2 Corinthiendjé 10:8 - Mbede Lə Luba Kone Gə Sigi

⁸ Ngaɓa, le m-unda kar-m ya̰ ɓəəl ɔji dɔ singa gə Mbayɓe ar-sijee kar j-ula ne jingaw mə-sisəy kara rɔ kul uwa-m ang, singa gə n-ar-sijee mba kar mbo̰ naa lə-sisəy aw ne gə kede ɓo mba tuji ne sisəy ang.

Testament ke Siki 1960 (Kabba Laka)

⁸ Tokou ma mpiti ròm ngadji wota mbata ta ke Mbaibé Seigneur aredjè ta ngengsè, bo ta toudjousè ang, ma ma kinga ròkoul kendé ang.

2 Corinthiendjé 10:8 ပူးပေါင်းရင်းမြစ်များ

2 Corinthiendjé 1:24

To kisi ɓa j-isi gina-si gə ɔji dɔ takagə lə-si ang, ngaa sijee ja njigi kore gə sisəy naa gə dɔ rɔləl gə lə-si mba uwaje takagə lə-si gədərə.

2 Corinthiendjé 10:4

Mba ne ɗɔje gə j-aw ɗɔ ne le, ngira-a ḭ darɔ gə ang, ngaa to neɗɔje gə singamong-e ḭ rɔ Luba gə mba tuji ne tɔ̰y gə ila sə-a karəw, sijee ja tuji kəji tarje gə baa pugudu.

2 Corinthiendjé 10:9

M-njigi mba kunda rɔ dəw gə ɗa mbedeje gə mba kula ne ɓəəl mə-sisəy gə ang,

2 Corinthiendjé 12:19

Ləw baa ja le, sisəy əjije to gə j-aw sangə mba to gadə-gadə no sisəy gə. Sisəy gə ja njigi-si ya̰ le, sijee le ja pa tar no Luba gə, gə no Kirisi gə mba kar takagə lə-sisəy mongə ne.

2 Corinthiendjé 12:6

To gə ɓo m-njigi kɔsə rɔ-m nama, a to gə kəsə tar ang, mba m-a pa tar gə tɔgərɔ; ngaa m-ɔgə rɔ-m dɔ-ɛ gə, na dəw a kḭ ko-m gə dəw to ɓəəl ya̰ unda ne gə o-m lo ɗ-ɛ gə, ose tar gə o ta-m gə.

2 Corinthiendjé 13:10

Gəl-e gə nee ɓa, m-godo ɓi ja m-ɗa mbede nee le mba kar logə m-a ce nama, m-ɗa m-ar kədərə ang, gə go singa gə Mbayɓe ar-m ɓa tɔji-si ne kar-si awje ne kəm-si gə kede ɓo mba tuji-si ne ang.

2 Corinthiendjé 13:8

Mba ne kara gə ja kasə ɗa gə tar gə tɔgərɔ godo; ngaa kula ja baa ja ɗa mba tar gə tɔgərɔ.

2 Corinthiendjé 7:14

Kɔsə gə m-ɔsə gaji rɔ-m ɓəəl no Titə gə ɔji dɔ-si, rɔ kul uwa-m ang. Ngaa to gə sijee ja pa ne tar gə tɔgərɔ j-ar-si gə ndɔje tɔ̰y le, ɓo j-ɔsə gaji rɔ-sijee no Titə gə nama, to tar gə tɔgərɔ ja,

2 Corinthiendjé 7:4

M-ḭya̰ mə-m yag m-ar-si, rɔ-m ndɔɔ ya̰ dɔ si gə, mə-m oso nangə pɔ̰, rɔləl ɗusu mə-m dan ꞌməsərəje gə j-o gə.

Galatedjé 1:1

ꞌMa, Pɔl, m-ɗa mbede nee, m-ar-sisəy njetakagəje gə mə Mbo̰ naaje lə njetakagə gə dɔ nangə gə Galat. M-to njeka̰ykula lə Jeju Kirisi gə dəwje ɓa ula-m ang nəm ngaɓa dəw ɓa ɔr-m ang nəm tɔ. Ngaa Jeju Kirisi je gə Luba gə Bɔ gə to nje ndol Kirisi horo nje gə d-uy ɓa d-ula-m.

2 Timoce 1:12

Ngaɓa gəl-e gə nee ja tɔ ɓa m-o ne ꞌməsərə ngaa rɔ kul uwa-m ang, mba m-ta kagə Kirisi Jeju. Ngaɓa m-gərə gə maj-ɛ to gə n-asə ngom ne gə n-um ji-m gə le saar ndɔ gə n-a təl ne.