2 Corinthiendjé 13:3 - Mbede Lə Luba Kone Gə Sigi

³ Mba sisəy ꞌsangəje ne gə tɔji to gə Kirisi pa tar ɗəw gə lə-m ɗaa, ꞌne gə n-ɗa kula rɔ-si gə le n-mbɔrɛ ang, ngaa n-tɔji singamong-e horo-sisəy gə.

Testament ke Siki 1960 (Kabba Laka)

³ Mbata sésè ndikidjé né tòdjou ke Christ pa deo té lom. Nè nda kesè tokou né ke singa la goto ang, a nè néh ke singa horosè té.

2 Corinthiendjé 13:3 ပူးပေါင်းရင်းမြစ်များ

Matiye 10:20

Mba to sisəy ɓa a paje tar ang, ngaa Njil Bɔ-sijee Luba ɓa a kuwa ta-si pa ne tar.

Lugu 21:15

Mba ꞌma ja m-a kar-si tar gə a paje gə kəm karə gə dəw kara horo nje kəm tarje gə lə-si a kasə mba cila ne kəm tar lə-si ose gə mba kar ne gədərə no-si gə ang.

1 Corinthiendjé 7:40

Be ɓa, gə go kəji lə-m ɗaa, to gə ɓo n-isi lo kisi-e gə nama n-a kisi gə rɔləl ya̰. Mba ꞌma ja kara m-əji to gə Njil Luba isi mə-m gə tɔ.

2 Corinthiendjé 10:1

ꞌMa Pɔl gə dɔ-m ja, gə dəwje pa tar ɔji dɔ-m na lo gə m-ga̰ gə si naa gə ɗaa, m-ula dɔ-m ngulum, a ɓo m-isi əw nama m-ɗa singa dɔ-si gə le, m-ndəji-si ɗəw kaw yururu gə gə ɗəw məmay gə lə Kirisi,

2 Corinthiendjé 10:4

Mba ne ɗɔje gə j-aw ɗɔ ne le, ngira-a ḭ darɔ gə ang, ngaa to neɗɔje gə singamong-e ḭ rɔ Luba gə mba tuji ne tɔ̰y gə ila sə-a karəw, sijee ja tuji kəji tarje gə baa pugudu.

2 Corinthiendjé 12:12

Neje gə tɔji to gə m-to njeka̰ykula gə ngadə le, sisəy oje gə ɗəw kula gə horo-si gə gə go kuwa gədərə dan nena gə, ɗəw netɔjije, ɗəw neje dang-dang gə kəm dəw o ndɔ kara ang ngaɓa gə ɗəw nemisije gə tɔ.

2 Corinthiendjé 2:10

Ngaɓa, dəw gə ɔrəje tar dɔ-ɛ gə nama, ꞌma kara m-ɔr tar dɔ-ɛ gə tɔ. Be ɓa, to gə ꞌma m-ɔr tar dɔ ne gə nama, m-ɗa mba sisəy no Kirisi gə,

2 Corinthiendjé 2:6

Dəw gə to gə be le, tar gə dəwje bula ꞌgangə dɔ-ɛ gə əng ja asə mbagə.

2 Corinthiendjé 9:8

Luba asə kar-si nemayje dang-dang, mba kar ingaje ne ne gə ndɔje tɔ̰y gə a la gə rɔ-si, ngaɓa ye gə nay ji-si gə ya̰ le a kuwaje ne nuji tɔ,