2 Corinthiendjé 3:7 - Mbede Lə Luba Kone Gə Sigi

⁷ Ngaa, to gə ɓo kula ɗa yo gə d-unja mbed-e mə bəgərə ər baa ɓi ɓa ndogo ar ngan Ijirayɛlje d-asə kun kəm-je ko ne ngo no Moyiji ang, mba ndogo lə-a, gə kur-e əw ang baa nee,

Testament ke Siki 1960 (Kabba Laka)

⁷ Tokou tar koula yo ke dèdè nda maketourou té do err té dé to né ke òsou nya, tokou ban Israëldjé ase kaa kem Moïse ang mbata ndokoo lo kèmè, a yèn to né ke ndai,

2 Corinthiendjé 3:7 ပူးပေါင်းရင်းမြစ်များ

Koula 6:15

Dəwje tɔ̰y gə d-isi no ngɔ gangə tar gə lə Jiibjije le kəm-je nunga-a pal-pal ɗaa d-o ngo no-ɛ ta naa gə ngo no anji.

Romaindjé 10:4

mba Kirisi ja tɔl ta torondu mba kar dəw gə ɗa-ɗa gə takagə to ne dəw gə gadə-gadə.

Romaindjé 4:15

Mba torondu uji wungu ngaɓa logə torondu godo kəne ɗaa kal tar godo kəne tɔ.

Romaindjé 5:20

Torondu ce mba kar kal tar ba̰y ne gə kede, ngaa lo gə neɗa gə kṵra̰y ba̰y kəne nama mənuji bula kəne al dɔ lo.

Romaindjé 7:10

ɗaa ꞌma m-uy, ndu gə a kar m-inga təbə le ɗaa, təl ar-m m-inga yo.

Romaindjé 7:22

Mba rɔ-m ndɔɔ dɔ torondu gə lə Luba dɔ ɓəngərə-m gə kəy,

Romaindjé 7:5

Mba kede, logə j-a nay darɔ gə ɓi le, ɓo neɗa gə kṵra̰y ɗa kula rɔ-si gə ɗəw gə lə torondu ngaɓa kar j-oso kandə ɔji dɔ yo.

1 Corinthiendjé 13:10

ngaa logə ne gə may pɛdə a ɗe ɗaa, ne gə ga̰-e baa le a kunda nangə mburugu.

2 Corinthiendjé 3:3

Tɔgərɔ ja, to ɗaga arə ngadə sisəy le ꞌtoje mbede gə Kirisi ɗa gə ɗəw kula ɗa gə lə-sijee, mbede gə ꞌɗa gə man ne gə ndul ang, ngaa gə Njil lə Luba gə nje kisi kəm baa, ngaɓa ꞌɗa mə bəgərəje gə to gə ər ang, ngaa ꞌɗa mə bəgərəje gə to gə darɔ, mə-sisəy gə kəy.

2 Corinthiendjé 3:6

Luba ja təl sijee gə dəwje gə d-asə to ngan njekulaje lə kone gə sigi, ɗəw torondu gə mə mbede gə ꞌɗa ang, ngaa ɗəw Njil gə; mba torondu gə mə mbede gə le to gə yo, ngaa Njil ɓa ar dəw kisi gə təbə.

2 Corinthiendjé 3:8

ɓədə ɓa kula ɗa Njil a ndogo to ɓəəl ya̰ ang wa?

Galatedjé 3:10

Dəwje tɔ̰y gə d-ila kuji dɔ torondu gə ɓa mba kinga ne kaji le, ndɔl uwa dɔ-je, mba Mbede pa na: Dəw gə ɗa-ɗa gə ila kuji dɔ tar tɔ̰y gə ɗa mə mbede torondu gə ang, mba ɗa kul-ɛ ang nama ndɔɔl uwa dɔ-ɛ.

Galatedjé 3:21

Se torondu tila kəm ndu kunje gə Luba uwa dɔ gɔl-ɛ wa? Bənəng ang baa! To gə Luba a kaji dəw ɗəw torondu gə nama, neɗa gə gadə-gadə a ɗe ɗəw torondu gə ja tɔgərɔ.

Ebərəje 12:18

Dɔ ər gə dəw a kɔr gə ji-a ang, gə pər uba kəne ngug-ngug le sisəy ꞌmbɔbə-je ang, lo ndul ang nəm, cil ciməri ang nəm, ləl bo ang nəm,

Ebərəje 3:3

Be ɓa d-o-e to gə n-asə kinga riɓar gə nday Moyiji, to gə ꞌɗɔy njekunda kəy ya̰ d-unda darɔ kəy.

Ebərəje 9:4

Ne ro ba̰y kəndə mambo̰ gə d-uba gə maa to kəne ngaɓa sandubu kone gə ꞌrongə gir-e gə maa, ɓa Bay maa gə d-ila mbə gə ḭ dara kəne, cibi ngaɓa kagə tɔsə lə Aro̰ gə unji, gə bəgərə kone to kəne tɔ.