2 Corinthiendjé 1:13 - Mbede Lə Luba Kone Gə Sigi

¹³ Mba ja ɗa ne gə ɗangə mə mbedeje gə j-ar-si, j-unda mbo kar ye gə sisəy ꞌturaje ose ꞌgərəje le ang. Ngaɓa m-unda mə-m to gə saar lo tɔl t-ɛ gə nama, a gərəje gəl-e ngadə ja ɓi,

Testament ke Siki 1960 (Kabba Laka)

¹³ Mbata djèdjè nda mare tar dang maketourou té djaresè ang, sè yéh ke sésè etouraidjé ke egeridjé, mam ndikisè ta geré nderèng gelè toï.

2 Corinthiendjé 1:13 ပူးပေါင်းရင်းမြစ်များ

Koula 27:39

Logə lo arə ɗaa ꞌgərə lo le ang ngaa d-o dɔ dam lo gə ꞌnangəra̰ kəne dan man gə ɗaa pa na ɗəw to nama kar d-ɔsə to le d-aw ꞌda kəne.

1 Corinthiendjé 1:8

ꞌNe ja n-a kar-si singa saar ce ne ɗud-e gə mba kar tar uwa ne dɔ-si ang dɔ ndɔ gə lə Mbayɓe lə-sijee Jeju Kirisi.

2 Corinthiendjé 13:6

Kar-sijee le ɗaa, ja njigi tɔji kar-si a gərəje to gə sijee le j-asə mbagə ja.

2 Corinthiendjé 4:2

Ngaa, neje tɔ̰y gə to lokiya gə ngaɓa to nerɔkul lə-sijee le, j-ɔsə ngərəng, sijee j-a tula pa nja-si naa gə ang ngaɓa ja buguru dɔ tar lə Luba ang tɔ. Ngaa, ja kila dɔ tar gə tɔgərɔ gə ɗaga, ja ɗa ne tar naji lə-sijee kar kəji lə dəwje to ne dɔ sijee gə ngadə no Luba gə.

2 Corinthiendjé 5:11

Gəl-e gə nee ɓa, sijee ja gərə ɗəw kila kuji dɔ Mbayɓe gə ɗaa, ja sangə mba kar dəwje d-aw ne go tar gə tɔgərɔ lə-a. Luba gərə gəl-si gə maj-ɛ, m-unda mə-m to gə sisəy kara ꞌgərəje sijee mə kəji gə lə-si tɔ.

Pilimo 1:6

May kar takagə lə-i gə j-a ɗa mə kara kəne le ɓar mii ɗəw gərə ne tɔy gə may ɔji dɔ sijee mba Kirisi.