2 Corinthiendjé 4:4 - Mbede Lə Luba Kone Gə Sigi

⁴ ngaɓa ɔji dɔ nje məkədərəje gə magə gə dɔ nangə nee rɛ̰ kəji negərə lə-je badə mba kar d-o ndogo lə Tar gə May kar riɓar lə Kirisi gə ta naa gə Luba le ang.

Testament ke Siki 1960 (Kabba Laka)

⁴ Mbata dèdè ke do mèdè té ang, allah ke nange nèn to kedji lodè, ta karedè do lokarè tar ke madji ndokoo lo Christ ang, nè ke nounda rò Allah.

2 Corinthiendjé 4:4 ပူးပေါင်းရင်းမြစ်များ

Matiye 13:22

Kandə kər gə um mə kunje gə le nay ɗəw kara baa gə dəw gə tuga mbi-a o ne tar lə Luba, ngaa no rɔ gə ɔji dɔ kəji neje gə nangə nee, gə ɓo nekingaje, ɗe udu dɔ tar lə Luba gə n-o le ngaɓa ɗa ar kand-e godo.

Jean 1:14

Tar le təl rɔ-ɛ gə dəw, cibi ɓa isi horo-si gə mənuji gə tar gə tɔgərɔ ɗusu m-e tub-tub, ngaɓa sijee j-o rɔnduba lə-a, to to gə rɔnduba kar Ngon kara gə inga rɔ Bɔ-ɛje gə.

Jean 1:18

Dəw kara gə o Luba gə kəm-e le godo; ngaa, Ngon kara gə to Luba gə ga̰ naa gə kara baa gə bɔ-ɛje ɓa ɗe riba dɔ-ɛ ar-si ja gər-e.

Jean 12:31

Ɓisine ɗaa to kar gangə tar dɔ dəwje gə dɔ nangə gə nee; Ɓisine ɗaa mbay gə dɔ nangə nee le, d-a tɔb-ɛ kila-a ɗaga.

Jean 12:35

Be ɓa, Jeju pa ar-je na: Lokarə ga̰ horo-sisəy gə nee dɔ kar njɛ̰ be ɓi. Lokarə ga̰ gə sisəy nee ɓi ɗaa ꞌnja-je dan-ɛ gə mba kar cil ciməri uba-si nangə bus ang: Mba dəw gə nja dan cil ciməri gə le gərə lo gə aw gə kəne ang.

Jean 12:40

N-tɔ kəm-je sum-sum nəm Dɔ ɓəngərə-je kara n-ar kədərə kang-kang nəm Mba kar d-o lo gə kəm-je ang, Ngaɓa dɔ ɓəngərə-je kara gərə ne kara ang nəm tɔ, Na d-a kḭ mbəl mə-je ɗaa m-a kaji-je.

Jean 12:45

ngaɓa dəw gə o-m ꞌma nama o dəw gə njekula-m le tɔ.

Jean 14:30

M-a pa gə si tar gugu ɗangə ang ngaa, mba ngon mbay gə dɔ nangə gə nee le ɗe ngaa. ꞌMa le, n-asə ɗa sə-m ne kara ang,

Jean 15:24

To gə ɓo kulaje gə dəw gə ɗangə kara asə ɗa ang nee le m-ɗa horo-je gə ang nama tar neɗa gə kṵra̰y a kuwa dɔ-je ang; ne ɓisine gə d-o gə kəm-je nda̰-nda̰ nee ja cibi ɓa d-aw ꞌndɔɔl-m ꞌma je gə bɔy dɔ-je gə kede-kede.

Jean 16:11

ɔji dɔ gangə tar ɗaa ngon mbay gə dɔ nangə gə nee le, ꞌgangə tar dɔ-ɛ gə ngaa.

Jean 8:12

Jeju təl pa tar to gə ɗangə ar-je ja cibi na: ꞌMa m-to lokarə gə dɔ nangə gə nee. Dəw gə uwa go-m nama a nja cil ciməri gə ang; n-a kinga lokarə gə a kɔr no-ɛ kaw sə-a lokarə gə kar təbə gə.

Koula 26:18

mba kar-i ꞌcɛ̰ kəm-je ar-je d-uba londul d-ḭya̰ ꞌturu kəm-je gə lokarə gə ngaɓa kar ꞌce lo gə ꞌSu o̰ ɓe kəne ɓo ꞌɗəm gə rɔ Luba gə, ɓo d-ar tar neɗa gə kṵra̰y ɔr dɔ-je gə, ngaɓa d-inga nenduba naa gə gə nje gə to gə losang-ɛ ɗəw ta kagə-m gə.

Koula 26:23

To gə Kirisi a ko ꞌməsərə ngaɓa a ce buwa yo gə dɔngɔr horo nje gə d-uy gə, ɗaa a kila mbərə lokarə kar dəw mə ɓeje gə dəwje gə ꞌgərə Luba ang.

1 Corinthiendjé 10:20

Ngaa ne gə d-un gə nepolo le, d-un gə nepolo d-ar njilje gə kṵra̰y ɓo d-un d-ar Luba ang; be ɓa m-njigi kar-si um-je naa gə gə njilje gə kṵra̰y ang.

2 Corinthiendjé 2:11

mba kar ꞌSu uba singa dɔ sijee gə ang, sijee le ja gərə kula ɗ-ɛ som.

