2 Corinthiendjé 4:2 - Mbede Lə Luba Kone Gə Sigi

² Ngaa, neje tɔ̰y gə to lokiya gə ngaɓa to nerɔkul lə-sijee le, j-ɔsə ngərəng, sijee j-a tula pa nja-si naa gə ang ngaɓa ja buguru dɔ tar lə Luba ang tɔ. Ngaa, ja kila dɔ tar gə tɔgərɔ gə ɗaga, ja ɗa ne tar naji lə-sijee kar kəji lə dəwje to ne dɔ sijee gə ngadə no Luba gə.

Testament ke Siki 1960 (Kabba Laka)

² Djèdjè mbeté né ròkoul ke yarè, djèdjè ndja ke gousou kere ang, aséh djèdjè ntourou tar lo Allah to né kere ang, a deo tòdjou tar ke tokoro djèdjè ntòdjou tar ke madji lodjè ndja kedji né geré lo dooudjé no Allah té.

2 Corinthiendjé 4:2 ပူးပေါင်းရင်းမြစ်များ

Romaindjé 1:16

Mba m-ɗa rɔ kul ɔji dɔ Tar gə May ang, mba to singamongə lə Luba mba kar dəw gə ɗa-ɗa gə takagə nama aji ne, Jiibi ja dɔngɔr, ngaɓa dəw gə to Jiibi ang tɔ.

Romaindjé 6:21

Kula ɗa sisəy le ɗi ɓa ingaje kəne wa? Ɓisine ɗaa kula ɗa si to ne rɔ kul, mba a tɔl t-ɛ dɔ yo gə.

1 Corinthiendjé 4:5

Gəl-e gə nee ɓa may kar ꞌgangəje tar ne kede ɓa dɔ kar asə ang, kede no ɗe gə lə Mbayɓe, gə a kila dɔ neje gə d-iya dan cil ciməri gə ngaɓa a kila kəjije gə mə dəwje gə. Be ɓa na-na kara Luba a pid-e.

2 Corinthiendjé 1:12

Mba gəl ne gə sijee j-unda ne kar-si le, to gə tar naji gə mə kəji lə-si gə to nee: sijee ja nja pa nja gə horo dəwje gə dɔ nangə gə nee, ngaɓa horo-sisəy gə ja dɔ ngɔ, gə kɔsə rɔ ang, ngaɓa gə karə ngadə gə ḭ rɔ Luba gə; ɗaa mənuji lə Luba ɓa ɔr no-si ɓo kəm karə gə darɔ gə ang

2 Corinthiendjé 11:3

Be ja kara, ɗəw kara baa to gə li ərə ne Ɛbə gə gusu le, kar-m gədə-m gədə mba kar kəji lə-si turu buguju ngaɓa ɔsə-si ila-si əw gə lo kum naa gə lə-si, gə lo sangə rɔ gə lə-si mba Kirisi.

2 Corinthiendjé 11:6

Tɔgərɔ, m-gərə pa tar yororo-yororo ang ja, ngaa negərə lal-m ang baa, ngaɓa ja tɔji ngadə no sisəy gə gə ɗəb-eje tɔ̰y nəm ɓa gə go kulaje tɔ̰y gə ja ɗa horo-sisəy gə.

2 Corinthiendjé 2:17

Mba sijee le ja to to gə nje gə kɛm bula gə d-un tar lə Luba gə nekinga ne lə-je baa ne ang; sijee ɗaa, tar gə tɔgərɔ gə ḭ rɔ Luba gə ɓa ja pa, j-ar ne no Luba gə mə Kirisi gə.

2 Corinthiendjé 5:11

Gəl-e gə nee ɓa, sijee ja gərə ɗəw kila kuji dɔ Mbayɓe gə ɗaa, ja sangə mba kar dəwje d-aw ne go tar gə tɔgərɔ lə-a. Luba gərə gəl-si gə maj-ɛ, m-unda mə-m to gə sisəy kara ꞌgərəje sijee mə kəji gə lə-si tɔ.

2 Corinthiendjé 6:8

dan riɓar gə gə rɔ kul gə, ꞌpa tarje gə kṵra̰y gə yə je gə may dɔ-si gə, ja pa tar gə tɔgərɔ ja ngaa d-o si gə njetar gə ɗəgərəje.

2 Corinthiendjé 7:14

Kɔsə gə m-ɔsə gaji rɔ-m ɓəəl no Titə gə ɔji dɔ-si, rɔ kul uwa-m ang. Ngaa to gə sijee ja pa ne tar gə tɔgərɔ j-ar-si gə ndɔje tɔ̰y le, ɓo j-ɔsə gaji rɔ-sijee no Titə gə nama, to tar gə tɔgərɔ ja,

Ephésiendjé 4:14

Mba kar-sijee j-a to ne gə nganje gə kasə ang ngaa, mba nganje gə kasə le, ꞌpagəm ləngə-je ngaɓa ꞌbil-je aw gə je yo gə nee ɔji dɔ netɔjije ɓədə-ɓədə gə d-ula-je ne gore, d-ar-je ꞌndəm ɗəw nekərə gə, gə ɗəw kula ɗaje gə lə dəwje;

Ephésiendjé 5:12

Mba neje tɔ̰y gə dəwje ꞌɗa lokiya gə le, pa tar-ɛ kara to gə ne rɔ kul baa.