2 Corinthiendjé 1:18 - Mbede Lə Luba Kone Gə Sigi

¹⁸ No Luba gə njeneɗa gə dana gadə le, tar gə sijee ja pa j-ar-si le to gə oyo ngaɓa ə̰ə̰ə̰ ang baa.

Testament ke Siki 1960 (Kabba Laka)

¹⁸ Deo kadaba tokou Allah to ndjè mè ndaa kaï, tar lodjè kesè to to aä ke eë ang.

2 Corinthiendjé 1:18 ပူးပေါင်းရင်းမြစ်များ

Jean 7:28

Be ɓa, Jeju gə aw ndo ne mə kəy gə lə Luba le, ila ndu-e nangə ɓolong pa na: ꞌGərə-mje ngaɓa ꞌgərəje lo m-ḭ kəne! Ngaa ꞌma ɓa m-ɗe gə dɔ rɔ-m ang. Njekula-m le to dəw gə dana gadə, ꞌne gə sisəy ꞌgər-eje ang le.

Jean 8:26

Tarje to ya̰ ɔji dɔ si mba kar-m m-pa nəm, gə mba kar-m m-ila kagə dɔ-ɛ gə nəm tɔ; ngaa ye gə ula-m le, to dəw gə dana gadə, ɗaa, ꞌma le, tar gə m-o t-ɛ gə le ja ɓa m-pa m-ar dəwje gə dɔ nangə gə ɓi.

1 Corinthiendjé 1:9

Luba gə ɓar-sisəy um-si naa gə gə ngon-e Jeju Kirisi Mbayɓe lə-sijee le, to Luba gə gadə-gadə.

2 Corinthiendjé 1:23

ꞌMa ɗaa, m-ɓar Luba gə njetar naji lə-m m-uwa ne naji dɔ-m gə. M-təl m-aw Kɔrɛnt gə ang mba m-njigi jɔgə si ang.

2 Corinthiendjé 11:31

Luba gə to Bɔ Mbayɓe Jeju je ngaɓa ndu tɔr to k-ɛ gə ndɔ gə ndɔ le, gərə to gə m-pa tar gə negərə ang!

2 Corinthiendjé 2:17

Mba sijee le ja to to gə nje gə kɛm bula gə d-un tar lə Luba gə nekinga ne lə-je baa ne ang; sijee ɗaa, tar gə tɔgərɔ gə ḭ rɔ Luba gə ɓa ja pa, j-ar ne no Luba gə mə Kirisi gə.

2 Corinthiendjé 6:8

dan riɓar gə gə rɔ kul gə, ꞌpa tarje gə kṵra̰y gə yə je gə may dɔ-si gə, ja pa tar gə tɔgərɔ ja ngaa d-o si gə njetar gə ɗəgərəje.

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.

Apocalypse 3:14

Ɗa mbede ar anji lə Mbo̰ naa lə njetakagəje gə Lawdise: Be ɓa n-ne gə Oyo, njetar naji gə njetakagə gə tɔgərɔ, Ngira nekundaje lə Luba pa na:

Apocalypse 3:7

ꞌƊa mbede ar anji lə mbo̰ naa lə njetakagəje gə Piladɛləpi ꞌpa na: A o, tar gə njerɔsangə, dəw gə gadə-gadə, Gə uwa ngon lakɛrɛ lə Dabidi ji-a gə, Gə ɔr ta ɗəw nama dəw a kudu ang, Gə udu ta ɗəw nama dəw kɔr ang pa le ɓa nee.