2 Corinthiendjé 3:3 - Mbede Lə Luba Kone Gə Sigi

³ Tɔgərɔ ja, to ɗaga arə ngadə sisəy le ꞌtoje mbede gə Kirisi ɗa gə ɗəw kula ɗa gə lə-sijee, mbede gə ꞌɗa gə man ne gə ndul ang, ngaa gə Njil lə Luba gə nje kisi kəm baa, ngaɓa ꞌɗa mə bəgərəje gə to gə ər ang, ngaa ꞌɗa mə bəgərəje gə to gə darɔ, mə-sisəy gə kəy.

Testament ke Siki 1960 (Kabba Laka)

³ Mbata sésè etòdjidjé ke sésè etoidjé maketourou lo Christ ke nda deo koula té lodjè, nda ke man maketourou ang a ke Ndil lo Allah ke tébe. Nda do bekere err té ang, a nda bekere da rò do bengeré té.

2 Corinthiendjé 3:3 ပူးပေါင်းရင်းမြစ်များ

Matiye 16:16

Simo Piyɛr ila kəne na: ꞌI ꞌto Kirisi, Ngon lə Luba gə Nje kisi kəm baa.

1 Corinthiendjé 3:5

Apolos ɓa to gə ɗi wa? Pɔl ɓa to gə ɗi wa? ꞌTo gə njekulaje gə ɗəw gə lə-je ɓa ꞌta-je ne kagə, gə go ɗəw gə Mbayɓe ar-je ne ne kara kara.

2 Corinthiendjé 3:6

Luba ja təl sijee gə dəwje gə d-asə to ngan njekulaje lə kone gə sigi, ɗəw torondu gə mə mbede gə ꞌɗa ang, ngaa ɗəw Njil gə; mba torondu gə mə mbede gə le to gə yo, ngaa Njil ɓa ar dəw kisi gə təbə.

2 Corinthiendjé 3:7

Ngaa, to gə ɓo kula ɗa yo gə d-unja mbed-e mə bəgərə ər baa ɓi ɓa ndogo ar ngan Ijirayɛlje d-asə kun kəm-je ko ne ngo no Moyiji ang, mba ndogo lə-a, gə kur-e əw ang baa nee,

2 Corinthiendjé 6:16

Kəy lə Luba je gə magəje d-a riya kone to gə ban wa? Mba sijee ja to kəy lə Luba gə Nje kisi kəm baa, to gə Luba pa ne na: M-a kisi gə je ngaɓa m-a nja horo-je gə M-a to Luba lə-je, ngaɓa ꞌjeje d-a to dəwje lə-m.

1 Thessaloniciendjé 1:9

ꞌPa tar ɔji dɔ sijee na, pa kuwa mba gə uwaje-si le gar-ɛ godo, ngaɓa to gə ban ja ɓa ꞌmbəlje ne kəji lə-si ar-je Luba, ngaɓa ꞌmbadəje magəje ɗaa ꞌtəl ɗaje ne kula lə Luba gə tɔgərɔ gə nje kisi kəm baa,

Ebərəje 10:16

Kone gə m-a riya gə je ɓa to nee, Mbayɓe pa na: Go ndɔje gə nee ɗaa, M-a kunja torondu-mje dɔ ɓəngərə-je gə Ngaɓa m-a kunja kəji negərə gə lə-je

Ebərəje 8:10

Be ɓa kone gə m-a riya gə dəwje gə Ijirayɛl le ɓa nee, Mbayɓe pa na go ndɔje gə nee ɗaa: M-a kunja torondu-mje kəji negərə gə lə-je, M-a kunja dɔ ɓəngərə-je gə nəm tɔ; M-a to Luba lə-je, Ɗaa d-a to dəwje lə-m.

Ebərəje 9:14

ɓədə ɓa məsə Kirisi gə to ɓəəl ya̰, ngaɓa un rɔ-ɛ gə arə ngadə ar Luba ɗəw gə lə Njil gə a to gə no le, a togo kəji lə si kɔr-si ta yo gə mba kar ja ɗa kula lə Luba gə nje kisi kəm baa!

Apocalypse 2:1

ꞌƊa mbede ula ne ar anji lə mbo̰ naa lə njetakagəje gə Epɛs: O tar gə nje kuwa ndɛ̰ndərɛ̰ndɛ̰je gə siri ji-a gə kɔl gə nja ne horo lambe maa̰je gə siri pa:

Apocalypse 2:12

ꞌƊa mbede ar anji lə mbo̰ naa lə njetakagəje gə Pɛrəgam: O tar gə dəw gə ndo̰ kiya bayi lə-a adə ngɛl-ngɛl ngaɓa t-ɛ adə pəm-pəm ɓe joo pa:

Apocalypse 2:18

ꞌƊa mbede ar Anji lə Mbo̰ naa lə njetakagəje gə Tiyatir: A o, tar gə Ngon lə Luba, ye gə kəm-e ta naa gə ndo̰ pər gə o̰ bilim-bilim, gə gɔl-ɛ ta naa gə lar kasə pa le ɓa na nee:

Apocalypse 2:8

ꞌƊa mbede ar Anji lə Mbo̰ naa lə njetakagəje gə Isimirənə: A o tar gə dəw gə dɔngɔr gə dəw gə njekudu bo̰ pa, ye gə uy ɓa təl ndol aw kəm baa:

Apocalypse 3:1

ꞌƊa mbede ula ne ar anji lə mbo̰ naa lə njetakagəje gə Sarədə: A o, tar gə dəw gə uwa njilje gə siri lə Luba gə ndɛ̰ndərɛ̰ndɛ̰je gə siri ji-a gə pa le ɓa nee: M-gərə kula ɗa-ije; m-gərə gə maj-ɛ to gə ꞌpa tar lə-i gə lo-lo na aw kəm baa, ngaa uy.

Apocalypse 3:14

Ɗa mbede ar anji lə Mbo̰ naa lə njetakagəje gə Lawdise: Be ɓa n-ne gə Oyo, njetar naji gə njetakagə gə tɔgərɔ, Ngira nekundaje lə Luba pa na:

Apocalypse 3:22

Dəw gə mbi-a ga̰ nama may kar-ɛ o ne tar gə Njil pa ar mbo̰ naaje lə njetakagəje.

Apocalypse 3:7

ꞌƊa mbede ar anji lə mbo̰ naa lə njetakagəje gə Piladɛləpi ꞌpa na: A o, tar gə njerɔsangə, dəw gə gadə-gadə, Gə uwa ngon lakɛrɛ lə Dabidi ji-a gə, Gə ɔr ta ɗəw nama dəw a kudu ang, Gə udu ta ɗəw nama dəw kɔr ang pa le ɓa nee.