1 Timoce 6:1 - Mbede Lə Luba Kone Gə Sigi

¹ Dəwje tɔ̰y gə jugu ɓərə to gɔbə-je gə le, may kar je d-ula dɔ-je d-ar ꞌɓəə-jeje ɓa gə mba kar dəwje taji ne ri Luba ang, ose taji ne nendo gə ꞌtɔji-je le ang tɔ.

Testament ke Siki 1960 (Kabba Laka)

¹ Ase kare dèdè toï ke nto ko kake bange né bere té, dèdè nwal ebèèdèdè ndja tokou doou ke dase kòsou gadjè, ban baa ta kare ri Allah ke tar la ndé né tadji ang.

1 Timoce 6:1 ပူးပေါင်းရင်းမြစ်များ

Matiye 11:30

Mba jugu lə-m jɔgə njekun-e ang ngaɓa nekodo lə-m ɔlɛ pɛl-pɛl.

Matiye 11:9

Se ɗi ja ɓa aw oje wa? Pajambərə wa? Tɔgərɔ ja, m-pa m-ar-si, to dəw gə nday pajambərə ja ɓi.

Lugu 17:1

Jeju pa ar ngan njenendoje lə-a na: Ɗəw gə dəw a koso ne dan neɗa gə kṵra̰y ang le godo. Ngaa tuji uba dəw gə ye ɓa to ɗəw koso dan neɗa gə kṵra̰y gə.

Koula 10:22

D-ila-a kəne na: Kɔrənəy njekɔr no njeɗɔje gə tɔl, gə to dəw gə gadə gə ɓəəl Luba ngaɓa gəl kuji Jiibije tɔ̰y kara ꞌtura-a gə dəw gə gadə-gadə. Ɗaa anji gə njerɔsangə ɗe pa ar-ɛ na kar n-ɓar-i n-ar-i aw kəy lə-a aw pa tar neje nee le ar-ɛ n-o.

Koula 10:7

Logə Anji pa tar le ila nangə be tɔ ɗaa ɔdə aw, go-e gə ɗaa Kɔrənəy ɓar ngan njekulaje lə-a joo gə njeɗɔ kara gə to njekila kuji dɔ ne gə lə Luba horo nje ka dɔ-ɛje gə.

Koula 15:10

Mba ɗi ɓa ɓisine ɗaa, ꞌnaje Luba ngaɓa nekodo gə ka-sijee, gə sijee ja kara j-asə kodo ang ɓa unda-je ngina ngan njenendoje gə wa?

Romaindjé 2:24

Mba ꞌtaji ri Luba horo dəwje gə ꞌgərə Luba ang gə mba sisəy, to to gə ɗa ne mə mbede gə.

1 Corinthiendjé 10:32

May kar ꞌtoje jigi tuga gɔl mba Jiibije ang nəm, mba dəwje gə ꞌgərə Luba ang ang nəm, mba Mbo̰ naa lə njetakagəje lə Luba ang nəm,

Galatedjé 5:1

Kirisi ɔr kula ɓərə lə torondu gɔbə-si gə mba kar dɔ-si to doy. Be ɗaa, ar-je dɔ gɔl si gə jang, ɓo ꞌtəlje ulaje gɔbə-si jugu ɓərə gə gugu ang.

1 Timoce 5:14

Gəl-e nee ɓa, m-njigi kar jene ndubaje gə ꞌnay mandə ɓi ꞌta ngaw, d-uji nganje, ꞌngom-je mə kəy lə-je mba kar njeba̰a̰ inga ɗəw tuji ri-je ang.

Tite 2:5

kar d-a gərə kila ubu dɔ tar gə, kar d-ar ne ngadə, kar d-a to jeneje gə may gə ɗəw gərə ɗa ne kula mə kəy gə lə-je, ngaɓa kar d-ula ne dɔ-je ngulum no ngaw-jeje gə nəm, be ɓa dəwje d-a ndɔl ne tar lə Luba ang.

1 Piyɛr 2:12

Ar-je pa nja-si to gə maj-ɛ horo dəwje gə ꞌgərə Luba ang gə, mba kar logə ꞌpa na ꞌɗaje ne gə kṵra̰y kəne nama, kula ɗa si gə may ɓa d-o kəne ngaɓa kar d-ɔsə ne gaji Luba dɔ ndɔ ɗe gə lə-a.

1 Piyɛr 3:16

ɗaa ꞌpaje gə ndu gɔsə gə kul yururu gə kila kuji, ar-je kəji gə may ɓa uwa mə-si, mba kar lo gə d-aw ꞌpa gə si kəne nama, rɔ kul ɗa ne nje pa tarje gə kṵra̰y dɔ pa nja-si gə may gə ɗəw gə lə Kirisi.