2 Corinthiendjé 11:3 - Mbede Lə Luba Kone Gə Sigi

³ Be ja kara, ɗəw kara baa to gə li ərə ne Ɛbə gə gusu le, kar-m gədə-m gədə mba kar kəji lə-si turu buguju ngaɓa ɔsə-si ila-si əw gə lo kum naa gə lə-si, gə lo sangə rɔ gə lə-si mba Kirisi.

Testament ke Siki 1960 (Kabba Laka)

³ A bel dam mbata deo kadaba tokou li ere Eve ke gousou la, kedji losè tourou madjang aresè eoidjé ndiki ke tokoro mbata Christ.

2 Corinthiendjé 11:3 ပူးပေါင်းရင်းမြစ်များ

Matiye 24:24

Mba kirisije gə gə mbɔr-ɛ baa gə Pajambərəje gə gə mbɔr-ɛ baa d-a ɗe ɗa netɔjije gə to ɓəəl to ɓəəl, gə neje dang-dang gə kəm dəw o ndɔ kara ang, mba kar ɗəw to nama kərə ne dəwje gə Luba mbərə-je ja kara nəm.

Jean 8:44

Sisəy ꞌtoje gə nje kar bɔ-sijee ꞌSɛ̰ngərɛ̰, ɗaa ꞌnjigije mba ɗaje ne gə uwa mə bɔ-sijee. ꞌNe le, n-to nje tɔl dəwje kede ləw baa lo kuma kudu neje gə nu; ꞌne n-pa tar gə tɔgərɔ ang, mba tar gə tɔgərɔ godo ɓə lə-a. Logə n-pa tar gə ɗəgərə ɗaa, n-pa tar ɔji dɔ ne gə to k-ɛ ꞌne ja, mba n-to nje ɗəgərə ngaɓa n-to bɔ tar gə ɗəgərəje tɔ.

Romaindjé 12:8

Kar njendəji dəwje nama ore kəm-e kəne; ɓo nje kun ne kar dəwje nama un gə kɔsə rɔ ang; ɓo nje kun dɔ kulaje nama may kar rɔ-je ɔlɛ kəne pɛl-pɛl; kar nje ɗa məmay nama ɗa məmay gə rɔləl.

2 Corinthiendjé 1:12

Mba gəl ne gə sijee j-unda ne kar-si le, to gə tar naji gə mə kəji lə-si gə to nee: sijee ja nja pa nja gə horo dəwje gə dɔ nangə gə nee, ngaɓa horo-sisəy gə ja dɔ ngɔ, gə kɔsə rɔ ang, ngaɓa gə karə ngadə gə ḭ rɔ Luba gə; ɗaa mənuji lə Luba ɓa ɔr no-si ɓo kəm karə gə darɔ gə ang

2 Corinthiendjé 11:20

Mba ilaje gəl nje gə d-uwa si ɓərə gə, d-ula mbə dɔ-si gə, ꞌtuwa nemayje lə-si, d-o si gə ne ang, ꞌkunda kambɔr-si bangang-bangang!

2 Corinthiendjé 11:29

Na ɓa tɔg-ɛ godo ɓa tɔgə-m ꞌma godo sə-a ang wa? Na ɓa oso ɓa m-ɗunga rɔ-m kadə mb-ɛ ang wa?

2 Corinthiendjé 2:17

Mba sijee le ja to to gə nje gə kɛm bula gə d-un tar lə Luba gə nekinga ne lə-je baa ne ang; sijee ɗaa, tar gə tɔgərɔ gə ḭ rɔ Luba gə ɓa ja pa, j-ar ne no Luba gə mə Kirisi gə.

2 Corinthiendjé 4:2

Ngaa, neje tɔ̰y gə to lokiya gə ngaɓa to nerɔkul lə-sijee le, j-ɔsə ngərəng, sijee j-a tula pa nja-si naa gə ang ngaɓa ja buguru dɔ tar lə Luba ang tɔ. Ngaa, ja kila dɔ tar gə tɔgərɔ gə ɗaga, ja ɗa ne tar naji lə-sijee kar kəji lə dəwje to ne dɔ sijee gə ngadə no Luba gə.

