2 Corinthiendjé 3:14 - Mbede Lə Luba Kone Gə Sigi

¹⁴ Ngaa kəji negərə lə-je uy mbudugu, mba ꞌturaje mbede kone gə ləw ɗaa d-o to gə saar ɓisine ja kara, ta kubu gə nje kara ne le to baa ja dɔro ɓi, mba ta kubu nee le igi ɗəw kum naa gə lə Kirisi.

Testament ke Siki 1960 (Kabba Laka)

¹⁴ Kedji gousou lodè ngeng mbata nderèng bokonè, tokou dèdè ntoura maketourou ke leo, koubou nèn òrou ang, mbata deo té lo Christ kadaba ase ta kòrou.

2 Corinthiendjé 3:14 ပူးပေါင်းရင်းမြစ်များ

Matiye 13:11

Jeju ila-je kəne na: Luba ar-sisəy ꞌgərəje tar ɓeko̰ gə dara gə to lokiya gə, ngaa n-ar ꞌjeje ꞌgərə ang,

Matiye 16:17

Jeju təl un tar pa ar-ɛ na: Simo, ngon lə Jonas, ꞌi to njerɔləl mba darɔ gə məsə ɓa təgə gəl ne gə nee ar-i ang, ngaa Bɔy gə isi mə dara gə ja ɓa təgə gəl-e ar-i.

Matiye 6:23

Ngaa ɓo kəm-i ja tuji nam ɗaa darɔ-i tɔ̰y a kisi dan cil ciməri gə. To gə ɓo lambe gə to rɔ-i ja təl cil ciməri nama, ꞌi a kisi dan cil ciməri gə gə al dɔ lo!

Jean 12:40

N-tɔ kəm-je sum-sum nəm Dɔ ɓəngərə-je kara n-ar kədərə kang-kang nəm Mba kar d-o lo gə kəm-je ang, Ngaɓa dɔ ɓəngərə-je kara gərə ne kara ang nəm tɔ, Na d-a kḭ mbəl mə-je ɗaa m-a kaji-je.

Jean 12:46

ꞌMa gə m-to gə lokarə le, m-ɗe dɔ nangə gə nee mba kar na-na gə ta kagə-m nama isi dan cil ciməri gə ang.

Jean 8:12

Jeju təl pa tar to gə ɗangə ar-je ja cibi na: ꞌMa m-to lokarə gə dɔ nangə gə nee. Dəw gə uwa go-m nama a nja cil ciməri gə ang; n-a kinga lokarə gə a kɔr no-ɛ kaw sə-a lokarə gə kar təbə gə.

Koula 13:15

Logə ꞌtura torondu ngaɓa tar pajambərəje d-ila nangə ɗaa njeko̰ dɔ kəy nendoje ula pa ar-je na: Sisəy ngan ko̰-si, ɓo tar gə kar kula jingaw mə dəwje gə to ta-si gə nama ꞌpaje.

Koula 15:21

Mba un kud-e dɔ gəl kuji dəwje ləw baa ja dəwje tura torondu lə Moyiji gə mə ɓeboje kara kara ngaɓa ndɔ kuwa kɔr nama ꞌtura kəy nendo gə lə Jiibije taar-taar.

Koula 16:14

Ɗaa jene kara, ri-a na Lidi, n-to nje ɗabə dɔ kubuje gə kasə wɛgɛ ngaɓa n-to gə Tiyatir, n-ɓəəl Luba ya̰. Jene nee le tuga mbi-a o ne tar ɗaa Mbayɓe mbudu dɔ ɓəngər-e ar-ɛ n-ta kagə tarje gə Pɔl pa le.

Koula 26:18

mba kar-i ꞌcɛ̰ kəm-je ar-je d-uba londul d-ḭya̰ ꞌturu kəm-je gə lokarə gə ngaɓa kar ꞌce lo gə ꞌSu o̰ ɓe kəne ɓo ꞌɗəm gə rɔ Luba gə, ɓo d-ar tar neɗa gə kṵra̰y ɔr dɔ-je gə, ngaɓa d-inga nenduba naa gə gə nje gə to gə losang-ɛ ɗəw ta kagə-m gə.

Romaindjé 11:25

Ngan ko̰-mje, mba m-njigi kar ne gə to lokiya gə le, aw-je kəne dɔ mbə gə ang, mba a kḭ koje rɔ-si gə njekəm karəje. Məkədərə lə Ijirayɛl le, kur-e a kəw ang saar kar dəwje gə ꞌto Jiibije ang tɔ̰y ja d-andə ne lo kaji gə.

2 Corinthiendjé 3:15

Logə ꞌtura mbede lə Moyiji ɗaa, saar ɓisine ja kara, ta kubu nee udu kəm-je baa ɓi.

2 Corinthiendjé 3:6

Luba ja təl sijee gə dəwje gə d-asə to ngan njekulaje lə kone gə sigi, ɗəw torondu gə mə mbede gə ꞌɗa ang, ngaa ɗəw Njil gə; mba torondu gə mə mbede gə le to gə yo, ngaa Njil ɓa ar dəw kisi gə təbə.

2 Corinthiendjé 4:6

Mba Luba gə nje pa na: May kar lokarə ndogo dan cil ciməri gə, ꞌne le ja ɓa ndogo mə-sijee gə mba kar j-inga ne negərə gə unja ngadə ɔji dɔ riɓar lə-a gə ndogo ta kəm Jeju Kirisi gə.

Ephésiendjé 4:18

Tar kəji lə-je unja wərəng ang, ꞌto gə njembaaje gə ɔji dɔ kisi kəm baa gə ḭ rɔ Luba gə mba negərə ang lə-je gə məkədərə lə-je tɔ.