2 Corinthiendjé 10:1 - Mbede Lə Luba Kone Gə Sigi

¹ ꞌMa Pɔl gə dɔ-m ja, gə dəwje pa tar ɔji dɔ-m na lo gə m-ga̰ gə si naa gə ɗaa, m-ula dɔ-m ngulum, a ɓo m-isi əw nama m-ɗa singa dɔ-si gə le, m-ndəji-si ɗəw kaw yururu gə gə ɗəw məmay gə lə Kirisi,

Testament ke Siki 1960 (Kabba Laka)

¹ Ma Paul ndja, ndoudjousè nya ke mè woul mboï ke mè madji lo Christ, ma ke ndoi ròm ang tokou méh horosè té, a tokou ma méh deo ndeo, ma méh ke bel mbata losè ang.

2 Corinthiendjé 10:1 ပူးပေါင်းရင်းမြစ်များ

Matiye 11:29

ꞌTaje jugu lə-m ɓo ar-mje tɔji-si ne mba m-to nje məmay gə kula dɔ to mə-m gə, ngaɓa a kingaje lo kuwa kɔr lə kəm lə-si.

Matiye 21:5

Paje ar-je dəw mə ɓeje gə Siyo̰: A o Mbay lə-i ɗe gə rɔ-i gə, To dəw gə aw yururu ngaɓa al ko̰ kororo Dɔ ngon da gə ko̰-je to da nee kodo.

Koula 8:32

Tar gə mə mbede gə n-tura le ɓa nee: D-aw sə-a to to gə badəm gə d-aw sə-a gə lo tɔl daje gə be; Ngaɓa to to gə ngon badəm gə ar t-ɛ munduru no njekunja bḭ-e gə be, N-pa tar ang.

Romaindjé 10:20

Ngaɓa Ejay ɔsə kud-e nangə ngug ja aw saar pa na: Nje gə ꞌndole-m ang ja baa d-inga-m, Nje gə d-ila nduje nangə ꞌɓar-m ne ang ja baa m-kila rɔ-m gə ɗaga m-ar-je.

Romaindjé 12:1

Be ɓa, ngan ko̰-mje, m-ndəji-si gə go məmayje lə Luba, mba kar unje darɔ-si ja arje Luba gə nepolo gə aw kəm baa, gə to gə losang-ɛ, ngaɓa ta kəm Luba, ye ɓa gə polo gə gə dɔ gɔl-ɛ.

Romaindjé 15:15

Be ja kara m-ɗa mbede m-pa ne gə si mə loje gə kɛm gə ndum gə mongə ɓəəl, ɗəw kara baa to gə m-ole ne mə-si, mba nuji gə Luba uwa sə-m,

1 Corinthiendjé 2:3

ꞌMa ja kara m-aw ɓə lə-si gə nje tɔgə godo, gə njeɓəəl ngaɓa gə njekisa ɗɛgə-ɗɛgə.

1 Corinthiendjé 4:10

J-a to mbəje mba Kirisi, ngaa sisəy ɗaa ꞌtoje kəm karəje gə mə Kirisi gə, sijee j-a to nje tɔgə godoje ngaa sisəy ꞌtoje njesingaje. Sisəy ꞌɗɔy-si ngaa sijee ꞌdabə-si dasəra!

1 Corinthiendjé 4:21

Ɗi ɓa ꞌnjigije wa? ꞌNjigije kar m-aw gə guru ɓa ji-m gə, ose gə njigi gə kəji gə kul yururu wa?

2 Corinthiendjé 10:10

mba ꞌpa na: mbedeje lə Pɔl to ɓəəl ngaɓa uba singa, ngaa logə n-ga̰ horo-si gə ɗaa, n-unda ndɔlɛ ngaɓa tar pa lə-a to ne ang.

2 Corinthiendjé 10:2

m-ɗa-si kɔgərɔ, mba kar logə m-ce ɓə lə-si nama, ar-mje m-pa tar gə si gə singa ang, mba m-njigi pa tar gə kədərə gə ɓəəl ang gə nje gə d-əji na tar ne gə darɔ gə ɓa j-aw nja ne.

2 Corinthiendjé 10:7

May kar-si ɔr-je kəm neje gə maj-ɛ! To gə ɓo dəw ja gərə gə darɔ-ɛ to gə ꞌne n-to kar Kirisi nama, may kar gərə ne gə to nee: To gə ɓo n-to nje kar Kirisi nama sijee kara ja to nje kar Kirisije ja tɔ.

2 Corinthiendjé 11:21

M-pa gə rɔ kul, to to gə sijee j-a tɔji tɔgə godo lə-sijee ja. Ne tɔ̰y gə dəw asə ɗa le, m-pa gə tar mbə, ꞌma kara m-asə ɗa ja tɔ!

