2 Corinthiendjé 13:5 - Mbede Lə Luba Kone Gə Sigi

⁵ May kar ꞌtənje mə-sisəy ja so-so oje, se uwaje takagə gədərə ja wa? ꞌNaje darɔ-sisəy ja oje. ꞌGərəje to gə Jeju Kirisi ga̰ mə-si gə ang wa? Ose na mə lə-sisəy le tɔji ne gə baa wa?

Testament ke Siki 1960 (Kabba Laka)

⁵ Esangidjé mèsè sésè ndja, ta ko tokou sésè éhdjé ke ko mè té ke tokoro. Naaidjé ròsè ndja. Sésè egeridjé ke Jésus Christ éh mèsè té ang wa? A dòmadjang a naa ròsè tòdjou sésè asidjé ang.

2 Corinthiendjé 13:5 ပူးပေါင်းရင်းမြစ်များ

Jean 14:23

Jeju ila-a kəne na: To gə ɓo dəw njigi-m nama a ngom tar lə-m ɗaa Bɔy a njigi-e. Ngaɓa j-a ɗe ɓə lə-a mba ɗa ɓe m-e gə mba kisi kəne.

Jean 15:4

ꞌToje mə-m gə to gə ꞌma kara m-to mə-sisəy gə tɔ. Ɗəw kara baa to gə bar kəm bḭyə̰ gə nam kar kag-ɛ gə ang nama a kasə kandə gə dɔ rɔ-ɛ ang le, sisəy kara to gə ɓo ꞌnam-je kar-m ang nama a kandə-je ang tɔ.

Jean 17:23

M-ga̰ mə-je gə ꞌI kara ꞌga̰ mə-m gə tɔ, mba kar mə kara lə-je le uwa naa badə ngaɓa mba kar dɔ nangə gərə to gə ꞌI ja ɓa ula-m ɗaa ꞌnjigi-je to gə ꞌnjigi-m ne ꞌma be.

Jean 17:26

M-kila dɔ ri-i m-ar-je ꞌgərə ɗaa m-a kila kar-je gərə ja ɓi mba kar njigi gə ꞌnjigi-m le to mə-je gə ngaɓa mba kar ꞌma kara m-ga̰ ne mə-je gə tɔ.

Jean 6:56

Dəw gə usa darɔ-m gə ay məsə-m nama isi mə-m gə, to gə ꞌma kara m-isi m-e gə tɔ.

Jean 6:6

N-pa tar be gə mba na ne mə Pilibi gə na baa, mba ꞌne n-gərə ne gə n-a ɗa som.

Romaindjé 1:28

Be ɓa, mba d-o-je to gə gərə Luba ang ɓa gə ne gə may le ɗaa, Luba ḭya̰-je dan tar kəji lə-je gə gə mbɔr-ɛ baa nee le, ar-je ꞌɗa ne neje gə kəm ɗa ang;

Romaindjé 8:10

Ngaa to gə ɓo Kirisi ga̰ mə-si gə nama darɔ le uy ɗəw neɗa gə kṵra̰y gə tɔgərɔ ja, ngaa njil to gə təbə ɗəw to gadə-gadə gə.

1 Corinthiendjé 11:28

May kar na-na kara tən m-e ye ja so-so o ɓa usa mbə gə ay nekay nee ɓi.

1 Corinthiendjé 11:31

To gə ɓo sijee ja tən mə-si so-so nama d-a gangə tar dɔ-si gə ang ngaa.

1 Corinthiendjé 3:16

ꞌGərəje to gə sisəy ꞌtoje kəy lə Luba, gə Njil Luba isi mə-si gə ang wa?

1 Corinthiendjé 6:15

ꞌGərəje to gə darɔ-sisəy le to bar kəm rɔ Kirisi ang wa? Ɗaa m-a kun bar kəm rɔ Kirisi mba təl ɗ-ɛ gə bar kəm rɔ kaya jene wa? Ndɔ kara ang.

