pa kunda rɔ-si gə dɔ ndɔ gə bara le kila rɔ-ɛ gə ɗaga ang ɓi, ngaa j-a gərə lo n-a kila rɔ-ɛ gə ɗaga nama, j-a ta sə-a naa mba j-a ko-e lo kunda rɔ-ɛ gə.