2 Corinthiendjé 13:11 - Mbede Lə Luba Kone Gə Sigi

¹¹ Be ɓa, ngan ko̰-mje, ɗudu tar ɗaa, ꞌɗaje rɔləl, awje gə dɔ-si gə may pɛdə, gə ꞌkulje mə naa, ar-je kəji lə-si to kara baa, awje dan ɗɛgɛgɛ gə, ngaɓa Luba gə nje gəl njigi gə nje gəl ɗɛgɛgɛ a nay gə si.

Testament ke Siki 1960 (Kabba Laka)

¹¹ Go né té toï, ngakömdjé, isidjé madji, edaidjé ta kase, òridjé ongou mèsè té, ndikidjéna ke mè kadaba, isidjé ke mè woul, ke Allah ke ndjè mè ndiki ke ndjè mè woul a kéh kesè.

2 Corinthiendjé 13:11 ပူးပေါင်းရင်းမြစ်များ

Matiye 1:23

Oje ꞌmbakum a kḭ kɛm ɗaa, a kuji ngon gə jingaw Ngaɓa d-a kunda ri-a na Emanuyɛl, Kɔr gəl-e na: Luba ga̰ gə si.

Matiye 5:48

To gə Bɔ-sijee gə isi mə dara gə may pɛdə-pɛdə le, sisəy kara ꞌmay-je pɛdə-pɛdə tɔ.

Marəke 10:49

Jeju təl ar nangə ɗaa, pa na: ꞌƁar-ɛje! Be ɓa ꞌɓarje nje kəm tɔ le ꞌpa d-ar-ɛ na: Unda singa-i dɔ rɔ-i gə, ɓo ḭ taar, n-aw n-ɓar-i.

Marəke 9:50

Kadə to ne gə may ja; ngaa to gə kadə ləl ang le se d-a ɗa ban ɓa kar a təl ləl wa? Ar-je ta-si ləl to gə kadə be, ngaɓa ar-je ɗɛgɛgɛ to horo-si gə gə yo gə nee.

Lugu 9:61

Dəw gə ɗangə kara pa na: M-a kuwa go-i, Mbayɓe iya̰-m ar-m m-aw m-ndəji nje gə kəy lə-m ɓa.

Jean 17:23

M-ga̰ mə-je gə ꞌI kara ꞌga̰ mə-m gə tɔ, mba kar mə kara lə-je le uwa naa badə ngaɓa mba kar dɔ nangə gərə to gə ꞌI ja ɓa ula-m ɗaa ꞌnjigi-je to gə ꞌnjigi-m ne ꞌma be.

Koula 15:29

Da gə ꞌtɔl-ɛ ꞌpolo ne magəje, kusa məsə, daje gə ꞌmundu-je ꞌtɔl-je ngaɓa kaya. May kar aje rɔ-si gə maj-ɛ dɔ neje gə nee le. Isije gə maj-ɛ.

Koula 18:21

Ngaa təl kisi le uwa mə Pɔl ang ɗaa ɔdə ḭya̰-je, ngaɓa pa na: Kəm kar-m m-ɗa nay gə aw ɗe əng Jerujalɛm ɓa a may. To gə ɓo Luba njigi nama m-a təl ɗe ɓe lə-si ɓi. Be ɓa n-al to Epɛs n-aw gə Sejare.

Koula 23:30

Cibi d-ula-m tar njuma gə d-ula dɔ-ɛ gə ɗaa m-ula-a gə tɔg-ɛ baa gə rɔ-i gə ngaɓa m-dəji njekila tar dɔ-ɛ gə je le kar ꞌɗa mbede ꞌsəg-e ne no gɔl-i gə.

Romaindjé 12:16

Ar-je mə-si to gə maj-ɛ dɔ naa gə to to gə na-na gə yo gə nee. Undaje dɔ-si taar gəgəgə ang ngaa ar-je kula dɔ ngulum ɓa uwa mə-si. Oje rɔ-si gə njekəm karəje ta kəm-sisəy gə ja ang.

Romaindjé 12:18

To gə ɓo ɗəw to, gə to ne gə kəm kar-si ꞌɗaje nama, ar-je ɗɛgɛgɛ to horo-si gə gə dəwje tɔ̰y.

Romaindjé 14:19

Be ɓa may kar-si ja sangəje ne gə ɔsə kudu ɗɛgɛgɛ gə ne gə a kar-si singa gə yo gə nee.