2 Corinthiendjé 11:30

To gə ɓo kəm kɔsə rɔ nama tɔgə godo lə-m ja m-a kɔsə ne rɔ-m.

2 Corinthiendjé 12:5

M-a kuwa dəw gə to gə be ɓa kɔsə ne rɔ-m, ngaa ɔji dɔ ꞌma nama, tɔgə godo lə-m ɓa m-a kɔsə ne rɔ-m.

2 Corinthiendjé 3:12

Be ɓa, sijee j-inga ne kunda mə gə gar-ɛ godo ɗaa ja ɓəəl ang.

2 Corinthiendjé 5:20

Be ɓa, sijee le ja to dəwje gə nje pa tarje ta ne toro Kirisi, ɗəw lə-sijee ɓa Luba ɓar-si ne. Gə ri Kirisi, j-oso kul no-si gə: Umje naa gə gə Luba.

2 Corinthiendjé 6:1

Mba sijee ja ɗa kula naa gə kara baa gə Luba, ja ndəji-si mba mənuji lə Luba gə ingaje le, kar oje gə ne gə baa ang.

2 Corinthiendjé 7:4

M-ḭya̰ mə-m yag m-ar-si, rɔ-m ndɔɔ ya̰ dɔ si gə, mə-m oso nangə pɔ̰, rɔləl ɗusu mə-m dan ꞌməsərəje gə j-o gə.

Galatedjé 4:13

ꞌGərəje gə maj-ɛ to gə mbɔr dɔ rɔ-m gə to-m ɓa m-ila mbərə Tar gə May m-ar-si dɔngɔr.

Galatedjé 5:2

Oje! ꞌMa Pɔl, m-pa m-ar-si: To gə ɓo ar-je d-unja bərə-si nama Kirisi a to ne kara mba tar lə-si ang.

Ephésiendjé 3:1

Gəl-e gə nee ɓa, ꞌma Pɔl gə m-to kəy kula gə ɔji dɔ Kirisi Jeju mba sisəy gə ꞌtoje gə Jiibije ang le.

Ephésiendjé 4:1

M-ndəji-si, ꞌma gə m-to kəy kula gə mba to gə m-to ngon njekula lə Mbayɓe le, mba kar-si ꞌnjaje pa nja gə dana gadə gə go njigi gə ꞌnjigije ta ɓar gə ꞌɓar-si gə,

Philippiendjé 4:5

May kar dəwje tɔ̰y ꞌgərə kila mə dɔ mar-ɛ gə lə-si. Mbayɓe nay dəb baa.

Colossiendjé 1:23

Ne kara baa le ɗaa, may kar ar-je dɔ takagə gə, ꞌɓərəje ngira-si kəne, gə ar-je njang, awje əw gə kunda mə gə Tar gə May pa tar-ɛ ar-si le ang. Tar gə May gə ꞌpa d-ar nekundaje tɔ̰y gəl dara gə, ngaɓa ꞌma Pɔl m-təl m-to nje kul-ɛ tɔ.

2 Thessaloniciendjé 3:17

ꞌMa Pɔl ja m-un ji-m m-o-si ne. Ye gə nee to ndaji ji-m gə to mə mbedeje gə tɔ̰y. Ɗaa ꞌma ja m-ɗa mbede le.

Pilimo 1:19

ꞌMa Pɔl ja m-ɗa mbede nee gə ji-m mba pa nee kar-i to gə ꞌma ja m-a kunga-i, ꞌma ɗaa m-njigi mba kole mə-i dɔ ɓangə gə lə-m gə to dɔ-i gə le ang, mba to darɔ-i ja.

Pilimo 1:9

m-njigi koso kul no-i gə ri njigi, m-dəji ne kara. ꞌMa Pɔl, gə m-tɔgə ngaɓa mə kar gə ne ɗaa m-to kəy kula gə lə Kirisi Jeju,

1 Piyɛr 2:11

Ngan ko̰-m gə m-njigi-si ya̰, may kar-si ꞌgərəje to gə ꞌtoje nje kaw taarje ngaɓa gə mbaje dɔ nangə nee, ɗaa aje rɔ-si dɔ ɓo neje gə darɔ gə, gə d-aw ɗɔ gə si le.

Apocalypse 1:9

ꞌMa Ja̰, ngon ko̰-si gə ɗəw takagə Kirisi gə, gə nje baa neməko̰ lə-si, ngaɓa nje baa ɓe lə-si gə mə ɓeko̰ gə lə Luba, ɓa gə njeba kuwa rɔ gədərə lə-si mba Kirisi gə d-um ubu dɔ-ɛ gə nəm. D-ila-m dɔ ngon gore gə gə ꞌɓar-ɛ Patəmos, mba mbərə tar lə Luba, ngaɓa gə mba tar naji lə Jeju tɔ.