1 Corinthiendjé 6:19

ꞌGərəje ne gə nee ang wa? Darɔ-sisəy le to kəy lə Njil Njerɔsangə gə Luba ja ar-ɛ isi mə-si gə; ɗaa darɔ-sisəy le to kar-si ang.

1 Corinthiendjé 6:2

Njerɔsangəje ja ɓa d-a gangə tar dɔ dəwje gə dɔ nangə nee le, ꞌgərə-je ang wa? Ngaa ɓo sisəy ja a gangəje tar dɔ dəwje gə dɔ nangə nee nama mba ɗi ɓa asəje mba gɔl-je ngan tarje gə njɛ̰-njɛ̰ gə to horo-sisəy gə ang wa?

1 Corinthiendjé 9:24

May kar-si ꞌgərəje to gə nje kuma naa gə ngɔdə ꞌɓaraje le d-a̰y gə ka̰y ja tɔ̰y ngaa dəw kara baa ja inga ne dɔ ji-a. Ɗaa a̰yje gə go ɗəb-e mba kinga ne ne dɔ ji.

1 Corinthiendjé 9:27

M-o̰ dɔ darɔ-m gə singa ya̰, ngaɓa m-uwa darɔ-m gə ɓərə, ɓo be ang nama ꞌma gə m-ila mbərə m-ar nje gə kɛm le, go-e gə ɗaa, d-a kḭ kɔr ꞌma ja gə gugu.

2 Corinthiendjé 6:16

Kəy lə Luba je gə magəje d-a riya kone to gə ban wa? Mba sijee ja to kəy lə Luba gə Nje kisi kəm baa, to gə Luba pa ne na: M-a kisi gə je ngaɓa m-a nja horo-je gə M-a to Luba lə-je, ngaɓa ꞌjeje d-a to dəwje lə-m.

Galatedjé 2:20

m-aw kəm ja baa ngaa to ꞌma ɓa m-aw kəm baa ang, ɗaa Kirisi ɓa isi kəm baa mə-m gə. Kaw kəm baa lə-m ɗəw darɔ gə ɓogəne le m-aw kəm baa ɗəw takagə ngon lə Luba gə njigi-m ngaɓa ila rɔ-ɛ kɔrɔ mba-m.

Galatedjé 4:19

Ngan-m, m-təl m-o ko̰ ne mba tar lə-si ja cibi, to gə jene gə ndo to-e be saar gə mba kar Kirisi ula ne ngira-a mə-si gə.

Galatedjé 6:4

Ngaa may kar na-na kara tən kula ɗ-ɛ ye ja o, a ɓo inga ne gə to ngira rɔləl kəne nama, a to kɔji dɔ-ɛ ye ja gə kar-e, ɓo a kuwa kɔji ne kar dəw gə ɗangə ang,

Ephésiendjé 3:17

May kar Kirisi ɗa ɓe mə-si gə kəy kɔrɔgə ɗəw takagə gə, ngaɓa may kar njigi ula ngira-a mə-si gə pə̰y-pə̰y nəm, ar-je dan-ɛ gə dana badagə nəm tɔ.

Colossiendjé 1:23

Ne kara baa le ɗaa, may kar ar-je dɔ takagə gə, ꞌɓərəje ngira-si kəne, gə ar-je njang, awje əw gə kunda mə gə Tar gə May pa tar-ɛ ar-si le ang. Tar gə May gə ꞌpa d-ar nekundaje tɔ̰y gəl dara gə, ngaɓa ꞌma Pɔl m-təl m-to nje kul-ɛ tɔ.

Colossiendjé 1:27

Sijee gə Luba njigi kila kar-si ja gərə ne riɓar gə nebaw gə nee, gə iya rɔ-ɛ horo dəwje gə ꞌgərə Luba ang gə, Kirisi ga̰ horo-si gə, to nekunda mə kar riɓar!

Colossiendjé 2:19

ꞌJejee nee le, d-um naa gə gə Kirisi gə to dɔ dəw le ang. Mba Kirisi le to dɔ dəw gə darɔ gə ngira rɔje tɔ-ɛ ne naa gə lo kuru go̰je naa gə ɗaa Luba ɓa ar dəw tɔgə ne.