Romaindjé 15:13

May kar Luba gə to gəl məkunda, ar rɔləl gə ɔr njal ɗusu mə-si ngaɓa ar-si ɗɛgɛgɛ gə uy bɛm ɗəw takagə gə, mba kar məkunda lə-si ɓar ne mii, ɗəw singamongə gə lə Njil Njerɔsangə!

Romaindjé 15:33

May kar Luba gə nje gəl ɗɛgɛgɛ nay gə si tɔ̰y! Oyo!

Romaindjé 16:20

Be ɓa Luba gə to ngira ɗɛgɛgɛ le, a tɔ dɔ ꞌSu ɓisine baa kar ꞌnjaje dɔ-ɛ gə. May kar mənuji lə Mbayɓe lə-sijee Jeju nay gə si!

1 Corinthiendjé 1:10

Ngan ko̰-mje, m-ula jingaw mə-si gə gə ri Mbayɓe lə-si Jeju Kirisi, mba kar ndu-si asə naa dɔ tar gə, may kar kay naa godo horo-si gə, ar-je kəji lə-si to kara baa ngaɓa njil-si kara baa nəm tɔ.

2 Corinthiendjé 1:4

ꞌNe gə n-kul mə-sijee dan ꞌməsərəje gə lə-sijee tɔ̰y, mba kar nekul məje gə sijee j-inga rɔ Luba gə le, sijee kara j-asə kul ne mə dəwje gə d-isi dan ꞌməsərəje gə dang-dang!

2 Corinthiendjé 13:9

Logə sisəy ubaje singa ɓa singa sijee godo le, j-a ɗa rɔləl, ngaɓa ne gə ja njinga lo dəji Luba gə lə-sijee to gə may pɛdə lə-sisəy tɔ.

Ephésiendjé 4:12

mba tɔji ne ne njerɔsangəje kar ꞌto ne ngan njekulaje gə may pɛdə mba kar darɔ Kirisi ərə ne ɓər-ɓər,

Ephésiendjé 4:3

undaje ne singa-si dɔ mar-ɛ gə ar-je ne dɔ mə kara gə lə Njil gə go ɗɛgɛgɛ gə tɔ-si naa gə.

Ephésiendjé 6:23

May kar ɗɛgɛgɛ gə njigi lə Luba gə Bɔ dəwje je gə Mbayɓe Jeju Kirisi nay gə ngan ko̰ naaje gə ɗəw takagə gə.

Philippiendjé 1:27

Ne kara baa le ɗaa, ar-je pa nja-si uwa buwa Tar gə May lə Kirisi, gə mba kar le m-aw m-o-si ose m-godo kara kar m-o tar-ɛ to gə ar-je njang mə kəji gə kara baa, umje mə-si naa gə kara, ꞌɗɔje mba takagə gə ɔji dɔ Tar gə May,

Philippiendjé 3:16

Ne kara baa le ɗaa may kar ne gə j-um mə-si naa gə kəne le, ye ja j-ar-je ndu-si asə naa kəne gə no kara ngaa.

Philippiendjé 4:2

M-ndəji Ebodi ngaɓa m-ndəji Sɛ̰tisə mba kar kəji lə-je to kara baa dɔ Mbayɓe gə.

Philippiendjé 4:4

ꞌƊaje rɔləl jaga-jaga ja ɗəw gə lə Mbayɓe; m-təl m-pa ja cibi, ꞌɗaje rɔləl.

Philippiendjé 4:9

Ye gə ꞌndoje, gə ꞌtaje ta-m gə ngaɓa oje gə mbi-si, gə ye gə oje rɔ-m gə le, ꞌɗaje ne kula, ɗaa Luba gə nje ɗɛgɛgɛ a nay gə si.

1 Thessaloniciendjé 3:10

Cil gə kar ja, j-a ɗa ndoo no-ɛ gə ngɔɔgɔ-ngɔɔgɔ, mba kar n-ar j-a təl j-o kəm-si ngaɓa mba kar j-aw tɔl ta ne gə lal-si ɗəw takagə gə lə-si.

1 Thessaloniciendjé 4:1

Ɗudu tar ɗaa, ngan ko̰-sijee, ne gə j-a dəji sisəy ngaɓa j-a ndəji sisəy kəne ɗəw gə lə Mbayɓe Jeju ɓa to nee: pa nja gə dəw a nja ɓa mba ta ne kəm Luba le ꞌndoje rɔ-sijee gə, ɗaa njaje pa nj-ɛ nam ngaa, be ɓa may kar-si ꞌnjaje kəne be dɔ-si gə kede ja ɓi.