Galatedjé 1:6

M-a pḭḭ, m-gərə ang, se ban cibi ɓa ꞌturuje rɔ-si pagəsa mba kḭya̰ go ye gə nje ɓar-si ɗəw mənuji gə lə Kirisi mba ta ne Tar gə May gə ɗangə wa?

Galatedjé 2:4

Be ɓa, mba ngan ko̰-sijee gə mbɔr-ɛ baa lom rɔ-je d-andə horo-si gə go ngə̰y, ꞌnga̰ dɔ to doy lə-si gə gəl Jeju Kirisi mba təl ne si gə ɓərəje.

Galatedjé 3:1

Əy! Sisəy dəwje gə dɔ nangə gə Galasi, ꞌtoje ɛbɛje! Ambala ɓa uwa-si wa? Sisəy gə d-ɔr gəl tar kuy lə Jeju Kirisi kagə dəsə arə ngadə d-ar-si.

Galatedjé 4:11

Njil-im ce mba kulaje tɔ̰y gə m-ɗa horo-si gə le təl to ne gə baa.

Ephésiendjé 4:14

Mba kar-sijee j-a to ne gə nganje gə kasə ang ngaa, mba nganje gə kasə le, ꞌpagəm ləngə-je ngaɓa ꞌbil-je aw gə je yo gə nee ɔji dɔ netɔjije ɓədə-ɓədə gə d-ula-je ne gore, d-ar-je ꞌndəm ɗəw nekərə gə, gə ɗəw kula ɗaje gə lə dəwje;

Ephésiendjé 4:22

may kar ɔrəje darɔ gə ləw gə to gə pa nja-si gə kede ləw ɗəw ɓo neje gə ərə si ar-si ꞌtuji-je ne rɔ-si pugudu,

Ephésiendjé 6:24

May kar mənuji nay gə dəwje tɔ̰y gə ꞌnjigi Mbayɓe lə-sijee Jeju Kirisi gə pa njigi gə unda nangə ang.

Colossiendjé 2:18

Ar-je dəw unda gusu gə njekula dɔ-ɛ ngulum ila ne tar dɔ-si gə ang ngaɓa lo polo anjije gə nj-ɛ a pa na n-o lokiya gə, n-ɗa gə ne kunda kar baa gə go tar kəjije lə-a gə ɗəw darɔ gə.

Colossiendjé 2:4

M-pa bənəng mba kar dəw ɗe ərə si gə tarje gə baa ang.

Colossiendjé 2:8

Oje gə maj-ɛ ɓa, mba kar dəw un kəm karə lə dəwje uba ne si gə kula ngaɓa gə tar kərəje gə baa gə go nejiɓe lə dəwje, gə go neje gə dɔ nangə nee baa ɓo gə go ɗəw lə Kirisi ang.

1 Thessaloniciendjé 3:5

Gəl-e gə nee ɓa ꞌma ja kara m-ore mə-m pḭḭ ɗaa m-ula Timoce mba kar aw tən-si dɔ takagə lə-si o, mba m-ɓəəl m-pa na kar nje kərə dəwje d-aw d-ərə si ngaɓa kar tuji ne kula gə sijee j-a ɗa le pugudu.

1 Timoce 1:3

To gə m-pa nee m-ar-i, isi mə ɓe gə Epɛs mba kɔgə dəwje gə kɛm ɗəw tɔji nendo gə ɗangə ang, to gə m-pa nee m-ar-i kede nam ɓa kar m-ɔdə m-aw ne dɔ nangə gə Masedowan le.

1 Timoce 2:14

Cibi, to Adam ɓa ꞌSu ər-e ang, ngaa jene ɓa oso dan nekərə gə ɗaa n-mbadə ne torondu Luba.

