2 Corinthiendjé 10:5 - Mbede Lə Luba Kone Gə Sigi

⁵ Ngaɓa kəji tarje gə baa gə d-unda ne karje dɔ gərə Luba gə le, ja tuji pugudu, ngaɓa ja dum dɔ kəji lə-je mba kar d-ila ne kɔji dɔ Kirisi gə.

Testament ke Siki 1960 (Kabba Laka)

⁵ Djèdjè djake né ke to nadji ang, ke né toï ke sïri ke ï mbeté kemkarè lo Allah, ke djèdjè ntél ke kedji toï to bere ko tar lo Christ.

2 Corinthiendjé 10:5 ပူးပေါင်းရင်းမြစ်များ

Matiye 15:19

Mba mə dəw ja ɓa kəjije gə kṵra̰y, tɔl dəw, ɓogo lo to, kaya, ɓogo, gangə tar kunda ta dəw gə, taji Luba ḭ kəne.

Lugu 1:51

N-un ji kɔl-ɛ gə taar; N-ja̰rɛ̰ ne dəwje gə d-aw gə kəji kəsə tar mə-je gə.

Romaindjé 1:21

Mba ꞌgərə Luba ja, ngaa d-ula rɔnduba dɔ-ɛ ang nəm, d-ula rɔnduba ose d-ar-ɛ oyo gə Luba ang nəm, ngaa ꞌto neje gə baa ja go kəji kɔr kəm ne lə-je ngaɓa mə-je gə lal negərə le, ar-je d-uru ne dan cil ciməri gə.

Romaindjé 1:5

ɗəw gə lə-a ɓa j-inga ne mənuji ja to ne njeka̰ykulaje mba kar mbɔr dɔ ri-a ɗaa, j-a təl ne gəl dəwje tɔ̰y kar d-ila ne kɔji gə go takagə,

Romaindjé 16:26

ngaa ɓisine kila rɔ-ɛ gə ɗaga gə go mbedeje gə pajambərəje ꞌɗa, gə go ndu Luba gə nje kisi saar-saar gə no le, ꞌkila d-ar gəl kujije tɔ̰y ꞌgərə mba kar d-ila ne kɔji gə go takagə,

Romaindjé 7:23

ngaa mə bar kəm rɔ-mje gə ɗaa torondu gə ɗangə ɓa m-o kəne, ɗa ɗɔ gə torondu kəji negərə lə-m ngaɓa uwa-m gə ɓərə lə torondu kar neɗa gə kṵra̰y gə to mə bar kəm rɔ-mje gə.

1 Corinthiendjé 1:19

Mba ꞌɗa mbede gə na: M-a tɔji kəm karə lə njekəm karəje pugudu, Ngaɓa m-a tɔji negərə lə njenegərəje pugudu.

1 Corinthiendjé 3:19

Mba kəm karə gə dɔ nangə nee le to ne mbə kəm Luba gə. ꞌƊa mə mbede gə tɔ, na: N-uwa njekəm karəje dɔ gusu gə lə-je

2 Corinthiendjé 11:20

Mba ilaje gəl nje gə d-uwa si ɓərə gə, d-ula mbə dɔ-si gə, ꞌtuwa nemayje lə-si, d-o si gə ne ang, ꞌkunda kambɔr-si bangang-bangang!

2 Corinthiendjé 9:13

Logə dəwje d-o singa kula gə ꞌɗaje nee ɗaa, d-ila ne riɓar dɔ Luba gə ɔji dɔ kila kuji lə-si dɔ Tar gə May gə lə Kirisi gə ta-je, ngaɓa ɔji dɔ nenuji kar mə kara gə ꞌɗaje gə je, ngaɓa gə dəwje tɔ̰y.

Philippiendjé 4:7

Be ɓa ɗɛgɛgɛ lə Luba gə nday kəjije tɔ̰y le, a ngom mə-si gə kəjije lə-si dɔ Kirisi Jeju gə.

2 Thessaloniciendjé 2:4

ꞌNe gə n-to nje kəm tar n-un rɔ-ɛ n-unda dɔ neje tɔ̰y gə ꞌɓar-ɛ Luba ose ne gə d-a polo ngaɓa n-aw saar n-isi mə kəy gə lə Luba, ngaɓa n-ɗa rɔ-ɛ to gə ꞌne ja to Luba be.

2 Thessaloniciendjé 2:8

Be ɓa, njeneɗa gə dɔ buguru a kila rɔ-ɛ gə ɗaga ɗaa Mbayɓe Jeju a tɔl-ɛ gə kundu t-ɛ, n-a tuj-e pugudu gə singamongə ndɔ təl gə lə-a.

Ebərəje 4:12

Mba tar lə Luba le to kəm baa ngaɓa mii, adə unda kiya bayi gə t-ɛ ɓe joo gə adə pəm-pəm; n-andə mə kəm gə kɔrɔgə, n-andə mə njil gə kɔrɔgə, n-asə gangə lokurugo̰je gə kandə dan ubu gə mə singa gə; n-təgə ɓo neje gə tar kəjije gə to mə dəw gə n-um ɗaga.

Ebərəje 5:9

Logə n-tɔl ta kula lə-a bɛm ɗaa, n-təl n-to ɗəw kaji gə gə ndɔ gə ndɔ lə dəwje tɔ̰y gə d-a kila kuji dɔ-ɛ gə.

1 Piyɛr 1:2

Luba mbərə-si kede nam, ɗəw gə Njil unda-si ne gə losang-ɛ mba kar ila-je ne kuji dɔ Jeju Kirisi gə ɓo kar ꞌtusu ne məs-e dɔ-si gə, ɗaa may kar mənuji gə ɗɛgɛgɛ ɔsə kudu naa ngug-ngug dɔ-si gə.

1 Piyɛr 1:22

Mba ꞌtogoje mə-si ɗəw kila kuji dɔ tar gə tɔgərɔ gə, ɓa mba kar ꞌnjigije naa gə maj-ɛ gə ngan ko̰ naaje le ɗaa, may kar uwaje ji njigi naa lə-si nee le kɛgə, gə mə gə arə ngadə,