1 Thessaloniciendjé 4:18

Be ɓa ꞌndəjije naa gə yo gə nee gə tarje gə nee le.

1 Thessaloniciendjé 5:13

May kar uwaje gə je nuji gə al dɔ mar-ɛ ngaɓa ꞌnjigije-je mba kula lə-je nee le. Ar-je ɗɛgɛgɛ to horo-si gə.

1 Thessaloniciendjé 5:16

Ar-je rɔ-si ləl-si jaga-jaga.

1 Thessaloniciendjé 5:23

May kar Luba gə nje gəl ɗɛgɛgɛ gə darɔ-ɛ ja unda-si gə losang-ɛ, may kar lo kunda rɔ lə-si tɔ̰y, gə njil-si, kəm gə darɔ le ꞌto gə lo-e mɔgɔgɔ kar tar uwa ne dɔ-je ndɔ ɗe gə lə Mbayɓe lə-si Jeju Kirisi ang!

2 Thessaloniciendjé 2:16

May kar ꞌne gə Mbayɓe lə-si Jeju Kirisi je gə Bɔ-sijee Luba gə njigi-si ɓa ula jingaw mə-si gə gə ndɔ gə ndɔ ngaɓa ar-si ne kunda mə gə gə may pɛdə ɗəw mənuji gə le,

2 Thessaloniciendjé 3:1

Ngan ko̰-mje, tar gə j-a pa tɔl ne t-ɛ ɗaa, ꞌdəjije Luba ɔji dɔ-si, mba kar tar lə Mbayɓe ta lo gə ngɔdə baa, ngaɓa d-ila riɓar dɔ-ɛ gə to gə d-ila ne riɓar dɔ-ɛ horo-sisəy gə be tɔ.

2 Thessaloniciendjé 3:16

May kar Mbayɓe ja gə nje gəl ɗɛgɛgɛ ar-si ɗɛgɛgɛ lə-a gə ndɔje kara-kara tɔ̰y, gə ɗəwje dang-dang. May kar Mbayɓe nay gə si tɔ̰y.

2 Timoce 2:22

Ar ɓo neɗa gə kṵra̰y gə dɔ basa̰ gə o̰ dɔ-i ang, ɗaa sangə go neɗa gə gadə-gadə, gə takagə, gə njigi, ngaɓa ar mə-i to ɗɛgɛgɛ gə dəwje tɔ̰y gə d-aw no ꞌɓar ne Mbayɓe gə mə gə arə ngadə.

Ebərəje 12:14

May kar-si ꞌsangəje go ɗɛgɛgɛ mba kar to horo-si gə gə dəwje tɔ̰y ngaɓa sangə rɔ godo nama dəw a ko kəm Mbayɓe ang.

Ebərəje 13:20

May kar Luba gə njekunda gəl ɗɛgɛgɛ, gə ar Mbayɓe le-si Jeju ndol horo nje gə d-uy, to ne njekuul badəmje gə boy, ɗəw gə lə məs-e gə riya ne kone gə to gə ɓal-ɓal,

Jacques 1:4

Ngaa, məndəər le may kar-ɛ ɗa kula gə may pɛdə mba kar ꞌtoje ne dana gadə gə ꞌmayje ɔrəje ne sṵra̰, ngaɓa gə mba kar ne kara kara lal-si ang nəm tɔ.

1 Piyɛr 3:11

May kar n-ɔsə ne gə kṵra̰y ngərəng ɗaa ne gə may ɓa n-ɗa, May kar n-sangə ɗɛgɛgɛ ngaɓa n-ndole go-e nəm;

1 Piyɛr 3:8

Ɗudu tar gə m-a pa ɓa nee: Ar-je kəji lə-si um go naa gə, umje mə-si naa gə, ꞌnjigije naa gə ngan ko̰ naaje ja, ꞌɗaje məmay gə naa, ulaje dɔ-si ngulum.

1 Piyɛr 5:10

Luba gə nje ɗa mayje dang-dang, gə ɓar-si ɗəw gə lə Kirisi, kar-si isije sə-a dan rɔnduba gə a to saar gə no le, logə oje ꞌməsərə kor-e əw ɓəəl nama, ye ja a təl gɔl rɔ-si, a kula jingaw mə-si gə, a kar-si singa, a kar ngira-si uwa nangə baa-baa.

Apocalypse 22:21

May kar mənuji lə Mbayɓe Jeju nay gə dəwje tɔ̰y!