2 Corinthiendjé 4:17 - Mbede Lə Luba Kone Gə Sigi

¹⁷ Mba nekəmandooje gə ɗa si dɔ ndɔ gə ɓisine nee le, kur-e a kəw ang, ngaɓa ɔlɛ pɛl-pɛl baa, gə asə kuwa kɔji ne riɓar gə ndɔ gə ndɔ gə to gə ndər-e baa, gə nekəmandooje nee gɔl ɔji dɔ-si.

Testament ke Siki 1960 (Kabba Laka)

¹⁷ Mbata né ndoo ngadji ke dadjè loshénè, a kan né ndokoo mbata ndò ke ndò wota né kòdjou toï.

2 Corinthiendjé 4:17 ပူးပေါင်းရင်းမြစ်များ

Matiye 5:12

ꞌƊa-je rɔləl ngaɓa ar-je rɔ-si ndɔɔ, mba ne dɔ ji lə-si a bo ya̰ mə dara gə, pajambərəje lə Luba gə kede ja kara d-ula kəm-je ndoo to gə be tɔ.

Lugu 6:23

Ɗaje rɔləl dɔ ndɔ-ɛ gə nee le ngaɓa talje ꞌmajagəra, mba nekuga dɔ ji lə-si a bo ya̰ mə dara gə; mba bɔ-sijee ɗa to gə bənəng ja kede gə pajambərəje lə Luba tɔ.

Koula 20:23

ne kara baa le, gə ɓeboje kara kara ja, Njil Njerɔsangə tɔji-m ngaɓa pa ar-m to gə d-a tɔ-m ngaɓa neməsərəje d-aw ngina-m.

Romaindjé 2:7

n-a kar təbə gə gə ndɔ gə ndɔ nje gə d-uwa gədərə ɗəw ɗa may gə, ꞌsangə ne rɔɓila, ɗɔy ngaɓa ne gə a ndum ang;

Romaindjé 8:18

M-o to gə ko ꞌməsərə lə-si gə ɓogəne le, a kasə naa gə rɔnduba gə d-a kila gə ɗaga kar-sijee gə dɔ ndɔ gə bara gə ang.

Romaindjé 8:34

Na ɓa a kar tar uwa dɔ-je wa? Kirisi Jeju le ɓa to dəw gə uy, cibi ɓa ndol, aw isi dɔ ji kɔl Luba gə, aw dəji Luba mba sijee!

Romaindjé 8:37

Ngaa dan neje gə nee tɔ̰y le, sijee j-a to njecɛdə ɗɔje gə to ɓəəl ɗəw gə lə nje njigi-si.

1 Corinthiendjé 2:9

Ngaa to gə ꞌɗa ne mə mbede gə na: Ne gə kəm o ang, ne gə mbi o ang, ngaɓa andə dɔ ɓəngərə dəw gə ang, ne gə Luba gɔl mba nje gə ꞌnjigi-e.

2 Corinthiendjé 3:18

Sijee tɔ̰y gə ta kubu nee godo kəm-si gə le, j-a tɔji riɓar lə Mbayɓe gə ɗaga ta kəm-si gə to gə tatara gə dəw o ne rɔ-ɛ be. Mbayɓe gə to Njil mbəl si ar j-a ta sə-a naa dan riɓar gə ɔsə dɔ naa gə kede-kede.

Philippiendjé 1:19

mba m-gərə to gə mbɔr dɔ dəji Luba lə-sisəy ɗaa m-aji ne ngaɓa Njil Jeju Kirisi kara a la sə-m tɔ;

2 Thessaloniciendjé 1:4

Be ɓa, rɔ-si ləl-si dɔ sisəy gə horo Mbo̰ naaje lə njetakagəje le Luba, mba uwaje gədərə gə takagə lə-si dan nekəmandooje gə, gə dan ꞌməsərəje gə ce dɔ-si gə.

2 Thessaloniciendjé 1:6

Be ɓa, Luba gə nje ɗa ne gadə-gadə a kar nje gə d-ula kəm-sisəy ndoo le, d-o ꞌməsərə tɔ.

2 Timoce 2:10

Gəl-e gə ne ɓa m-uwa ne gədərə dan ne gə tɔ̰y mba kar nje gə Luba mbərə-je le d-inga ne kaji gə ḭ rɔ Kirisi Jeju gə, gə riɓar gə a to gə ndɔ gə ndɔ.

Jacques 1:12

Nokarə to ɔji dɔ dəw gə uwa gədərə ta nena gə; mba go nena gə ce dɔ-ɛ gə le, n-a kinga jɔgə təbə gə Mbayɓe uwa dɔ gɔl-ɛ ngina ne dəwje gə ꞌnjigi-e.

1 Piyɛr 4:7

Ɗudu neje nay njɛ̰ baa, ɗaa ꞌcibije dɔ rɔ-si gə ang ngaɓa undaje kəm karə dɔ rɔ-si gə ɗəw dəji Luba gə.

1 Piyɛr 5:10

Luba gə nje ɗa mayje dang-dang, gə ɓar-si ɗəw gə lə Kirisi, kar-si isije sə-a dan rɔnduba gə a to saar gə no le, logə oje ꞌməsərə kor-e əw ɓəəl nama, ye ja a təl gɔl rɔ-si, a kula jingaw mə-si gə, a kar-si singa, a kar ngira-si uwa nangə baa-baa.

1 Jean 3:2

Sisəy ngan ko̰-mje gə m-njigi-si ya̰, ɓisine j-a toje nganje lə Luba, ɗaa pa kunda rɔ-si gə dɔ ndɔ gə bara le kila rɔ-ɛ gə ɗaga ang ɓi, ngaa j-a gərə lo n-a kila rɔ-ɛ gə ɗaga nama, j-a ta sə-a naa mba j-a ko-e lo kunda rɔ-ɛ gə.

Jude 1:24

ꞌNe gə n-asə ngom-si kar ꞌtugaje jigi osoje ang, kar-si ar-je gə no riɓar gə lə-a gə rɔ gə may pɛdə, gə rɔləl le,