1 Timoce 6:3 - Mbede Lə Luba Kone Gə Sigi

³ To gə dəw gə ɗa-ɗa ɓa tɔji ne gə dang baa ose nja mə tar gə lə Mbayɓe Jeju Kirisi, ose nja gə go nendo gə ɔji kila kuji dɔ ne gə lə Luba ang nama,

Testament ke Siki 1960 (Kabba Laka)

³ Tokou mare doou tòdjou tar ke dang, ke ndiki gè ke tar ke gaté gaté lo Mbaibé lodjè Jésus Christ ang, tar ke to deo ngem tar té lo Allah,

1 Timoce 6:3 ပူးပေါင်းရင်းမြစ်များ

Matiye 22:21

D-ila-a kəne na: To kar Sejar. Be ɓa Jeju pa ar-je na: Ne gə to kar Sejar nama ar-je Sejar, ne gə to kar Luba nama ar-je Luba.

Matiye 28:20

ɗaa ndo-jeje ar-je ɗa neje tɔ̰y gə m-un ndu-m kəne m-ar-si le. Oje m-ga̰ gə si naa gə gə ndɔje tɔ̰y saar ndɔ gə nangə nee a kunda ne ngang-ɛ.

Romaindjé 16:17

Ngan ko̰-mje, m-ndəji-si mba kar undaje kəm karə dɔ rɔ-si gə, mba nje kɔsə kudu kay naaje ngaɓa ꞌpa tar ꞌtuji ne neje gə ꞌtɔji-si d-ar njetakagəje d-uba ne netɔji nee le d-ḭya̰. May kar ɔrəje rɔ-si rɔ-je gə gugu.

1 Thessaloniciendjé 4:8

Be ɓa dəw gə mbadə nduje gə nee le, to gə dəw ɓa nj-ɛ mbadə tar t-ɛ gə ang ngaa Luba gə nje kar-si Njil Njerɔsangə ɓa nj-ɛ mbad-e.

1 Timoce 1:10

bula jagədaje, jingawje gə njeto gə naaje gə jeneje gə njeto gə naaje, dəwje gə njeɗabə ɓərəje, njeɗəgərəje, njetuga najije ngaɓa mba dəwje gə ɗa ne gə tila kəm nendo gə tɔgərɔ.

1 Timoce 1:3

To gə m-pa nee m-ar-i, isi mə ɓe gə Epɛs mba kɔgə dəwje gə kɛm ɗəw tɔji nendo gə ɗangə ang, to gə m-pa nee m-ar-i kede nam ɓa kar m-ɔdə m-aw ne dɔ nangə gə Masedowan le.

1 Timoce 1:6

Lo gə nje gə kɛm d-ḭya̰ ɗəw gə nee le ɗaa, d-al d-uru dan ma̰y tar gə baa gə.

2 Timoce 1:13

Tar gə tɔgərɔ gə o ta-m gə ɗəw takagə gə njigi gə ḭ rɔ Kirisi Jeju gə le, un gə ne kɔji mar-ɛ.

2 Timoce 4:3

Mba dɔ kar a ɗe gə dəwje d-a njigi ko tar kaji gə tɔgərɔ ang ngaɓa d-a kuwa gədərə ang ngaa gə go ɓo lə-je ja d-a mbo̰ ne njenetɔjije gə a pa tar kərəje gə ləl mbi-je gə,

Tite 1:1

ꞌMa Pɔl, ngon njekula lə Luba ngaɓa njeka̰ykula lə Jeju Kirisi mba kar takagə lə nje gə Luba mbərə-je may ne pɛdə, ngaɓa ꞌgərə ne tar gə tɔgərɔ gə go kila kuji dɔ ne gə lə Luba.

Tite 1:9

tar gə tɔgərɔ gə kəm ta ji joo gə ꞌtɔj-ɛ le n-a ngom to gə ngon kəm-e be, to gə be ɓa n-a kasə mba kula ne jingaw mə nje gə kɛm gə gə ɗəw netɔji gə gə dɔ gɔl-ɛ ngaɓa gə mba ndangə ne njema̰y tarje kila-je ne dana.

Tite 3:8

Tar gə m-pa nee le to tar gə tɔgərɔ, ɗaa may kar ore kəm-i kəne ndəng mba ndəji ne nje gə d-unda mə-je dɔ Luba gə mba kar ꞌɗa ne kulaje gə may gə kede-kede. Ye ɓa to ne gə may gə to kəm kar njetakagə ꞌɗa!