Colossiendjé 2:7

ꞌmaaje ngira-si rɔ-ɛ gə ngaɓa ubaje singa, ar-je njang dɔ takagə gə gə go ɗəb-e gə ꞌtɔji-si, cibi ꞌɗaje Luba oyo jaga-jaga ja.

1 Timoce 2:15

Be ja kara, n-a kinga kaji ɗəw gə lə nganje gə n-a kujije, to gə n-ngom takagə gə n-njigi dəwje, sangə rɔ-ɛ ngaɓa n-ɗa ne gə mə Luba njigi.

2 Timoce 3:8

To to gə Janɛs je gə Jambɛrɛs d-ila ne karəw gə Moyiji dɔ ndɔ gə kede le ja tɔ a, dəwje gə əng le ꞌɗa to gə be gə tar gə tɔgərɔ tɔ, mba to dəwje gə kəji lə-je to gə maj-ɛ ang ngaɓa takagə lə-je kara to gə maj-ɛ ang tɔ.

Tite 1:13

Tar naji lə-a le to tar gə tɔgərɔ ja ɗaa gəl-e gə ne ɓa ꞌsiri-je gə maj-ɛ mba kar ꞌtɔgəje ne ɗəw takagə gə dɔ gɔl-ɛ,

Tite 1:16

ꞌƊa rɔ-je to to gə dəwje gə gərə Luba be ngaa kula ɗa-je gə kṵra̰y ja d-a gərə-je ne. ꞌToje yɛm gə nje dɔ ngangəje ngaɓa d-asə ɗa ne gə may kara ang.

Tite 2:2

ꞌPa ar dəwje gə tɔgə ar-je ꞌɗa mə bo nekusa ang, ɓo d-ila ngon kuji dɔ rɔ-je gə nəm, gə kar ꞌgərə pa tar tɔgə nəm, kar takagə lə-je mbɔr-ɛ ang nəm ngaɓa ꞌtɔji njigi gə tɔgərɔ ngaɓa kar d-uwa gədərə nəm tɔ.

Ebərəje 12:15

May kar-si oje gə maj-ɛ mba kar mənuji lə Luba lal dəw kara ang, mba kar dəw təl to riya gə adə, mba riya gə adə le oso mə mar-ɛ gə nama a tuji mar-eje tɔ̰y ɗaa dəw a kusa ang.

Ebərəje 4:1

Ar-si j-a ɓəəlje ɓa, mba dɔ gɔl lo kuwa kɔr lə-a gə n-uwa le to kɔb ɓi ɗaa, may kar dəw kara horo-si gə əji to gə n-lal ɗɔdə ang.

Ebərəje 6:8

Ngaa to gə ɓo kunje gə hayaje ɓa uba nama d-o to gə ndɔɔl uwa dɔ-ɛ, ɗaa d-a tuj-e gə kɔrɔ ngaɓa d-a ro-e nəm tɔ.

Jacques 4:4

Sisəy nje ɓogo lo toje, to gə ɓo neje gə dɔ nangə nee ɓa uwa mə-si nama, ꞌnjigije Luba ang gə dɔbo̰ le se, ꞌgərəje ang wa? Dəw gə njigi mba kuwa kura gə dɔ nangə nee nama to njeba̰a̰ lə Luba.

1 Piyɛr 5:9

Arje gədərə no-ɛ gə, uwaje takagə gədərə, mba ꞌgərəje to gə ngan ko̰-si gə dɔ nangə nee d-o ꞌməsərə ɗəw kara baa to gə be tɔ.

Apocalypse 2:5

Be ɓa ar mə-i ole dɔ lo gə ꞌce oso kəne: ꞌTuru kəji lə-i, ɓo un kula ɗa-ije gə may gə kede ləw. Be ang nama m-aw gə ɓə lə-i əng, a to gə ɓo, ꞌturu kəji lə-i ang nama, m-a kɔr dɔ ne kunda lambe lə-i lo to-e gə gə ɗangə.