1 Timoce 4:8 - Mbede Lə Luba Kone Gə Sigi

⁸ May kḭya̰ rɔ-i mə ji Luba gə, mba kula rɔ ndubu may ja ngaa, kila kuji dɔ ne gə lə Luba may unda neje tɔ̰y, be ɓa Luba gɔl təbə gə ɓogəne gə ye gə bara ar dəw gə ḭya̰ rɔ-ɛ mə ji-a gə.

Testament ke Siki 1960 (Kabba Laka)

⁸ Ngem ròi ndja deo ngem tar té lo Allah, mbata da rò inga né ngadji deo ndam té, a doou inga né ke ase né toï deo ngem tar té lo Allah, mbata tar tòna to tén mbata tébe ke loshénè, ke mbata tébe ke ao dé tò.

1 Timoce 4:8 ပူးပေါင်းရင်းမြစ်များ

Matiye 12:32

Dəw gə ɗa-ɗa gə pa tar gə kṵra̰y dɔ ꞌma gə Ngon lə dəw nama, d-a kɔr tar-ɛ dɔ-ɛ gə, ngaa dəw gə pa tar gə kṵra̰y dɔ Njil Njerɔsangə gə le, Luba a kɔr tar-ɛ dɔ-ɛ gə dɔ ndɔje gə ɓisine ang nəm ɓa dɔ ndɔje gə aw ɗe kede ang nəm.

Matiye 19:29

Dəw gə ɗa-ɗa gə mba-m ꞌma ɓa uba ne mə kəy lə-a iya̰, gə ngan ko̰-ɛje, gə ko̰ nan-ɛje, gə bɔ-ɛje, gə ko̰-ɛje, gə ngan-ɛ ose mə ndɔje lə-a nama a kinga mar-ɛ bula dɔ-ɛ gə ngaɓa a kinga təbə gə gə ndɔ gə ndɔ gə nenduba.

Matiye 6:33

ꞌSangəje ɓeko̰ lə Luba gə gadə-gadə ja dɔngɔr ɗaa neje gə sisəy aw-je ndoo-e nee le, Luba a kar-si dɔ-ɛ gə.

Marəke 10:30

nama ɓogəne ja a kinga gɔl tɔl, kəyje, ngan ko̰-ɛje, ko̰ nanje, ko̰je, nganje gə ndɔje ngaɓa d-a kula kəm-e ndoo nama a kinga təbə gə a to gə ndɔ gə ndɔ mə ndɔ gə bara.

Lugu 5:38

Ngaa ɓo munduru kodo nama may kiya mə jo kodo gə sigi gə ja tɔ ɓa d-a kuwa naa gə maj-ɛ.

Romaindjé 8:28

Ngaɓa j-a gərə to gə neje tɔ̰y ꞌmbo̰ naa kara baa ɗa ne mba may lə nje gə ꞌnjigi Luba, gə nje gə n-ɓar-je gə go ɗəw gə ꞌne ja n-gɔl.

1 Corinthiendjé 3:22

Pɔl, ose Apolos, ose Sepas, ose dɔ nangə nee, ose təbə, ose yo, ose neje gə ɓogəne, ose neje dɔ ndɔ gə bara; tɔ̰y to kar-sisəy;

1 Corinthiendjé 8:8

To nekusa ɓa a ɗəm gə sijee gə rɔ Luba gə ang. To gə ɓo j-usa ang kara ne kara lal-si ang nəm, to gə ɓo j-usa kara ne kara gə j-inga j-ila dɔ mar-ɛ gə godo nəm tɔ.

1 Timoce 4:7

Əw rɔ-i kunda mə-i dɔ tar gə baa gə gə ɓuga jeneje d-aw tura rad-rad. May kar ꞌi ja ila kuji dɔ ne gə lə Luba.

1 Timoce 6:3

To gə dəw gə ɗa-ɗa ɓa tɔji ne gə dang baa ose nja mə tar gə lə Mbayɓe Jeju Kirisi, ose nja gə go nendo gə ɔji kila kuji dɔ ne gə lə Luba ang nama,

1 Timoce 6:5

ma̰y tar gə sṵra̰ godo horo dəwje gə kəji negərə lə-je uy mbudugu, ar tar gə tɔgərɔ godo mə-je gə, ngaɓa d-o tar kila kuji dɔ ne gə lə Luba to gə ɗəw nekuga dɔ ji lə-je.

1 Timoce 6:6

Tɔgərɔ ja, kila kuji dɔ Luba gə to ngira nekuga dɔ ji ja to gə j-ɛm mə-si dɔ ne gə to ji-a gə.

2 Timoce 3:5

d-a tɔji ndaji kila kuji dɔ ne gə lə Luba kəm dəwje gə ɗaga baa, ngaa mə-je gə ɗaa ꞌmbadə singamong-e. Kəm kar-i mbɔbə dəwje gə be ang.

Tite 3:8

Tar gə m-pa nee le to tar gə tɔgərɔ, ɗaa may kar ore kəm-i kəne ndəng mba ndəji ne nje gə d-unda mə-je dɔ Luba gə mba kar ꞌɗa ne kulaje gə may gə kede-kede. Ye ɓa to ne gə may gə to kəm kar njetakagə ꞌɗa!

Ebərəje 13:9

May kar ḭya̰je ɗəw ar netɔjije dang-dang gə dəw gərə gəl-e ang baa ja turu dɔ-si ang. Mba may kar mənuji ɓa ula jingaw mə-si gə, ɓo nekusa le asə ɗa ne kara kar njekusa-je ang.

1 Jean 2:25

Ye ɓa to ne gə ɔji dɔ təbə gə ndɔ gə ndɔ gə n-uwa dɔ gɔl-ɛ n-ar-si.

Apocalypse 3:12

Dəw gə cɛdə ɗɔ nama, m-a kar-ɛ to gə dubu mə kəy gə lə Luba, a kila gɔl-ɛ ɗangə ang car, ngaɓa m-a kunda ri Luba lə-m, gə ri ɓebo lə Luba lə-m gə to Jerujalɛm gə sigi gə ḭ dara rɔ Luba gə lə-m dɔ-ɛ gə, ngaɓa ri-m ꞌma gə sigi nəm tɔ.

Apocalypse 3:21

Dəw gə cɛdə ɗɔ nama m-a kar-ɛ isi sə-m dɔ ngəndəng mbay gə lə-m to gə ꞌma kara m-cɛdə ɗɔ ɗaa m-isi gə Bɔy dɔ ngəndəng mbay gə lə-a.