2 Corinthiendjé 2:14 - Mbede Lə Luba Kone Gə Sigi

¹⁴ Oyo ar Luba gə ar-sijee ja cɛdə ɗɔ mə Kirisi gə gə ndɔje tɔ̰y, ngaɓa ɗəw gə lə-sijee ɗaa, ba̰y kəndə mambo̰ negərə lə Kirisi sagə pə-pə gə lo tɔ̰y.

Testament ke Siki 1960 (Kabba Laka)

¹⁴ Woio are Allah, nè ke naredjè deo ta ndai né toï ke singa mè Christ té, nè ke nongou baï kete gerè loou té toï deo té lodjè.

2 Corinthiendjé 2:14 ပူးပေါင်းရင်းမြစ်များ

Jean 16:33

M-pa tarje gə nee m-ar-si mba kar inga-je ɗɛgɛgɛ ɗəw gə lə-m. Dɔ nangə gə nee le, isije dan nekəmandoo gə ja, ngaa undaje singa-si dɔ mar-ɛ gə, m-cɛdə ɗɔ dɔ nangə ngaa.

Romaindjé 1:8

Kede nam ɗaa m-ɗa Luba lə-m oyo mba sisəy tɔ̰y, gə ri Jeju Kirisi mba ꞌpa tar takagə lə-sisəy gə dɔ nangə nee ja tɔ̰y.

Romaindjé 15:19

ɗəw singamongə netɔjije gə neje dang-dang gə kəm dəw o ndɔ kara ang, ɗəw singamongə Njil, un kud-e Jerujalɛm saar ce ne Iliri ja m-ila mbərə Tar gə May lə Kirisi m-ar ta lo ya̰-ya̰.

Romaindjé 6:17

Ngaa, oyo ar Luba, kede le ꞌtoje ɓərəje lə neɗa gə kṵra̰y ja ngaa ilaje kuji gə dɔ ɓəngərə-si ja tɔ̰y ngaɓa ꞌnjaje ne gə go ji ne gə ꞌtɔji-si le ja tɔ.

Romaindjé 8:37

Ngaa dan neje gə nee tɔ̰y le, sijee j-a to njecɛdə ɗɔje gə to ɓəəl ɗəw gə lə nje njigi-si.

1 Corinthiendjé 12:8

Njil ar dəw gə kara tar kəm karə; ar dəw gə kən gusutar gərə ne, gə go Njil gə kara baa nee le ja;

1 Corinthiendjé 15:37

Ngaɓa ne gə ꞌdubu le, to darɔ gə dɔ ndɔ gə bara ang, to kandə ne ja baa, bayɛ̰ to kandə waa ose ko ne gə ɗangə kara nəm;

1 Corinthiendjé 15:57

Ngaa oyo ar Luba, gə ar-si j-a cɛdə ɗɔ ɗəw gə lə Mbayɓe lə-sijee Jeju Kirisi!

2 Corinthiendjé 1:11

Sisəy ja kara ꞌlaje gə si dɔ-ɛ gə ɗəw dəji Luba gə tɔ. Be ɓa mənuji gə sijee j-a kinga ɗəw dəji Luba gə lə dəwje bula ɔji dɔ-si le, a təl to ne gə dəwje bula d-a kar ne Luba oyo mba sijee.

2 Corinthiendjé 8:16

May kar oyo Luba gə ɗa kula mə Titə gə ar-ɛ ndəbə kəgəgə ɔji dɔ-si to gə ꞌma be.

2 Corinthiendjé 9:15

J-arə oyo Luba mba nekarə baa lə-a gə al dɔ lo.

Ephésiendjé 5:2

ngaɓa ꞌnja-je dan njigi gə ɗəw kara baa to gə Kirisi kara njigi sijee ɗaa ye ja un rɔ-ɛ ila mə ji Luba gə uga ne dɔ sijee gə nenuji, gə nekunja məsə, asə naa gə ba̰y kəndə mambo̰ gə ba̰y-e əndə ləl tɔ.

Ephésiendjé 5:20

Ɔji dɔ ne gə ɗa-ɗa kara, ꞌɗaje oyo Luba gə Bɔ dəwje gə dɔ kar tɔ̰y, gə ri Mbayɓe lə-sijee Jeju Kirisi.

Philippiendjé 4:18

M-inga ne tɔ̰y ɗaa m-isi dan may gə ngaa; mə-m ti mbidi, mba ne gə ar-je Epaporoditə ɗe ne le əndə ləl to to gə ba̰y kəndə mambo̰ gə əndə sa̰a̰ be, to gə nepolo gə Luba njigi ngaɓa ta kəm-e tɔ.

Colossiendjé 1:23

Ne kara baa le ɗaa, may kar ar-je dɔ takagə gə, ꞌɓərəje ngira-si kəne, gə ar-je njang, awje əw gə kunda mə gə Tar gə May pa tar-ɛ ar-si le ang. Tar gə May gə ꞌpa d-ar nekundaje tɔ̰y gəl dara gə, ngaɓa ꞌma Pɔl m-təl m-to nje kul-ɛ tɔ.

Colossiendjé 1:6

Tar gə May gə nee le aw ce ɓə lə-si, ɗəw kara baa to gə kand-e to ngaɓa ta dɔ nangə tɔ̰y ja to to gə to ne horo-sisəy gə kede ləw dɔ ndɔ gə oje ne tar mənuji lə Luba gə dɔgɔr-ɛ ja ngaɓa ꞌgərəje tar mənuji nee le to gə tar gə tɔgərɔ ja,

Colossiendjé 2:15

n-ɔr ne mbay dɔ njilje gə njeko̰ dɔ loje gə njeko̰ loje, n-unda-je gə nekogo kəm dəwje gə, n-cɛdə ne ɗɔ dɔ-je gə ɗəw kuy gə kagə dəsə gə.

1 Thessaloniciendjé 1:8

Mba Tar lə Mbayɓe ɓar kagə ɓə lə-si, ce Masedowan gə Akayi ja kara baa ang ngaa dəwje ꞌgərə takagə Luba lə-si gə lo tɔ̰y, ar al dɔ lo sula.

1 Thessaloniciendjé 3:9

Oyo gə ban ja ɓa j-a ɗa Luba mba tar lə-sisəy, ɔji dɔ rɔləlje tɔ̰y gə j-a ɗa mba tar lə-sisəy no-gɔl Luba gə wa?

1 Timoce 2:8

Be ɓa, m-njigi kar dəwje pa tar gə Luba gə lo tɔ̰y, d-odo nee ji-je gə may tɔ̰y gə dara. D-a ɗa gə wungu ang nəm ngaɓa d-a kaw gə kəji tɔsə tar ang nəm tɔ.

2 Timoce 2:2

Ngaɓa ne gə o ta-m gə nje tar naj-ɛje bula le, um mə ji dəwje gə gadə-gadə gə, d-a kasə mba tɔji nje gə kɛm tɔ.

Apocalypse 7:12

ꞌpa na: Oyo! Kɔsə gaji, riɓar, kəm karə, ɗa oyo, ɗɔy, singamongə gə tɔgə to kar Luba lə-sijee gə ndɔ gə ndɔ! Oyo.