2 Corinthiendjé 3:18 - Mbede Lə Luba Kone Gə Sigi

¹⁸ Sijee tɔ̰y gə ta kubu nee godo kəm-si gə le, j-a tɔji riɓar lə Mbayɓe gə ɗaga ta kəm-si gə to gə tatara gə dəw o ne rɔ-ɛ be. Mbayɓe gə to Njil mbəl si ar j-a ta sə-a naa dan riɓar gə ɔsə dɔ naa gə kede-kede.

Testament ke Siki 1960 (Kabba Laka)

¹⁸ A djèdjè toï ke koubou kemdjè goto, djèdjè djo ndokoo lo Mbaibé Seigneur tokou mè né ko kem té, djèdjè ntourou tokou rè ndja ke ndokoo ke wotana deo koula té lo Mbaibé Seigneur ke to Ndil ndja.

2 Corinthiendjé 3:18 ပူးပေါင်းရင်းမြစ်များ

Jean 1:14

Tar le təl rɔ-ɛ gə dəw, cibi ɓa isi horo-si gə mənuji gə tar gə tɔgərɔ ɗusu m-e tub-tub, ngaɓa sijee j-o rɔnduba lə-a, to to gə rɔnduba kar Ngon kara gə inga rɔ Bɔ-ɛje gə.

Jean 12:41

Tar gə nee le Ejay pa to gə be mba ꞌne n-o rɔnduba lə-a ngaɓa n-pa tar gə ɔji dɔ-ɛ tɔ.

Jean 17:22

Rɔnduba gə ula dɔ-m gə le, ꞌma kara m-ula dɔ-je gə tɔ gə mba kar ꞌto gə kara baa to sijee ja to gə kara baa tɔ.

Jean 17:24

Bɔ dəwje, m-njigi mba kar lo gə m-ga̰ kəne nama nje gə um-je mə ji-m gə le, ꞌjejee kara ga̰ sə-m kəne ngaɓa d-o rɔnduba gə ula dɔ-m gə tɔ, mba ꞌnjigi-m kede ləw baa nam ɓa unda neje.

Romaindjé 12:2

May kar-si ꞌndajije pa neɗa lə dəwje gə d-aw ɗa dɔ nangə nee ɓisine ang ngaa ḭya̰je rɔ-si yag arje kəji negərə lə-si turu to gə sigi, mba kar-si ꞌgərəje ne mə njigi lə Luba, ne gə may, gə ta kəm-e ngaɓa may pɛdə.

Romaindjé 13:14

Ngaa, Mbayɓe Jeju Kirisi ɓa may kar-si ula-aje gə kubu rɔ-si gə, ɓo ar-je ɓo gə darɔ gə o̰ dɔ-si ar-si ꞌɗa-je mə njigi lə-a ang.

Romaindjé 8:29

Mba nje gə n-gərə-je kede nam le, n-gɔl kede mba kar ꞌta naa gə ndaji Ngon-e, kar Ngon-e nee le to ne ngon dəər no ngan ko̰ naaje gə bula.

Romaindjé 8:4

mba kar neɗa gə gadə-gadə gə torondu dəji le uy ne bɛm mə-sijee gə ja nja ɗəw darɔ gə ang, ngaa ɗəw Njil gə.

Romaindjé 8:7

Mba ɓo ne lə darɔ le to njeba̰a̰ lə Luba mba darɔ ila kuji dɔ torondu gə lə Luba ang, ɓa kasə ja kara n-asə ang.

1 Corinthiendjé 13:12

Ɓogəne j-o lo gə tatara ɗaa j-o lo arə ngadə ang ngaa j-a ko gə kəm-si nda̰-nda̰ ja ɓi. Ɓogəne m-gərə tɔ̰y ang ngaa m-a gərə tɔ̰y to gə ꞌgərə-m ne be ja ɓi.

1 Corinthiendjé 15:49

Ngaɓa, ɗəw kara baa to gə ja to ndaji ꞌye gə nangə nee le, j-a to ndaji ꞌye gə dara tɔ.

2 Corinthiendjé 3:17

Mbayɓe to Njil, lo gə Njil lə Mbayɓe to kəne to lo gə dɔ to doy to kəne tɔ.

2 Corinthiendjé 4:4

ngaɓa ɔji dɔ nje məkədərəje gə magə gə dɔ nangə nee rɛ̰ kəji negərə lə-je badə mba kar d-o ndogo lə Tar gə May kar riɓar lə Kirisi gə ta naa gə Luba le ang.

2 Corinthiendjé 4:6

Mba Luba gə nje pa na: May kar lokarə ndogo dan cil ciməri gə, ꞌne le ja ɓa ndogo mə-sijee gə mba kar j-inga ne negərə gə unja ngadə ɔji dɔ riɓar lə-a gə ndogo ta kəm Jeju Kirisi gə.

2 Corinthiendjé 5:17

To gə ɓo dəw un rɔ-ɛ ar Kirisi nama, to nekunda gə sigi. Neje gə ləw nday, neje tɔ̰y təl to neje gə sigi.

Galatedjé 6:15

Kunja bərə ose kunja bərə ang ɓa to ne ang, ngaa to ne kunda gə sigi ɓa to ne.

Colossiendjé 3:10

Be ɓa unje pa nja gə sigi gə aw dɔ-ɛ gə kede-kede mba kun ne ndaji njekunda gəl-e mə-si gə mba kar ꞌgər-eje ne ɔr njal.

1 Timoce 1:11

Nendo nee le to Tar gə May kar riɓar lə Luba, gə kɔsə gaji to dɔ-ɛ gə, Luba um ji-m gə to gə tɔgərɔ.

Tite 3:5

ɗaa mba kula ɗa-si gə gadə-gadə ɓa n-aji ne si ang, ngaa to gə məmay lə-a gə n-togo-si ne ɗəw kuji gə sigi gə ngaɓa gə go Njil Njerɔsangə gə ar-si təbə gə sigi.

Jacques 1:23

Mba to gə ɓo dəw o tar, ɓa ɓo ɗa ne kula ang nama, nj-ɛ nee le asə naa kara baa gə dəw gə o rɔ-ɛ tatara gə,

1 Jean 3:2

Sisəy ngan ko̰-mje gə m-njigi-si ya̰, ɓisine j-a toje nganje lə Luba, ɗaa pa kunda rɔ-si gə dɔ ndɔ gə bara le kila rɔ-ɛ gə ɗaga ang ɓi, ngaa j-a gərə lo n-a kila rɔ-ɛ gə ɗaga nama, j-a ta sə-a naa mba j-a ko-e lo kunda rɔ-ɛ gə.