2 Corinthiendjé 1:12 - Mbede Lə Luba Kone Gə Sigi

¹² Mba gəl ne gə sijee j-unda ne kar-si le, to gə tar naji gə mə kəji lə-si gə to nee: sijee ja nja pa nja gə horo dəwje gə dɔ nangə gə nee, ngaɓa horo-sisəy gə ja dɔ ngɔ, gə kɔsə rɔ ang, ngaɓa gə karə ngadə gə ḭ rɔ Luba gə; ɗaa mənuji lə Luba ɓa ɔr no-si ɓo kəm karə gə darɔ gə ang

Testament ke Siki 1960 (Kabba Laka)

¹² Mbata ndoi ròdjè to tokou ban, to tar nadji lo kedj né geré lodjè ke djèdjè ndja madji nange nèn, wota mbata ke kemsè té, ndja ke madji toï ke mè ke tokoro kem Allah té, deo kemkarè té ke nange nèn ang, a deo tokou mè madji té lo Allah.

2 Corinthiendjé 1:12 ပူးပေါင်းရင်းမြစ်များ

Koula 23:1

Kəm Pɔl to gə dɔ nje gə no ngɔ gə nda̰a̰ ngaɓa pa na: Ngan ko̰-mje, m-nja no Luba gə gə kəji gə may ja saar ce ɓogəne.

Koula 24:16

Gəl-e gə nee ɓa ꞌma kara m-ula rɔ-m ndubu gə dɔ karje tɔ̰y mba kar dəw ila tar dɔ kəji gə lə-m no Luba gə ngaɓa no dəwje gə ang.

Romaindjé 9:1

M-pa tar gə tɔgərɔ mə Kirisi gə, m-ɗəgərə ang, Njil Njerɔsangə pa tar naj-ɛ mə kəji gə lə-m,

1 Corinthiendjé 1:17

Mba Kirisi ula-m mba kar m-ɗa batɛm ang ngaa mba kar m-ila mbərə Tar gə May; mba kar m-pa tar kəm karə ang na kagə dəsə lə Kirisi a to ne gə baa.

1 Corinthiendjé 12:8

Njil ar dəw gə kara tar kəm karə; ar dəw gə kən gusutar gərə ne, gə go Njil gə kara baa nee le ja;

1 Corinthiendjé 15:10

Ngaa gə go mənuji lə Luba ɓa m-to ne ne gə m-to ɓogəne, ngaɓa mənuji gə m-inga le to ne gə baa ang, m-ɗa kula m-unda-je tɔ̰y, gə go singa-m ꞌma ang ngaa gə go mənuji gə Luba ɓa nay sə-m.

1 Corinthiendjé 2:13

Ngaɓa sijee kara j-a pa tar neje gə nee le gə ɗəw tar kəm karə gə dəwje ꞌtɔji ang, ngaa gə ɗəw gə Njil tɔji sijee, ja tɔji ne neje gə kar Njil j-ar nje gə Njil Luba to mə-je gə.

1 Corinthiendjé 4:4

ngaa ɔji dɔ ꞌye gə nən ɓa d-o-m ne gə dəw gə gadə-gadə ang, nje gangə tar dɔ-m gə to Mbayɓe.

1 Corinthiendjé 5:8

J-a ɗa-je nay le gə mbə gə ꞌɗa gə guway kodo gə ləw ang nəm, ɓa guway kodo məndul gə ɗa məyɛr ang nəm, ngaa j-a ɗaje gə mbə gə arə ngadə, gə tar gə tɔgərɔ gə guway kodo godo kəne.

2 Corinthiendjé 1:17

Ndu-m gə m-un to gə be nee le se, to gə ne m-ɗa baa gə nangə əng wa? Ose ndu-m gə m-un le, m-un ɗəw darɔ gə baa mba kar tar lə-m to gə oyo ngaɓa ə̰ə̰ə̰ ɓi wa?

2 Corinthiendjé 11:3

Be ja kara, ɗəw kara baa to gə li ərə ne Ɛbə gə gusu le, kar-m gədə-m gədə mba kar kəji lə-si turu buguju ngaɓa ɔsə-si ila-si əw gə lo kum naa gə lə-si, gə lo sangə rɔ gə lə-si mba Kirisi.

