2 Corinthiendjé 11:11 - Mbede Lə Luba Kone Gə Sigi

¹¹ Mba ɗi ɓa m-pa ne to gə be wa? Mba njigi gə m-njigi-si ang wa? Luba gərə to gə m-njigi-si ja!

Testament ke Siki 1960 (Kabba Laka)

¹¹ Mbata di wa? Mbata mam ndikisè ang wa? Allah geré ke mam ndikisè.

2 Corinthiendjé 11:11 ပူးပေါင်းရင်းမြစ်များ

Jean 21:17

N-pa n-ar-ɛ gə njekum gə gɔl munda na: Simo, ngon lə Ja̰, ꞌNjigi-m wa? Kəm Piyɛr ɗa ndoo mba pa gə Jeju pa ar-ɛ gə njekum gə gɔl munda na: ꞌNjigi-m wa? Ɗaa n-pa n-ar-ɛ na: Mbayɓe! ꞌI le, ꞌgərə ne tɔ̰y! ꞌI le, ꞌgərə som to gə, ꞌma le, m-njigi-i ja! Jeju pa ar-ɛ na: Uul badəmje lə-m.

Koula 15:8

Ngaɓa Luba gə to nje gərə mə dəwje le, tɔji gə ɗaga, ar-je Njil Njerɔsangə to to gə ar-sije tɔ.

Romaindjé 1:9

Luba gə m-aw m-pol-e mə njil gə tɔgərɔ ɗəw kila mbərə Tar gə May gə lə Ngon-e le, to njetar naji lə-m, to gə gə ndɔ-ndɔ ja,

2 Corinthiendjé 11:10

Gə go ɗəw gə lə tar gə tɔgərɔ lə Kirisi gə to mə-m gə le ɗaa, m-pa gə ndu gə boy wəəl to gə mə dəbə ɓeko̰ gə Akayi tɔ̰y ja, dəw gə a kɔgə-m lo kɔsə rɔ lə-m nee le godo.

2 Corinthiendjé 11:31

Luba gə to Bɔ Mbayɓe Jeju je ngaɓa ndu tɔr to k-ɛ gə ndɔ gə ndɔ le, gərə to gə m-pa tar gə negərə ang!

2 Corinthiendjé 12:15

Ɔji dɔ-m ꞌma ɗaa a to nerɔləl lə-m mba kar m-a tuji ne dɔ-si gə nəm ngaɓa darɔ ꞌma ja kara m-a nunga kadə mba təbə lə-si. To gə ɓo m-njigi-si al dɔ lo be le, sisəy a njigi-mje njɛ̰ baa ja wa?

2 Corinthiendjé 2:17

Mba sijee le ja to to gə nje gə kɛm bula gə d-un tar lə Luba gə nekinga ne lə-je baa ne ang; sijee ɗaa, tar gə tɔgərɔ gə ḭ rɔ Luba gə ɓa ja pa, j-ar ne no Luba gə mə Kirisi gə.

2 Corinthiendjé 7:3

M-pa tar gə nee le mba kila ne tar dɔ-si gə ang, mba m-pa kede nam to gə j-uy ose j-aw ne kəm baa kara mə-sijee a kuy dɔ sisəy ndɔ kara ang.

Ebərəje 4:13

Ɓa nekunda kara gə iya rɔ-ɛ ta kəm-e gə godo: Dəw gə ja tura go ne no-ɛ gə le, ne tɔ̰y ja to gadəmagay gə ngaɓa to təgəsə ta kəm-e gə.

Apocalypse 2:23

Ngan-ɛ le, m-a kar-je d-uy, ɗaa mbo̰ naa lə njetakagəje tɔ̰y d-a gərə to gə ꞌma m-to gə dəw gə nje gərə mə dəwje gə dɔ ɓəngərə-je, ɗa m-a kuga dɔ ji si, na-na nama ɔji dɔ kula ɗ-ɛje.