2 Corinthiendjé 13:4 - Mbede Lə Luba Kone Gə Sigi

⁴ Mba ꞌɓər-e kagə dəsə gə mba mbɔr-ɛ lə-a, ngaa n-aw kəm baa gə go singamongə lə Luba; sijee kara ja mbɔr-ɛ ɗəw gə lə-a tɔ, ngaa j-a kaw sə-a kəm baa mba sisəy ɗəw singamongə gə lə Luba.

Testament ke Siki 1960 (Kabba Laka)

⁴ Mbata ntòlè dò kake dèse té tokou singa la goto, a nè nisi ke tébe deo singa té lo Allah. Mbata ke mèa té djèdjè mongou ang, a deo da kesè djèdjè dja kisi tébe sa deo singa té lo Allah.

2 Corinthiendjé 13:4 ပူးပေါင်းရင်းမြစ်များ

Jean 10:18

Dəw kara kara ɔr təbə lə-m ang, ngaa ꞌma ja gə dɔ-m m-ḭya̰ təbə lə-m m-ila kɔrɔ; M-aw gə singamongə mba kḭya ne təbə lə-m kila kɔrɔ ngaɓa m-aw gə singamongə mba təl kinga ne to gə ɗangə tɔ; ye gə nee ɓa to gə ndu gə m-inga ta Bɔy gə.

Koula 2:36

May kar dəwje gə Ijirayɛl tɔ̰y ꞌgərə gə maj-ɛ to gə Jeju gə ꞌɓərə-eje kagə dəsə gə le, Luba unda-a gə Mbayɓe ngaɓa gə Kirisi tɔ.

Koula 3:16

Dəw gə ar aw o-eje gə ꞌgər-eje nee le, mbɔr dɔ takagə ri Jeju, ri gə nee le ja ɓa ar-ɛ singa ngaɓa ta kagə Jeju ja ɓa n-aji ne barang kəm-si gə tɔ̰y nee.

Romaindjé 1:4

ngaɓa, ꞌɓar-ɛ Ngon lə Luba ɗəw singamongə gə lə Njil Njerɔsangə Jeju Kirisi to Mbayɓe lə-sijee go kuy gə uy ɓa ndol horo nje gə d-uy gə;

Romaindjé 14:9

Mba Kirisi uy ɓa təl aw kəm baa mba to Mbayɓe lə nje gə d-uy gə nje gə d-aw kəm baa.

Romaindjé 6:4

ꞌDubu-si sə-a naa gə kara baa ɗəw batɛm gə, mba kar to gə Kirisi uy ɓa ndol ne horo nje gə d-uy gə ɗəw rɔnduba gə lə Bɔ dəwje le, ɗəw kara baa kar-sijee kara j-a nja ne ɗəw kisi kəm baa gə sigi tɔ.

1 Corinthiendjé 1:25

Mba ne mbə lə Luba to kəm karə unda kar dəwje, ngaɓa tɔgə godo lə Luba le uba singa unda singa dəwje tɔ.

1 Corinthiendjé 15:43

ꞌDubu ne gə to yɛm, ngaa a ndol gə rɔnduba, ꞌdubu ne gə mbɔr-ɛ, ngaa a ndol gə singamongə.

1 Corinthiendjé 2:3

ꞌMa ja kara m-aw ɓə lə-si gə nje tɔgə godo, gə njeɓəəl ngaɓa gə njekisa ɗɛgə-ɗɛgə.

1 Corinthiendjé 6:14

Be ɓa Luba gə nje kar Mbayɓe uy ɓa ndol le, a kar-sijee j-a kuy mba ndol gə singamongə lə-a tɔ.

2 Corinthiendjé 10:10

mba ꞌpa na: mbedeje lə Pɔl to ɓəəl ngaɓa uba singa, ngaa logə n-ga̰ horo-si gə ɗaa, n-unda ndɔlɛ ngaɓa tar pa lə-a to ne ang.

2 Corinthiendjé 12:10

Gəl-e gə nee ɓa rɔ-m lələ-m dɔ tɔgə godo gə, dɔ tajije gə, dɔ ndoo neje gə to-m gə, dɔ kula kəm ndoo gə, dɔ nekəmandooje gə gə ɔji dɔ Kirisi, mba logə tɔgə-m godo ja ɓa m-uba singa ɓi.

2 Corinthiendjé 13:9

Logə sisəy ubaje singa ɓa singa sijee godo le, j-a ɗa rɔləl, ngaɓa ne gə ja njinga lo dəji Luba gə lə-sijee to gə may pɛdə lə-sisəy tɔ.

Philippiendjé 3:10

M-njigi gər-e, ꞌne gə singamongə ce buwa yo gə lə-a ngaɓa ɗa ne sə-a mə kara dɔ ko ꞌməsərəje gə lə-a, ɓa gə mba təl ta ne sə-a naa ɗəw kuy gə lə-a,

Ebərəje 5:7

ꞌNe ja, logə n-aw dɔ nangə nee taar ɓi le, n-uru ꞌkuwi ɓolong gə man no, gə n-dəji Luba ngaɓa n-ɗa ne ndoo no-ɛ gə mba kar t-ɛ ta yo gə. Be ɓa gə go kila kuji lə-a ɗaa Luba o ndu-e ja,

1 Piyɛr 3:18

Mba Kirisi kara o ꞌməsərə gɔl kara gə dɔbo̰ ja mba neɗaje gə kṵra̰y, ꞌne gə to dəw gə gadə-gadə ja, n-o ꞌməsərə mba sisəy gə tar uwa dɔ-si, mba kɔr ne no-si kaw ne gə si ɓə lə Luba. ꞌTɔl-ɛ ɗəw darɔ gə, ngaa d-ar n-təl n-aw kəm baa ɗəw Njil gə.

1 Piyɛr 3:22

Jeju Kirisi gə ḭ aw dara, isi dɔ ji kɔl Luba gə, o̰ dɔ anjije, gə njeko̰ dɔ loje gə dɔ njesingamongəje gə dara tɔ.