1 Timoce 5:6 - Mbede Lə Luba Kone Gə Sigi

⁶ Ngaa, jene nduba gə un rɔ-ɛ ar ne rɔləl gə dɔ nangə nee le, isi kəm baa ja kara, nay to gə dəw gə uy.

Testament ke Siki 1960 (Kabba Laka)

⁶ A nè ke noun rè ndja to né kinga koukou, nè nto yo, lé nisi tokou kem.

1 Timoce 5:6 ပူးပေါင်းရင်းမြစ်များ

Matiye 8:22

Ngaa Jeju ila-a kəne na: Iya̰ nje gə d-uy ar-je ꞌdubu yo lə-je, ꞌi ɗaa uwa go-m.

Lugu 12:19

Cibi, m-a pa kar kəm lə-m na: Kəm lə-m, uwa kɔr-i, usa ɓo ay ngaɓa ꞌɗa rɔləl, mba ꞌi aw gə nekingaje gə a ɗa sə-i ɓal bula.

Lugu 15:13

Ɗa ndɔ njɛ̰ go-e gə ɗaa, ꞌye gə naa mbo̰ nemayje lə-a tɔ̰y, ɔdə gə lar le aw nee dɔ ɓe gə əw, aw tuji dɔ neje gə kṵra̰y gə.

Lugu 15:24

mba ngon-m gə nee le to dəw gə uy ɓa təl ndol, ꞌne gə n-igi ɓa m-təl m-inga-a. Ɗaa d-uma kudu ɗa rɔləl.

Lugu 15:32

Ngaa ngon ko̰-i gə nee le, nay to gə dəw gə uy ɓa ndol, n-igi ɓa m-inga-a nee le ja, may ɗa ndam ɗa ne rɔləl ɔji dɔ-ɛ ja.

Lugu 16:19

Dəw kara gə njenekinga gə ula kubu gə kasə rog-rog gə kubu gə nda kələw-kələw gə lar-ɛ ya̰ ngaɓa gə ndɔ-ndɔ ja ɗa nekusa unda rad-rad.

Lugu 7:25

Ngaa, ɗi ɓa aw oje wa? Dəw gə ula kubu gə bḭ may wa? Oje, nje gə d-ula kubu gə bḭ may ngaɓa d-isi dan may gə le, d-isi kəy mbayje gə.

Ephésiendjé 2:1

Ye gə ɔji dɔ sisəy le ɗaa, ꞌtoje dəwje gə uyje mbudugu ɗəw neɗaje gə gə dɔ gɔl-ɛ ang gə ɗəw neɗaje gə kṵra̰y gə lə-si,

Ephésiendjé 2:5

Sijee gə j-uy ɗɔdə mba neɗa-sijee gə gə dɔ gɔl-ɛ ang le n-ar-si ja təl j-isi kəm baa gə Kirisi naa gə – mbɔr dɔ mənuji ɓa sisəy ajije ne kəbərə.

Ephésiendjé 5:14

Mba ne tɔ̰y gə to gadəmagay gə le to lokarə. Gəl-e gə nee ɓa Mbede pa na: ꞌI gə ꞌcibi le, ꞌndol dɔ ɓi gə, Uba nangə ḭ horo nje gə d-uy gə, Ɗaa Kirisi a ndogo dɔ-i gə.

Colossiendjé 2:13

Sisəy le uyje mbudugu ɗəw neɗaje gə gə dɔ gɔl-ɛ ang gə lə-si ngaɓa mba unjaje bərə-si ɗəw darɔ gə ang, n-ar-si ꞌtəl isije sə-a kəm baa, n-ɔr ne tar neɗaje gə kṵra̰y lə-si tɔ̰y dɔ-si gə;

2 Timoce 3:6

Dəwje gə kɛm horo-je gə d-aw gə ta kəy kəy d-aw d-ərə jeneje gə takagə lə-je ngang ang, gə mal neɗaje gə kṵra̰y dang-dang to mə-je gə;

Jacques 5:5

Ubaje may dɔ nangə nee, ngaɓa isije dan nemayje gə dana badagə, uulje rɔ-si to gə d-uul ne da mba tɔl-ɛ be.

Apocalypse 18:7

Ɗəw kara baa to gə ləl-e ya̰ kar n-isi dan riɓar gə, gə dan nemayje gə le, be ja tɔ ꞌtəlje gə kula kəm ndoo gə kəm ndoo yo gugu ar-eje. Mba n-əji m-e gə na: M-to mbay jene ɓo m-to gə jene nduba ang nəm, ngaɓa ndɔ kara baa be kara kəm ndoo yo a ɓar ri-m ang nəm tɔ,

Apocalypse 3:1

ꞌƊa mbede ula ne ar anji lə mbo̰ naa lə njetakagəje gə Sarədə: A o, tar gə dəw gə uwa njilje gə siri lə Luba gə ndɛ̰ndərɛ̰ndɛ̰je gə siri ji-a gə pa le ɓa nee: M-gərə kula ɗa-ije; m-gərə gə maj-ɛ to gə ꞌpa tar lə-i gə lo-lo na aw kəm baa, ngaa uy.