2 Corinthiendjé 12:9 - Mbede Lə Luba Kone Gə Sigi

⁹ ngaa n-ila-m kəne na: Mənuji lə-m ja as-i mbagə, mba ɗəw tɔgə godo gə ja ɓa m-tɔji ne singamongə-m. Be ɓa tɔgə godo ja ɓa m-a kɔsə ne rɔ-m, mba kar singamongə Kirisi dəbə ne dɔ-m gə.

Testament ke Siki 1960 (Kabba Laka)

⁹ A nè mpa narem, Tokou mè madji lom ase mbata loi, mbata singa lom da ase mè né té ke mongou ang. Ma ma ndoi rom ke koukou wota mè né té ke ma mongou kendé ang, baa ta kare singa lo Christ ö dòm.

2 Corinthiendjé 12:9 ပူးပေါင်းရင်းမြစ်များ

Matiye 28:18

Jeju ɗəm gə rɔ-je gə pa ar-je na: M-inga singa ko̰ dɔ neje mə dara gə gə dɔ nangə nee tɔ̰y.

Matiye 28:20

ɗaa ndo-jeje ar-je ɗa neje tɔ̰y gə m-un ndu-m kəne m-ar-si le. Oje m-ga̰ gə si naa gə gə ndɔje tɔ̰y saar ndɔ gə nangə nee a kunda ne ngang-ɛ.

Lugu 21:15

Mba ꞌma ja m-a kar-si tar gə a paje gə kəm karə gə dəw kara horo nje kəm tarje gə lə-si a kasə mba cila ne kəm tar lə-si ose gə mba kar ne gədərə no-si gə ang.

1 Corinthiendjé 10:13

Nekərəje gə ce dɔ-si gə le to neje gə asə singa dəw ja; mba Luba gə gadə-gadə le a kḭya̰ ɗəw kar nekərə gə al dɔ singa-sisəy ce dɔ-si gə ang baa, ngaa logə nekərə ce nama n-a gɔl ɗəw gə kar ce ne t-ɛ gə, mba kar-sisəy uwaje ne gədərə.

1 Corinthiendjé 15:10

Ngaa gə go mənuji lə Luba ɓa m-to ne ne gə m-to ɓogəne, ngaɓa mənuji gə m-inga le to ne gə baa ang, m-ɗa kula m-unda-je tɔ̰y, gə go singa-m ꞌma ang ngaa gə go mənuji gə Luba ɓa nay sə-m.

1 Corinthiendjé 2:3

ꞌMa ja kara m-aw ɓə lə-si gə nje tɔgə godo, gə njeɓəəl ngaɓa gə njekisa ɗɛgə-ɗɛgə.

1 Corinthiendjé 2:5

Mba kar takagə lə-si ula ne ngira rɔ kəm karə gə lə dəwje baa ang ngaa ula ngira singamongə gə lə Luba.

2 Corinthiendjé 11:30

To gə ɓo kəm kɔsə rɔ nama tɔgə godo lə-m ja m-a kɔsə ne rɔ-m.

2 Corinthiendjé 12:1

Kəm kɔsə rɔ ja wa? Tɔgərɔ ja, may lə-a godo. Ngaa m-a pa tar neje gə m-o lokiya gə gə neje gə Mbayɓe kila gəl-e ar-m.

2 Corinthiendjé 12:10

Gəl-e gə nee ɓa rɔ-m lələ-m dɔ tɔgə godo gə, dɔ tajije gə, dɔ ndoo neje gə to-m gə, dɔ kula kəm ndoo gə, dɔ nekəmandooje gə gə ɔji dɔ Kirisi, mba logə tɔgə-m godo ja ɓa m-uba singa ɓi.

2 Corinthiendjé 12:15

Ɔji dɔ-m ꞌma ɗaa a to nerɔləl lə-m mba kar m-a tuji ne dɔ-si gə nəm ngaɓa darɔ ꞌma ja kara m-a nunga kadə mba təbə lə-si. To gə ɓo m-njigi-si al dɔ lo be le, sisəy a njigi-mje njɛ̰ baa ja wa?

2 Corinthiendjé 12:5

M-a kuwa dəw gə to gə be ɓa kɔsə ne rɔ-m, ngaa ɔji dɔ ꞌma nama, tɔgə godo lə-m ɓa m-a kɔsə ne rɔ-m.

Ephésiendjé 3:16

mba kar, gə go riɓar lə-a gə gad-e dum tura le, n-ar-sisəy singamongə ɗəw Njil gə lə-a, mba kar mə-si ərə ne ɓər-ɓər.

Philippiendjé 4:13

M-asə kar dan neje gə tɔ̰y ɗəw gə lə nje kar-m singa.

Colossiendjé 1:11

Mba kar ubaje ne singa gə go singamongə riɓar lə-a, kar uwaje ne gədərə ngaɓa ilaje ne mə-si dɔ mar-ɛ gə tɔ.

1 Timoce 1:14

Ngaa mənuji lə Mbayɓe lə-si gə ɔji dɔ-m le al dɔ-m, m-ta kag-e ngaɓa m-inga njigi ḭ rɔ Kirisi Jeju gə nəm tɔ.

Ebərəje 11:34

ꞌtɔl ne pər gə o̰ gigigi, ꞌce ne ta kiya bayi gə, d-uba ne nangə tuwa rɔko̰ gə d-ḭ taar, ꞌto nebaw ɗɔje d-ɔsə ne njeɗɔje gə ɗangə ngərəng.

Ebərəje 4:16

Be ɓa j-ulaje kudu-si gə kede gə ɓəəl ang, gə mbɔr ngəndəng mbay mənuji gə, mba kinga ne məmay, gə mənuji ngaɓa mba kar logə ne dum dɔ-si nama, n-la gə si kəne.