2 Corinthiendjé 2:12

Logə m-ce mə ɓe gə Torowas mba kila mbərə Tar gə May lə Kirisi, ɗaa Mbayɓe ɔr ta ɗəw ila tagə ar-m.

2 Corinthiendjé 3:11

Mba to gə ɓo ne gə kur-e əw ang ja baa ɓa riɓar to dɔ-ɛ gə le ɗaa, ye gə to gə ndɔ gə ndɔ le riɓar lə-a a to ɓəəl kal dɔ lo.

2 Corinthiendjé 3:14

Ngaa kəji negərə lə-je uy mbudugu, mba ꞌturaje mbede kone gə ləw ɗaa d-o to gə saar ɓisine ja kara, ta kubu gə nje kara ne le to baa ja dɔro ɓi, mba ta kubu nee le igi ɗəw kum naa gə lə Kirisi.

2 Corinthiendjé 3:18

Sijee tɔ̰y gə ta kubu nee godo kəm-si gə le, j-a tɔji riɓar lə Mbayɓe gə ɗaga ta kəm-si gə to gə tatara gə dəw o ne rɔ-ɛ be. Mbayɓe gə to Njil mbəl si ar j-a ta sə-a naa dan riɓar gə ɔsə dɔ naa gə kede-kede.

2 Corinthiendjé 4:6

Mba Luba gə nje pa na: May kar lokarə ndogo dan cil ciməri gə, ꞌne le ja ɓa ndogo mə-sijee gə mba kar j-inga ne negərə gə unja ngadə ɔji dɔ riɓar lə-a gə ndogo ta kəm Jeju Kirisi gə.

Galatedjé 1:4

Mbayɓe Jeju Kirisi gə un rɔ-ɛ uga ne neɗa gə kṵra̰y lə-si, mba kɔr-si ne dɔ ndɔje gə ɓogəne gə may ang gə go mənjigi lə Bɔ-sijee Luba.

Ephésiendjé 2:2

gə kede ləw ꞌnjaje kəne, logə ꞌnayje ne gə go pa nja gə dɔ nangə gə nee, mbay dɔ njilje gə njeko̰ dɔ loje, ꞌne gə njil gə nee, gə ɓisine n-aw ɗa kula rɔ njekal tarje gə.

Ephésiendjé 6:12

Mba ɗɔ lə-sijee ɔji buwa darɔ gə məsə ang, ngaa ɔji dɔ nje dum dɔ loje gə njeko̰ ɓeje, gə njeko̰ dɔ loje gə cil ciməri gə gə dɔ nangə gə nee, gə njilje gə njesingamongəje gə kṵra̰y gə dara.

Philippiendjé 2:6

ꞌne gə n-asə naa gə Luba, n-njigi mba kisi lo kasə naa gə lə-a gə Luba ang,

Colossiendjé 1:15

N-to ndaji Luba gə kəm dəw o-e ang, ngaɓa n-to dər nekundaje tɔ̰y.

Colossiendjé 1:27

Sijee gə Luba njigi kila kar-si ja gərə ne riɓar gə nebaw gə nee, gə iya rɔ-ɛ horo dəwje gə ꞌgərə Luba ang gə, Kirisi ga̰ horo-si gə, to nekunda mə kar riɓar!

1 Timoce 1:11

Nendo nee le to Tar gə May kar riɓar lə Luba, gə kɔsə gaji to dɔ-ɛ gə, Luba um ji-m gə to gə tɔgərɔ.

Tite 2:13

gə mba ngina ne ndɔ gə may gə j-um mə-si kəne. To ndɔ gə Jeju Kirisi gə to Luba gə boy gə njekaji-si a ɗe ne dan rɔnduba gə.

Ebərəje 1:3

ꞌNe gə n-to ndogo rɔnduba lə-a, n-tɔji lo kunda rɔ lə-a, n-ɗa neje tɔ̰y gə singamongə tar gə t-ɛ gə, logə n-togo neɗaje gə kṵra̰y tɔ̰y ɗaa, n-aw n-isi dɔ ji kɔl Luba gə dara,

Ebərəje 6:4

Tar gə ɔji dɔ nje gə kəm-je unja nam, gə ꞌna nekarə baa gə dara ngaɓa d-inga Njil Njerɔsangə nam,

2 Piyɛr 1:19

Ngaɓa takagə lə-si mongə ne gə kede dɔ tar gə pajambərəje ꞌpa kede le, may kar-sisəy kara oje gə maj-ɛ, to to gə pər gə ndogo lo ndul gə, saar kar lo aw arə, ngaɓa duji lokarə ndogo ne mə-si gə.

1 Jean 2:11

Ngaa dəw gə njigi ngon ko̰-ɛ ang gə kɔrɔ le to dəw gə isi cil ciməri gə, dəb-e nee le nja dan cil ciməri gə ngaɓa gərə logə aw gə kəne ang, mba cil ciməri təl-e gə dəw gə kəm-e tɔ.

1 Jean 2:8

Cibi, m-ɗa ndu gə sigi mə mbede gə m-ar-si, ndu nee le to ndu gə tɔgərɔ ɔji dɔ-ɛ nəm ngaɓa ɔji dɔ sisəy tɔ; mba cil ciməri nday ar lokarə gə tɔgərɔ arə nam ngaa.

1 Jean 5:19

Sijee j-a gərə to gə j-a to kar Luba, ɗaa dɔ nangə nee tɔ̰y to gəl njeməkṵra̰y gə.