2 Corinthiendjé 1:22 - Mbede Lə Luba Kone Gə Sigi

²² N-ɔsə bəngə ji-a rɔ-si gə ngaɓa n-ar Njil ta mə-sijee to gə nemayje gə d-ɔsə kɔrə mba sijee.

Testament ke Siki 1960 (Kabba Laka)

²² Nè ndadjè mè né rëté té la, ke nè naredjè Ndil la mèdjè té to né kare touna né.

2 Corinthiendjé 1:22 ပူးပေါင်းရင်းမြစ်များ

Jean 3:33

Dəw gə njigi go tar naji gə lə-a le, pa ar-ɛ arə ngadə to gə Luba to tar gə tɔgərɔ ja,

Jean 6:27

Ulaje rɔ-si ndubu mba nekusa gə a kunda nangə mbadagə ang, ngaa mba nekusa gə kar kisi gə təbə gə a to gə no, ye gə Ngon lə dəw a kar-si, mba ꞌne ɓa bəngə ji Bɔ dəwje Luba to rɔ-ɛ gə.

Romaindjé 4:11

Be ɓa d-ar-ɛ ndaji kunja bərə le gə bəngə ji gadə-gadə lə-a ɗəw takagə gə, ɗaa go-e gə ngaɓa d-unja bər-e ɓi. To gə be ɓa n-təl to ne bɔ ꞌjejee tɔ̰y gə ꞌta kagə, ngaɓa d-unja bərə-je ang ja ngaa ꞌtura-je gə dəwje gə gadə-gadə,

Romaindjé 8:23

To gə dɔ nangə nee gə kar-ɛ baa ang, ngaa sijee gə j-inga Njil gə dɔngɔr nekarə baa le, sijee ja kara j-a suum mə-si gə kəy, j-a ngina ne dɔ ndɔ gə Luba a kila ne si gə ɗaga gə ngan-ɛ ngaɓa kar darɔ-sijee inga ne dɔ to doy.

Romaindjé 8:9

Sisəy le ɗaa, darɔ o̰ dɔ-si ang, nga Njil ngaɓa o̰ dɔ-si, to gə ɓo tɔgərɔ ja Njil Luba isi mə-si gə. To gə ɓo dəw gə Njil Kirisi godo m-e gə nama to nje kar Kirisi ang baa.

2 Corinthiendjé 5:5

Nje gɔl təbə nee le kar-sijee to Luba. N-ar-sijee Njil gə ne gə d-ɔsə kɔrə.

Ephésiendjé 4:30

May kar-si ꞌtuji-je mə Njil Njerɔsangə lə Luba ang, gə ɗəw lə-a ɓa bəngə ji to ne rɔ-si gə ɔji ne dɔ ndɔ ce ɓe ɓərə gə lə neɗa gə kṵra̰y.

1 Thessaloniciendjé 4:8

Be ɓa dəw gə mbadə nduje gə nee le, to gə dəw ɓa nj-ɛ mbadə tar t-ɛ gə ang ngaa Luba gə nje kar-si Njil Njerɔsangə ɓa nj-ɛ mbad-e.

2 Timoce 2:19

Tar gə tɔgərɔ gə Luba ja ula ngira nangə: Mbayɓe gərə dəwje tɔ̰y gə to njeka-ɛje, ngaɓa ɓo na-na ja ɓa pa na n-to nje kar Luba nama a kɔsə neɗa gə dɔ buguru rəw ɓa.

Apocalypse 2:17

Dəw gə mbi-a ga̰ nama may kar-ɛ o ne tar gə Njil pa ar mbo̰ naaje lə njetakagəje. Dəw gə cɛdə ɗɔ nama m-a kar-ɛ muru misi gə to nekusa gə ḭ dara gə to lo kiya gə, m-a kar-ɛ kɔr ər gə nda; ɗaa kɔr ər gə nee le, ꞌɗa ri gə sigi kəne kara, gə dəw kara kara gərə ang, ngaa nj-ɛ gə ta ja baa ɓa.

Apocalypse 7:3

n-pa na: Əw-je rɔ-si mba ɗa məyɛr dɔ nangə, babo, ose kagəje, saar gə mba kar-si j-ɔsə bəngə ji ɓida no njekulaje gə lə Luba kede nam ɓa.

Apocalypse 9:4

ꞌPa d-ar-je gə mba kar ꞌɗa məyɛr kara be gə mu gə dɔ nangə gə ang nəm, gə kagə kara be ang nəm, ngaa gə dəwje gə bəngə ji Luba to ngo no-je gə ang ja baa.