2 Corinthiendjé 12:6 - Mbede Lə Luba Kone Gə Sigi

⁶ To gə ɓo m-njigi kɔsə rɔ-m nama, a to gə kəsə tar ang, mba m-a pa tar gə tɔgərɔ; ngaa m-ɔgə rɔ-m dɔ-ɛ gə, na dəw a kḭ ko-m gə dəw to ɓəəl ya̰ unda ne gə o-m lo ɗ-ɛ gə, ose tar gə o ta-m gə.

Testament ke Siki 1960 (Kabba Laka)

⁶ A tokou mam ndiki ta ndoi rom, ma ma to tokou mbe ang, mbata ma ma pa tar ke tokoro. A ma mïya ta da ban, baa ta kare doou kada a kedji tar lom wota yéh nèn ke nè no mem té, aséh ke nè no tarn té ang.

2 Corinthiendjé 12:6 ပူးပေါင်းရင်းမြစ်များ

2 Corinthiendjé 11:16

M-təl m-pa ja cibi, may kar dəw kara ja o-m gə mbə ang; ɓo be ang nama, may kar ḭya̰je ɗəw ar-mje ndoo mbə ja tɔ mba kar ꞌma ja kara m-inga ɗəw m-ɔsə ne rɔ-m ɓəəl.

2 Corinthiendjé 12:11

M-pa tar to gə dəw gə təl mbə be, sisəy ja ɓa ɔsə-mje ila-mje kəne. Mba sisəy le ja ɓa a paje tar taje ne dɔ-m ang wa? M-to ne ang tɔgərɔ ja, ngaa ne kara ja gə njeka̰ykulaje gə d-o rɔ-je gə dəwje gə to ɓəəl ya̰ nee le nday-m ne godo.

2 Corinthiendjé 11:31

Luba gə to Bɔ Mbayɓe Jeju je ngaɓa ndu tɔr to k-ɛ gə ndɔ gə ndɔ le, gərə to gə m-pa tar gə negərə ang!

2 Corinthiendjé 12:7

Ngaa mba kar m-ɔsə rɔ-m ɔji dɔ neje gə may ya̰ gə ꞌkila gəl-e d-ar-m le ang ɗaa, d-ula rɔko̰ kara rɔ-m gə, gə ngon njekula lə ꞌSu mba kar tɔsə-m təbə taar-taar mba kar m-ɔsə nee rɔ-m ang.

2 Corinthiendjé 5:13

Be ɓa, to gə ɓo sijee ja to mbəje nama, ja to mbəje lə Luba, ose sijee ja to njekəm karəje nama, ja to njekəm karəje lə-sisəy.

2 Corinthiendjé 1:18

No Luba gə njeneɗa gə dana gadə le, tar gə sijee ja pa j-ar-si le to gə oyo ngaɓa ə̰ə̰ə̰ ang baa.

1 Corinthiendjé 3:5

Apolos ɓa to gə ɗi wa? Pɔl ɓa to gə ɗi wa? ꞌTo gə njekulaje gə ɗəw gə lə-je ɓa ꞌta-je ne kagə, gə go ɗəw gə Mbayɓe ar-je ne ne kara kara.

Romaindjé 9:1

M-pa tar gə tɔgərɔ mə Kirisi gə, m-ɗəgərə ang, Njil Njerɔsangə pa tar naj-ɛ mə kəji gə lə-m,

2 Corinthiendjé 7:14

Kɔsə gə m-ɔsə gaji rɔ-m ɓəəl no Titə gə ɔji dɔ-si, rɔ kul uwa-m ang. Ngaa to gə sijee ja pa ne tar gə tɔgərɔ j-ar-si gə ndɔje tɔ̰y le, ɓo j-ɔsə gaji rɔ-sijee no Titə gə nama, to tar gə tɔgərɔ ja,