2 Corinthiendjé 1:11 - Mbede Lə Luba Kone Gə Sigi

¹¹ Sisəy ja kara ꞌlaje gə si dɔ-ɛ gə ɗəw dəji Luba gə tɔ. Be ɓa mənuji gə sijee j-a kinga ɗəw dəji Luba gə lə dəwje bula ɔji dɔ-si le, a təl to ne gə dəwje bula d-a kar ne Luba oyo mba sijee.

Testament ke Siki 1960 (Kabba Laka)

¹¹ Sésè asidjé ta koumadjé deo doudjou Allah té losè to, ta kare maredjé nya a da woio mbata lodjè, mbata mè madji ke djinga deo doudjou Allah té nya.

2 Corinthiendjé 1:11 ပူးပေါင်းရင်းမြစ်များ

Koula 12:5

Piyɛr le ꞌngəm-e kəy kula gə ngaa Mbo̰ naa lə njetakagəje kara d-uwa gədərə gə dəji Luba mba tar lə-a tɔ.

2 Corinthiendjé 4:15

Be ɓa neje tɔ̰y gə ce dɔ sijee gə le, ce mba sisəy, mba kar mənuji ɗa kula mə dəwje gə bula, ngaɓa kar bula bo dəwje ꞌtəl ne gə oyo, gə d-ila ne riɓar dɔ Luba gə.

2 Corinthiendjé 9:14

ꞌƊəji Luba mba tar lə-sisəy, ꞌtɔji njigi lə-je ɔji dɔ mənuji lə Luba gə uru dɔ mar-ɛ, gə to dɔ-si gə.

Philippiendjé 1:19

mba m-gərə to gə mbɔr dɔ dəji Luba lə-sisəy ɗaa m-aji ne ngaɓa Njil Jeju Kirisi kara a la sə-m tɔ;

Colossiendjé 4:3

ꞌDəjije mba sijee tɔ, mba kar Luba ɔr ta ɗəw pa tar ar-si, mba kar m-ila ne mbərə lə Kirisi gə dəwje ꞌgər-e ang ɓi, mb-ɛ ye ja ɓa d-uwa-m ne d-ila-m ne kəy kula gə,

1 Thessaloniciendjé 5:25

Ngan ko̰-mje, ꞌdəjije Luba mba sijee tɔ.

2 Thessaloniciendjé 3:1

Ngan ko̰-mje, tar gə j-a pa tɔl ne t-ɛ ɗaa, ꞌdəjije Luba ɔji dɔ-si, mba kar tar lə Mbayɓe ta lo gə ngɔdə baa, ngaɓa d-ila riɓar dɔ-ɛ gə to gə d-ila ne riɓar dɔ-ɛ horo-sisəy gə be tɔ.

Pilimo 1:22

Cibi, ꞌgɔl lo to ꞌngəbə-m, mba m-unda mə-m to gə gə go dəji lə-si ɗaa m-a ce dɔ-si gə.

Ebərəje 13:18

ꞌDəjije Luba mba sijee, mba j-a gərə to gə kəji lə-sijee to gə maj-ɛ, gə mə-si gə njigi mba nja gə maj-ɛ dan neje gə tɔ̰y.