2 Timoce 3:13

Ngaa njeməngo̰yje gə njekunja liba kəm-je gə je le, ꞌSu a kərə-je ɗaa neɗaje gə kṵra̰y a kɔsə dɔ mar-ɛ gə kede-kede ngaɓa d-a kərə ne nje gə kɛm gə d-a kərə ne darɔ-je nəm tɔ.

Tite 1:10

Tɔgərɔ ja, dəwje bula ꞌto njekula dɔje-je ang, ꞌto nje pa tar gə baaje gə nje kərə dəwje horo Jiibije gə.

Ebərəje 13:9

May kar ḭya̰je ɗəw ar netɔjije dang-dang gə dəw gərə gəl-e ang baa ja turu dɔ-si ang. Mba may kar mənuji ɓa ula jingaw mə-si gə, ɓo nekusa le asə ɗa ne kara kar njekusa-je ang.

2 Piyɛr 3:17

Ngan ko̰-m gə m-njigi-si ya̰, sisəy le ɗaa, ꞌndəji-si nam, ɗaa ar-je dɔ gɔl-si gə, ar-je nje gərə Luba angje d-ḭ d-ərə-si d-ar ubaje kuwa gədərə lə-si ḭya̰je,

2 Piyɛr 3:3

May kar-si ꞌgərəje kede nam to gə, dɔ ɗudu ndɔ nama, njekogo dəwje d-a ɗe kunda-si kogo ne, ɗaa d-a nja gə go ɓo neje gə o̰ dɔ-je,

1 Jean 2:18

Ngan-m gə gɔgɔ, oje, j-isi dɔbo̰ ndɔ gə, to gə sisəy oje tar-ɛ na nje kəm tar lə Kirisi aw ɗe; ngaɓa ɓogəne ne kara nje kəm tarje lə Kirisi bula ꞌga̰ nee, gəl-e gə nee ɓa sijee ja gərə ne to gə dɔbo̰ ndɔ ɗe nam.

1 Jean 4:1

Ngan ko̰-mje gə m-njigi-si ya̰, ꞌtaje kagə njil tɔ̰y baa ang, ngaa ꞌnaje njilje oje se ꞌtoje kar Luba ja wa; mba pajambərəje gə gə mbɔr-ɛ bula ꞌɗe dɔ nangə nee.

Jude 1:4

Be ɓa, dəwje gə kɛm d-andə horo-si gə go ngə̰y baa, ꞌto dəwje gə ꞌpa tar gangə tar gə uwa dɔ-je ləw baa mə mbede gə. Dəwje gə kṵra̰y gə mbəl mənuji lə Luba lə-si ꞌta ne toro kaya, ngaɓa ꞌmbadə ꞌɓəə-sijee gə kara baa gə Mbayɓe Jeju Kirisi.

Apocalypse 12:15

Ɗaa li tomɛ man gə t-ɛ tɔlɔlɔ-tɔlɔlɔ uwa ne go jene, to gə man baa be mba kar man gə tomɛ le uwa-a aw sə-a.

Apocalypse 12:9

D-ɔs-ɛ d-ila-a dɔ nangə gə nee, da kɔb gə boy, gə to li gə kede ləw, ꞌne gə d-unda ri-a na ꞌSɛ̰ngərɛ̰ gə ꞌSu, ꞌne gə n-ɗa n-ar dəwje gə d-isi dɔ nangə tɔ̰y ꞌndəəm, d-ɔs-e d-ila-a nangə, ngaɓa anjije lə-a kara d-ɔsə-je d-umje sə-a tɔ.

Apocalypse 20:2

N-uwa da kɔb, li gə kede ləw gə to gə ꞌSu gə ꞌSɛ̰ngərɛ̰ le ɗaa, n-tɔ-ɛ kəm ɓal tɔl-tɔl dɔg lo kara.