2 Corinthiendjé 2:17

Mba sijee le ja to to gə nje gə kɛm bula gə d-un tar lə Luba gə nekinga ne lə-je baa ne ang; sijee ɗaa, tar gə tɔgərɔ gə ḭ rɔ Luba gə ɓa ja pa, j-ar ne no Luba gə mə Kirisi gə.

2 Corinthiendjé 4:2

Ngaa, neje tɔ̰y gə to lokiya gə ngaɓa to nerɔkul lə-sijee le, j-ɔsə ngərəng, sijee j-a tula pa nja-si naa gə ang ngaɓa ja buguru dɔ tar lə Luba ang tɔ. Ngaa, ja kila dɔ tar gə tɔgərɔ gə ɗaga, ja ɗa ne tar naji lə-sijee kar kəji lə dəwje to ne dɔ sijee gə ngadə no Luba gə.

2 Corinthiendjé 8:8

M-pa tar gə nee le m-un ne gə ndu ɓa m-ar-si ang, ngaa m-pa tar ndəbə sər lə nje gə kɛm gə ne kɔji mar-ɛ mba kar-sisəy tɔjije ne njigi lə-si gə tɔgərɔ.

Galatedjé 6:4

Ngaa may kar na-na kara tən kula ɗ-ɛ ye ja o, a ɓo inga ne gə to ngira rɔləl kəne nama, a to kɔji dɔ-ɛ ye ja gə kar-e, ɓo a kuwa kɔji ne kar dəw gə ɗangə ang,

Ephésiendjé 6:14

Uwaje gədərə ja: tar gə tɔgərɔ ɓa uwaje ne mə-si gə gagəra ngaɓa ulaje neɗa gə gadə-gadə gə kubu ɗɔ gə ngira king-king;

Philippiendjé 1:10

To gə be ɓa mba kar ꞌgərəje ne ɗəw kɔr kəm ne gə may, gə ar-je ne ngadə ngaɓa kar tar uwa ne dɔ-si ndɔ təl gə lə Kirisi ang.

1 Thessaloniciendjé 2:10

Sisəy ꞌtoje nje tar naj-ɛje ngaɓa Luba nəm, to gə pa nja sijee to gə losang-ɛ, gə dɔ gɔl-ɛ ngaɓa gə bar-ɛ yaw horo-sisəy njetakagəje gə.

1 Timoce 1:5

ꞌI a kun ndu nee le mba kar dəwje njigi naa gə yoo gə nee, njigi gə ḭ mə gə arə ngadə, kəji gə to gə maj-ɛ ngaɓa gə takagə gə tɔgərɔ.

Tite 2:7

dan neje gə tɔ̰y le, ꞌi ja un rɔ-i gə ne kɔji mar-ɛ ɗəw ɗa kulaje gə may gə, ngaɓa ꞌtɔji tar gə tɔgərɔ ja, gə a kasə kəm ta ji joo

Ebərəje 13:18

ꞌDəjije Luba mba sijee, mba j-a gərə to gə kəji lə-sijee to gə maj-ɛ, gə mə-si gə njigi mba nja gə maj-ɛ dan neje gə tɔ̰y.

Jacques 4:6

Ngaa mənuji gə n-ar le, bo unda neje tɔ̰y, to gə be ɓa Mbede pa na: Luba ɔsə njekunda kar-jeje ngərəng, Ngaa n-ar mənuji lə-a nay gə nje gə d-ula dɔ-je ngulum.

1 Piyɛr 3:16

ɗaa ꞌpaje gə ndu gɔsə gə kul yururu gə kila kuji, ar-je kəji gə may ɓa uwa mə-si, mba kar lo gə d-aw ꞌpa gə si kəne nama, rɔ kul ɗa ne nje pa tarje gə kṵra̰y dɔ pa nja-si gə may gə ɗəw gə lə Kirisi.

1 Piyɛr 3:21

To ndaji batɛm gə aji-si ɓogəne, gə to ɗəw gə ꞌtogo ne neje gə mina darɔ dəw gə ɗaga ang, ngaa, to kun gə dəw un rɔ-ɛ gə kəji gə may ar Luba, ɗəw ce buwa yo gə lə Jeju Kirisi.