1 Timoce 6:9 - Mbede Lə Luba Kone Gə Sigi

⁹ Ngaa, dəwje gə nekinga asə-je ang le d-oso dan kərə gə, dan bandə gə ɓo neje dang-dang gə ɔsə dəwje um-je lo tuji gə.

Testament ke Siki 1960 (Kabba Laka)

⁹ A dèdè ke ndiki kinga né kinga, doso kere té, ke koulaa kiyaa té, ke boo mbe, ke boo nya ke are ongou ke ila dooudjé loou toudjou té ke loou kem pourou té.

1 Timoce 6:9 ပူးပေါင်းရင်းမြစ်များ

Matiye 13:22

Kandə kər gə um mə kunje gə le nay ɗəw kara baa gə dəw gə tuga mbi-a o ne tar lə Luba, ngaa no rɔ gə ɔji dɔ kəji neje gə nangə nee, gə ɓo nekingaje, ɗe udu dɔ tar lə Luba gə n-o le ngaɓa ɗa ar kand-e godo.

Matiye 19:22

Logə ngon basa̰ le o tarje gə Jeju pa nee ɗaa rɔ-ɛ ləl-e ang, ar ɔdə aw mba nekingaje lə-a bula ya̰.

Matiye 26:15

dəji-je na: To gə ɓo m-un dɔ Jeju m-ar-si uwa-aje le, a kuga-mje gə ɗi wa? Ɗaa d-uga-aje mbɛl kula munda.

Matiye 6:19

ꞌƁərəje nekingaje lə-si umje dɔ nangə nee ang, na to lo gə sɔlɔlɔje gə ɔgəɓar d-aw tuji neje kəne nəm ɓa nje ɓogoje kara d-aw cɛdə ta kəyje d-aw ɓogo nəm tɔ,

Marəke 4:19

ngaa no rɔ gə ɔji dɔ ne gə nangə nee, gə ɓo nekingaje gə dɔ nangə nee, kəm kə̰y neje dang-dang ɗe udu dɔ tar lə Luba gə d-o le ngaɓa ɗa ar kand-e godo.

Lugu 12:21

Jeju təl pa ja cibi na: Ye ɓa to ne gə ce dɔ dəw gə mbo̰ nekinga ɔji dɔ-ɛ ye ja baa, ɓo to njenekinga gə ɔji dɔ Luba ang.

Lugu 21:35

Mba n-a ce dɔ dəwje gə tɔ̰y gə d-isi dɔ nangə nee, to gə d-ila ne ɗɛngə be;

Koula 8:20

Ngaa Piyɛr pa ar-ɛ na: May kar-i ꞌdugulu gə lar lə-i naa gə, mba əji mba ndogo nekarə baa lə Luba gə lar.

Ephésiendjé 4:22

may kar ɔrəje darɔ gə ləw gə to gə pa nja-si gə kede ləw ɗəw ɓo neje gə ərə si ar-si ꞌtuji-je ne rɔ-si pugudu,

1 Timoce 1:9

ngaɓa j-a gərə-je to gə Luba un torondu le mba dəw gə gadə-gadə ang. Ngaa n-un torondu nee le mba njekal tarje, nje dɔ ngangəje, njeməndulje gə njeneɗaje gə kṵra̰y, dəwje gə ꞌɓəəl Luba ang, dəwje gə ꞌɓəəl ne le Luba ang, nje tɔl bɔ-jeje gə ko̰je-je ngaɓa gə nje tɔl dəwje,

1 Timoce 3:7

May kar dəwje gə to njetakagəje ang ja kara pa tar naji lə-a gə maj-ɛ ɓa, gə mba kar n-oso mə bandə gə le ꞌSɛ̰ngərɛ̰ ang tɔ.

1 Timoce 6:10

Gəl-e gə nee ɓa, ngira ne gə kṵra̰y tɔ̰y to njigi lar, dəwje bula gə d-un rɔ-je d-ila kəne le, ꞌtusu takagə lə-je d-ḭya̰ ngaɓa d-oso dan tuji gə badagə tɔ.

1 Timoce 6:17

ꞌNdəji bawje gə dɔ ndɔ gə ɓogəne mba kar d-unda kar-je ang, ngaɓa mba kar d-unda mə-je to dɔ nekinga gə a nday gə ang, ngaa d-unda mə-je dɔ Luba gə. ꞌNe gə to nje kar-si ne gə j-aw ndoo-e gə kobəre mba kar j-a ɗa ne rɔləl.

2 Timoce 2:26

gə mba təl kun kəji lə-je gə gə maj-ɛ, gə mba ce ne ta kula gə ꞌSɛ̰ngərɛ̰ iya mba kuba neje ɓa mba kar ɗa-je ne mə njigi lə-a.

Tite 2:12

Mənuji lə Luba le tɔji-si ɗəw kila kuji dɔ ne gə lə Luba ngaɓa mba kar ɓo neje gə dɔ nangə nee tɔ-si ang, be ɓa kar-si j-a njaje ne gə kəm karə gə neɗa gə gadə-gadə dɔ ndɔje gə ɓogəne, gə kila ne kɔji dɔ ne gə lə Luba nəm tɔ,

2 Piyɛr 2:3

Gə go ɓo lar gə uwa-je ɓərə gə ja, d-a kərə ne si gə tar gə ta-je gə, mba kinga ne neje ji-si gə, ngaa tar uwa dɔ-je ləw baa ngaɓa d-a kuba tuji ɓisine baa.

Jude 1:11

Nekəmandoo to kar dəwje gə nee le, mba d-un kila ɗəw lə Ka̰yi; ꞌpa tar gə baa mba lar to gə Balam be; d-uy yo mbə to gə Kore uy yo dɔ kədərə be.